Ez 6:10 - Kaqchiquel Bible

¹⁰ K'ari' xtiketamaj chi ja yin Jehová. Toq xinbij chi ninbenya-pe ri rutojbalil-mak pa kiwi', kan xinben ri xinbij, xcha'.

Ez 6:10 ပူးပေါင်းရင်းမြစ်များ

Wuj Richin ri Jeremías 44:28

Pa ruwi' ri', rix ri xkixkolotej kan y xkixtzolin chupan ri qaruwach'ulew, xa ix juba' ok. Y keri' k'a chi'iwonojel rix ri k'a ixk'o na kan pa ruwach'ulew Judá, ri xkixok pa ruwach'ulew Egipto kan xtiwetamaj achoq ch'abel na k'a ri xtik'uluwachitej; wi kan ja ri nuch'abel yin Jehová, o ja ri ich'abel rix.

Ez 12:25

Roma ri', ja yin Jehová ri xkich'on y ri xtinbij kan xtinben y kan man xtinya' ta chik kan k'iy q'ij. Y kan xtinben k'a richin xtikitz'et ri awinaq ri e yakatajineq chuwij. Yin Jehová ri yibin, xcha'.

Ez 22:14

¿Xkixtikir kami xtipaba-iwi' chinuwech toq yin xkiyakatej chiwij? Yin Jehová ri yibin y kan xtinben k'a ri ninbij.

Ez 5:13

Toq xinwelesaj yan k'a ri woyowal chiwij, k'ari' xtich'uch'u' ri wánima y xtiwetamaj k'a chi ja yin Jehová ri yibanon roma kan janila yakatajineq woyowal chiwij.

Ez 6:11

K'ari' ri Jehová xubij chuwe: Tapaq'apa' k'a ri aq'a' y tatinita' ri awaqen roma bis y kasik'in k'a roma q'axo'n, roma ri janila itzel taq kibanobal ri xekibanala' ri awinaq israelita. Xa kan xkeken pan oyowal, wayjal y yabil.

Ez 6:7

K'a toq xtikitz'et na chi janila winaqi' israelita xkeken, k'ari' xtiketamaj chi ja yin Jehová.

Ez 6:9

Y rije' kan xkinoqaqa k'a chikik'u'x toq juk'an chik chire re ruwach'ulew ek'o-wi. Kan xtoqaqa k'a chikik'u'x chi janila kisokon ri wánima roma man xkiben ta ri xinbij chike y chuqa' roma xkich'er kan ki' wik'in y xekitzeqelibej ch'aqa' chik dios. Y k'ari' itzel xtikina-qa roma ri itzel taq kibanobal ri xekibanala'.

Dn 9:12

Rat kan xataqej k'a ronojel ri abin-pe pa qawi' roj y pa kiwi' ri aj-raqen y pa kiwi' ri e q'atoy taq tzij, roma kan xaya' pa qawi' ri jun nimalej ruk'ayewal. Kan man jun bey k'a banatajineq rik'in jun chik ruwach'ulew ri achi'el ri xuk'uluwachij ri tinamit Jerusalem.

Wuj Richin ri Zacarías 1:6

Ri nuch'abel ri xinbij chike ri nusamajela' e q'alajirisey nuch'abel kan xbanatej kik'in ri ite-itata'. Jak'a toq rije' xtzolej-pe kik'u'x wik'in, xkibij chi yin kan xinben kik'in achi'el ri ruk'amon, roma rije' kan itzel ri kibanobal. Y roma ri' xinben kik'in achi'el ri xinch'ob, xcha' ri Dios.