Ez 5:5 - Kaqchiquel Bible

⁵ Yin Jehová ri in rajaw ronojel ri xibin chawe ri k'o chi naben y kere' xinbij: Ri tinamit Jerusalem, ja yin ri xibanon chire richin xk'oje' pa kinik'ajal nima'q taq tzobaj winaqi' richin re ruwach'ulew.

Ez 5:5 ပူးပေါင်းရင်းမြစ်များ

Ez 4:1

Ri Jehová xubij k'a chuwe: Rat Ezequiel, kan chikiwech k'a ri winaqi' tabek'ama-pe jun xan y rik'in ri xan ri' tabana' jun ruwachibel ri tinamit Jerusalem.

Wuj Richin ri Jeremías 6:6

Yin Jehová ri k'o ronojel uchuq'a' pa nuq'a' ninya' ri rutzijol re' chike ri e etzelanel iwichin: Tichoyo' che' chunaqaj ri Jerusalem y tibana-q'anej q'a'n chirij richin yixok-qa rik'in ri tinamit ri', roma kan nojineq rik'in etzelal.

Deut 4:6

Kan tik'oje' chi'ik'u'x y kan tibana', rik'in re' kan xtik'ut chikiwech konojel ri winaqi' chi k'o ina'oj y k'o iwetamabal. Rije' xtikak'axaj k'a ronojel re pixa' re' y xtikibij: Kan qitzij chi re winaqi' re' kan k'o-wi kina'oj y kan jebel niq'ax chikiwech ronojel, kan e jun nimalej ruwach'ulew, xkecha'.

Ez 16:14

Roma ri' xtalutej ri utzilej atzijol k'a pa taq ruwach'ulew, roma ja yin xiwiqon*f3* awichin. Yin Jehová ri yibin.

1 Corintios 10:4

chuqa' xkiqum ri ya' ri xuya-pe ri Dios chike. Ri ya' ri' xel-pe pa jun nimalej abej ri kan kachibilan. Y ri abej ri', nuk'exewachuj ri Cristo.

San Mateo 5:14

Rix kan ix achi'el saqil chuwech re ruwach'ulew, achi'el jun tinamit ri k'o pa ruwi' jun juyu' ri man tikirel ta richin nrewaj-ri'.

Wuj Richin ri Miqueas 5:7

Ri qawinaq israelita xtikitaluj-ki' chuwech ri ruwach'ulew, jak'a xtapon chik k'a ri q'ij toq xkek'iyer. Y ri Dios xtibanon ronojel re' achi'el nuteq-pe ri raxq'ab y ri job, y man wineq ta ri nibanon.

Deut 8:20

Achi'el k'a nuben ri Jehová chike ri winaqi' richin ri ruwach'ulew ri yerujech pan iq'a', keri' chuqa' xtuben chiwe rix wi man xtiqataqej ta ri ruch'abel ri Jehová ri qa-Dios.

Wuj Richin ri K'uxla'anik 1:1

Ri nimalej tinamit ri xek'oje' e k'iy ruwinaq ojer kan, wakami xa xuyonij kan. Ri tinamit ri kan nim rubanon chikikojol ri ch'aqa' chik ruwach'ulew, wakami xa xok kan achi'el jun malka'n ixoq. Ri ojer kan ri tinamit ri' ja rija' ri reina pa kiwi' ri ch'aqa' chik ruwach'ulew; jak'a re wakami xa xxime' pa samaj.

Ez 5:4

Y chire ri rusumal-awi' ri ayakon kan, xtak'en-pe ka'i-oxi' y re' xtaya-qa pa q'aq'. Y chiri' xtel-wi-pe ri q'aq' ri xtik'aton richin ri tinamit Israel.

Wuj Richin Bix Chire ri Dios 87:3

Rutinamit ri Dios, kan janila k'a k'iy jebelej taq ch'abel ri yebix chawij rat.