Ez 5:6 - Kaqchiquel Bible

⁶ Jak'a ri winaqi' xa xkipaba-ki' y man xkitaqej ta ronojel ruwech pixa' ri nuya'on chike. Rije' kan más k'a itzel xekiben chikiwech ri winaqi' ri ek'o chikinaqaj. Rije' kan xketzelaj ri nubin chike y kan man xkiben ta.

Ez 5:6 ပူးပေါင်းရင်းမြစ်များ

2 Rey 21:11

Ri Manasés ri rey richin Judá nuben ri man niqa' ta chinuwech, y kan nuben más itzel taq banobel chuwech ri xkiben ri aj-Hamor ri xek'oje' ojer kan, y rija' kan xuben chike ri aj-Judá richin xkiya' kiq'ij ri kiwachibel ri ch'aqa' chik dios.

2 Rey 21:9

Jak'a ri Manasés y ri aj-Judá man xkak'axaj ta. Rija' xuben chike chi xemakun, más chuwech ri mak ri xekibanala' ojer kan ri winaqi' aj chiri' ri xeruk'is ri Jehová.

Wuj Richin ri Nehemías 9:34

Ri qa-rey, ri e qatata'al, ri e qa-sacerdote y ri qate-qatata' man xkinimaj ta ri apixa', ni man xkak'axaj ta ri ruchojmilal.

Wuj Richin ri Nehemías 9:35

Man xatkisamajij ta, stape' rije' xekikot rik'in ri utzilej taq ulew richin tiko'n ri xaya' chike.

Wuj Richin Bix Chire ri Dios 106:20

Keri', xa xkijel k'a ri ruk'ojlemal ri Jehová, xkijel rik'in ruwachibel jun wákix ri xa q'ayis nutej.

Wuj Richin Bix Chire ri Dios 78:10

Kan man xkiyek ta k'a pa kánima ri jikibel-tzij ri xuben ri Dios kik'in. Y man xkajo' ta k'a xebiyin achi'el ri nubij ri rupixa'.

Ex 16:28

Y jari' toq ri Jehová xubij chire ri Moisés: ¿K'a janipe' k'a yixtane' richin man nitaqej ta ri ruchojmilal y ri pixa' ri nuya'on chiwe?

Wuj Richin ri Jeremías 11:10

Kan nikiben k'a chuqa' rije' achi'el ri mak ri xkiben ri qati't-qamama', ri kan man xkajo' ta k'a xkinimaj rutzij y xa xekitzeqelibej k'a ch'aqa' chik dios. Konojel k'a winaqi' israelita y ri aj-Judá kan xkixolq'otij ri rujikibel-tzij ri xuben rija' kik'in ri qati't-qamama'.

Wuj Richin ri Jeremías 5:3

Jehová, ¿man ja ta kami ri qitzij nakanoj rat? Rat xaya' rutojbalil-mak pa kiwi' y man xeq'axomer ta; xaya' wululen pa kiwi', jak'a man xkajo' ta xatkinimaj. Kan xkikowirisaj k'a ri kánima, más chuwech ri abej y kan man xkajo' ta xetzolin chupan ri utzilej bey.

Wuj Richin ri Jeremías 8:5

Jak'a rix aj-Jerusalem, ¿achike k'a roma xa xiniq'ol? ¿Achike roma xiben richin xixyakatej chuwij y man xiwajo' ta xixzolin-pe wik'in?

Wuj Richin ri Jeremías 9:6

Tachajij-awi' roma kan chikikojol atk'o-wi. Y roma ri kiq'oloj, rije' nikibij chi man ketaman ta nuwech. Yin Jehová ri yibin.

Ez 11:12

Rix xa xitzeqelibej ri kibanobal ri winaqi' kichin ri tinamit ri ek'o chi'inaqaj, xa man ibanon ta y man itaqen ta ri nubij ri jalajoj ruwech pixa' ri nuya'on chiwe. Jak'a re wakami kan xtiwetamaj k'a chi ja yin Jehová, xcha'.

Ez 16:51

Ri rumak ri awach'alal Samaria, ni man napon ta nik'aj chire ri amak rat. Rat kan xik'o chik ruwi' ri amak ri xaben y roma ri' achi'el xa ta man jun kimak nik'ulun chinuwech ri e ka'i' awach'alal ri'.

Dn 9:15

Wakami k'a, Ajaw qa-Dios roj, ja rat ri xatelesan-pe richin ri atinamit pan Egipto rik'in ri nimalej awuchuq'a', y roma ri' kan janila xanimirisaj ri abi', y kan keri' ri abanon-pe. Man rik'in ri' roj kan oj makuwineq-wi chawech; kan qabanon k'a ri itzel taq banobel.

Dn 9:5

Jak'a roj xa kan oj makuwineq-wi chawech, kan qabanalon itzel taq banobel, kan oj itzel taq winaqi' qabanon chawech, y kan xojyakatej chawij. Y pa ruwi' ri', roj xa xqach'er k'a kan qi' chire ri nubij ri jalajoj ruwech apixa'.

Dn 9:8

Wajaw yin, kan qitzij chi roj kan oj k'ixbitajineq-wi, keri' chuqa' ri qa-rey, ri e tata'al y ri qate-qatata', y re' kan roma k'a oj makuwineq chawech.

Wuj Richin ri Zacarías 7:11

Jak'a xa man xiwajo' ta xiwak'axaj. Xa xiya' k'a kan ri ruche'el-iwij y xitz'apela' pa taq ixikin richin man xiwak'axaj ta.

1 Corintios 5:1

Kan xetamex k'a ri mak ri banatajineq chi'ikojol rix, ¡roma k'o jun qach'alal ri xkik'en-qa-ki' rik'in ri ruyijte' ri pa jay! re banobel re', ni ri winaqi' ri man ketaman ta ruwech ri Dios man jun bey nikiben.

Judas 1:4

Yin nintz'ibaj k'a el re wuj re', roma rik'in q'oloj xe'ok-apo chi'ikojol winaqi' ri nikiya' jun chik ruwech tijonik chiwe, y re' kan man jun xnaben. Ri winaqi' ri' kan k'iy chik k'a q'ij tibix-pe pa kiwi' roma ri Dios, chi xtipe ri nimalej ruk'ayewal pa kiwi'. Y roma ketaman chi ri Dios nukuy qamak, rije' kan rik'in chik ri' xkikuquba-wi kik'u'x richin yekibanala' ronojel ruwech etzelal. Y chuqa' rije' kan man nikinimaj ta chi xaxe ri Jesucristo ri ajaw ri k'o pa qawi'.