Ez 5:8 - Kaqchiquel Bible

⁸ Xa roma ri' yin Jehová ri in rajaw ronojel ninbij chi yin chuqa' xkiyakatej chiwij rix winaqi' aj-Jerusalem. Kan chikiwech k'a ri tinamit ri ek'o chi'inaqaj xtinben chiwe chi xtijoj ri imak.

Ez 5:8 ပူးပေါင်းရင်းမြစ်များ

Wuj Richin ri Jeremías 21:13

Rix aj-Jerusalem ri ixk'o chiri' pa taq'aj kojol juyu', kan ikuquban ik'u'x rik'in ri nimalej abej ri k'o chiri'. Rix kan nibij k'a chi man jun xtinaqo iwichin. Chuqa' nibij chi man jun nitikir nok-apo chupan ri itinamit. Yin Jehová ninbij chi kan xkinok etzelanel iwichin.

Wuj Richin ri Jeremías 21:5

Kan yakatajineq janila woyowal y roma ri' kan xtinben oyowal iwik'in rix rik'in nimalej wuchuq'a'.

Wuj Richin ri Jeremías 24:9

Kan koma k'a rije', ri winaqi' richin ri ch'aqa' chik ruwach'ulew kan xtisach kik'u'x. Chuqa' e ya'ol k'ix, kan xkeyojobex y kan xtiqaqa itzel pa kiwi' ri akuchi xkenteq-wi-el.

Wuj Richin ri Jeremías 50:7

Toq ri e etzelanel iwichin yixkil, kan yixkik'is. Y k'ari' rije' nikibij chi man kimak ta ri keri' xkiben iwik'in, roma rix kan xixmakun chinuwech, ri in qitzij yuq'unel, achoq ik'in xkikuquba-wi kik'u'x ri ite-itata'.

Wuj Richin ri K'uxla'anik 2:5

Ri Jehová kan xok k'a achi'el jun etzelanel, kan xuwulaj k'a jumul ri qatinamit Israel. Xeruwulaj k'a ronojel nima'q taq jay; xeruk'is ri jay richin tobel. Xunimirisaj k'a ri bis y ri q'axo'n pa ruwi' ri Judá.

Wuj Richin ri K'uxla'anik 3:3

Kan chuwij k'a yin xyakatej-wi. Kan jantape' k'a xuyek ri ruq'a' richin xuya' ruk'ayewal pa nuwi'.

Ez 11:9

Roma ri' yin kan xkixinwelesaj k'a el chupan re tinamit re', y xkixinjech-el pa kiq'a' winaqi' ri man e iwinaq ta, richin xtinya' rutojbalil pan iwi'.

Ez 13:8

Roma ri' yin Jehová kan xkibeyakatej chikij ri xa nikibananej ri nikibila' y chikij ri nikibij chi k'o nik'utumej chikiwech y xa man qitzij ta.

Ez 15:7

Yin kan xkinok k'a etzelanel kichin rije'. Stape' xke'animej chuwech ri q'aq', jak'a kan k'o chik jun q'aq' ri xtik'ison kichin. Y k'ari' xtetamex chi ja yin Jehová.

Ez 16:41

Xtikiporoj kan ri awachoch y xtikiq'et-tzij pan awi'. Y re' kan chikiwech ch'aqa' chik tinamit xtibanatej-wi. Y keri' xtinben chawe richin xtaya' kan ri itzel k'aslen y man chik xke'atoj ta ri ye'ajowan awichin.

Ez 21:3

Yin kan xkinok k'a etzelanel kichin y xtinwelesaj ri nu-espada chikij y kan xkenkamisaj konojel ri winaqi', ri choj kik'aslen y ri aj-maki'.

Ez 28:22

Yin Jehová kan xkiyakatej k'a chirij ri nima-tinamit Sidón, richin xtiya'ox nuq'ij-nuk'ojlen. Richin keri' konojel winaqi' kan xtiketamaj k'a chi ja yin Jehová ink'o pa ruwi' ronojel. K'ari' xtinq'et-tzij pa ruwi' y kan xtinq'alajirisaj chuwech ri nuch'ajch'ojil.

Ez 30:19

Richin keri' yin kan xtinya' rutojbalil-mak pa kiwi' ri winaqi' aj-Egipto y jari' xtiketamaj chi ja yin Jehová ri ink'o pa ruwi' ronojel.

Ez 34:10

Kan xkiyakatej k'a chiwij y rix k'o chi xtibij chuwe achike roma man xe'ichajij ta ri nuwinaq. Man xkixk'oje' ta chik pa kiwi', man xkixtikir ta chik xtiwelesaj ri k'o kik'in y man xtiben ta chik chike richin nikitej poqon.

Ez 35:3

Y jare' k'a ri rutzijol: Yin, ri Jehová, kan in yakatajineq chiwij, y xtinq'alajirisaj chiwe ri xtibanatej pan iwi'. Xtintzeqej k'a ri nuq'a' pan iwi' y xtinben jun tz'iran chire ri iruwach'ulew y xtitole' kan.

Ez 39:1

Rat Ezequiel, taq'alajirisaj ri nuch'abel pa ruwi' ri rey Gog y tabij chire: Yin Jehová ninbij chawe chi in yakatajineq chawij rat Gog ri at rey pa kiwi' ri ruwach'ulew Mésec y ri Tubal.

Ez 5:15

Kan konojel k'a ri winaqi' kichin ch'aqa' chik ruwach'ulew xtiketzelaj y xtikitze'ej. Chuqa' kan xtik'atzin richin k'ixbilal chike ri ch'aqa' chik ruwach'ulew ri ek'o chunaqaj, roma yin xtinq'et-tzij pa ruwi' rik'in oyowalen y rik'in ch'olinik.

Wuj Richin ri Nahum 2:13

Ri Jehová k'iytisanel richin ronojel nubij: Jare' ink'o richin yixink'is. Xkenporoj k'a ri i-carruaje y xkebuqulin pa sib, Kan xkenk'is k'a ri iwalk'ual. Kan man xtinya' ta kan richin ja rix ta yixch'akon. Y kan man jun bey chik k'a xtak'axatej kich'abel ri yech'on pan iwi' rix.

San Mateo 22:7

Jari' toq xapon rutzijol rik'in ri rey, y rija' xyakatej royowal, y xeruteq aj-labal chikij richin chi xek'is k'a ri e kamisanela' kichin ri e rusamajel, y chuqa' xuteq ruporoxik ri kitinamit.

Deut 29:20

Ri Jehová kan man jun bey xtukuy rumak ri wineq ri nich'obon keri', xa kan xtrelesaj royowal chirij ri wineq ri', y kan xtuya' ri itzel oyonik pa ruwi' achi'el ri tz'ibatajineq kan chupan re jun wuj re', y kan xtuk'is-el jumul ri rijatzul chuwech re ruwach'ulew.