Ez 5:2 - Kaqchiquel Bible

^2-3 Y toq xtak'is ri oyowal chirij ri ruwachibel ri tinamit Jerusalem, jari' toq xtaporoj ri jun nabey chuyaj chire ri rusumal-awi' pa ruwi' ri xan. Ri jun chik chuyaj xtaya' pa ruwi' ri xan y k'ari' xtatzak'ij rik'in espada. Y chire ri rox chuyaj xtak'en kan ka'i-oxi' raqen rusumal-awi' y xtaxim chutza'n-qa ri atziaq. Y ri xtik'oje' kan xtak'eq-el pa kaq'iq'. Y re' nuk'exewachuj chi kan keri' xtinben iwik'in rix y kan xkixintzeqelibej rik'in espada.

Ez 5:2 ပူးပေါင်းရင်းမြစ်များ

Ez 5:12

Jun chire ri oxi' tzobaj chiwe rix xkeken roma yabil y roma wayjal. Y ri jun chik tzobaj xkekamisex chi espada y ri jun ruk'isibel tzobaj ri k'a xkek'oje' na kan, kan xkentaluj k'a el chuwech ri ruwach'ulew. Y rik'in ri espada ri eleneq pa ruk'ojelibal xkenwoqotaj-el.

Wuj Richin ri Chojmirisabelri'il 26:33

Y yin kan xkixintaluj k'a el ri chikikojol ri winaqi' pa taq kiruwach'ulew, y yin kan xtinya' k'a pe labal pan iwi' richin chi xkixkamisex. Kan xtitole' k'a kan ri iruwach'ulew, y ri itinamit kan xkek'is k'a.

Ez 12:14

Y ri aj-labal y ri yechajin richin, kan xkentaluj k'a el chuwech ri ruwach'ulew y xkenkamisaj chi espada.

Wuj Richin ri Jeremías 15:2

Y wi nikik'utuj akuchi yebe-wi, tabij chike: Ri kan k'o chi yeken roma ri nima-yabil, kan xkeken roma ri', ri k'o chi xkeken pa labal, kan xkeken roma ri', ri k'o chi xkeken roma wayjal, kan xkeken roma ri' y ri k'o chi xke'uk'uex-el pa ximonri'il, kan xkebe pa ximonri'il.

Wuj Richin ri Jeremías 9:16

Kan xkentaluj k'a el pa jun ruwach'ulew ri man ketaman ta, ni ri kite-kitata'. Xtinben chi xketzeqelibex rik'in espada y kan man jun k'a chike rije' ri xtik'ase' kan, xcha' chuwe.

Wuj Richin ri Jeremías 38:2

ri Jehová nubij chi ri wineq ri xtikanej kan chupan re tinamit re' xtiken chi espada o rik'in wayjal, o yabil. Jak'a ri xtujech-ri' pa kiq'a' ri aj-Babilonia kan xtik'ase'.

Wuj Richin ri Jeremías 24:10

Kan xtiben k'a richin xkekamisex chi espada, xkeken roma wayjal y xkeken roma yabil. Kan xkek'is k'a konojel pa ruwi' re ruwach'ulew re', ri xinya' chike rije' y chike ri kati't-kimama', xcha' ri Dios.

Wuj Richin ri Jeremías 13:24

Roma ri' kan xkixintaluj-el achi'el ri páxa ri ruk'uan-el kaq'iq' ri nipe pa tz'iran ruwach'ulew.

Wuj Richin ri Jeremías 39:1

Chupan k'a ri lajuj ik' chire ri beleje' juna' richin ri q'atbel-tzij richin ri rey Sedequías pa ruwi' ri Judá, ri Nabucodonosor rey richin Babilonia, e rachibilan-pe ri aj-labal xepe richin xokisutij-rij ri tinamit Jerusalem.

Wuj Richin ri Jeremías 39:2

Chupan ri juna' julajuj chire ri rukaj ik', chire ri q'ij beleje', toq niq'aton-tzij ri rey Sedequías, jari' toq ri aj-Babilonia xkijeq jun bey chiri' chupan ri tz'aq.

Ez 5:10

Kan xtinben k'a chi jujun chiwe rix xtitej-qa ri iwalk'ual, y jujun chike ri ch'aqa' chik iwalk'ual xkixkitej-qa rix. Yin kan xtinya' k'a rutojbalil-mak pan iwi' y ri k'a xkek'ase' na kan xkentaluj chuwech re ruwach'ulew.

Ez 17:21

Ri más e jebel taq aj-labal xa xkeken pan oyowal y ri k'a xkekolotej na kan xa xkentaluj chuwech re ruwach'ulew. K'ari' xtiketamaj chi ja yin Jehová ri yibin.

Wuj Richin ri Zacarías 13:8

Xtibanatej k'a chi ka'i' chire ri oxi' kan xkenk'is. Jak'a ri jun chire ri oxi' kan xkek'ase' kan.

Wuj Richin ri Jeremías 9:15

Roma ri' yin kan xtinben k'a chike, richin xtikitej k'ayilej-q'os y xtikiqum ya' ri nikamisan. Yin Jehová ri in k'iytisanel richin ronojel ri yibin.

Am 9:4

Wi xke'uk'uex-el pa ximonri'il koma ri e etzelanel kichin, xtinben chi xkekamisex rik'in espada. Xtinben ronojel re' roma xinch'ob yan chi xtinya' ruk'ayewal pa kiwi'. y man xtinya' ta urtisanik pa kiwi'. xcha' ri Dios.