Ez 5:16 - Kaqchiquel Bible

¹⁶ Xtinben k'a chi xtipe jun nima-wayjal pan iwi', kan achi'el jun ch'ab ri nuwulaj ronojel. Y kan xtinimer ri wayjal, achi'el toq yek'aq k'iy ch'ab. Man jun k'a wineq ri xtik'oje' pa ruk'iyal q'utun rik'in richin chi ja ta ri' xtiloq' rik'in.

Ez 5:16 ပူးပေါင်းရင်းမြစ်များ

Ez 4:16

Yin xtinben chi man xtik'oje' ta chik wey ri chiri' pa Jerusalem y ri winaqi' kan xtikitej k'a ri juba' ti kiway, jak'a man jun bey xtik'oje' uxlanibel-k'u'x kik'in. Y kan xtikiqum k'a ri juba' ti kiya' y man jun oyobenri'il kik'in.

Ez 14:13

Rat Ezequiel, ninbij k'a chawe chi wi ri winaqi' richin jun ruwach'ulew yeyakatej chuwij y man nikiben ta ri ninbij chike, yin kan xkiyakatej k'a chikij y xtinya' ri rutojbalil-mak pa kiwi'. Yin man xtinya' ta chik pe ri achike nikitej, richin xtipe jun nimalej wayjal pa kiwi'. Y keri' xkeken k'a rije' y ri kawej.

Wuj Richin ri K'uxla'anik 3:12

Yin xinna' chi rija' xuchojmirisaj k'a ri ruk'aqbal-ch'ab, jak'a yin ri xiruya' richin xiruq'ijuj.

Wuj Richin ri Isaías 3:1

Titz'eta' k'a wakami chi ri Jehová k'iytisanel richin ronojel xtiberuya' wayjal pa kiwi' ri tinamit Jerusalem y ri Judá; ronojel ri yetij y ri yequm xtrelesaj-el.

Wuj Richin Bix Chire ri Dios 7:13

Kan e runaban chik ri rukamisabal, y kan e ruya'on chik q'aq' pa rutza'n ri ruch'ab.

2 Rey 6:25

Roma ri' chupan ri tinamit ri' xpe k'a jun nimalej wayjal. Kan janila k'a ruk'ayewal ri xk'oje' chupan ri tinamit ri', y roma ri' ri jun rujolon bur nik'ayix chi ka'i' libra saqipueq y jun moq' rukis paloma*f2* nik'ayix chi ka'i' onza saqipueq.

Wuj Richin ri Chojmirisabelri'il 26:26

Chupan ri q'ij ri' jari' toq man xtinya' ta chik pe iway, jari' toq juba' ok xtik'oje' y roma ri' lajuj ixoqi' xkek'oje' chuchi' jun q'aq' richin nikiben iway. Y toq nikijech, jutaqba' ok nikiya' chiwe y kan man xtinoj ta ipan rik'in.

Wuj Richin ri Jeremías 52:6

Chupan ri q'ij beleje' chire ri ik' kaji' chupan ri juna' julajuj chire ri q'atbel-tzij richin ri Sedequías, kan xnimer k'a ri wayjal chiri' pa tinamit y kan man jun chik k'o richin nikitej ri winaqi'.

Ez 5:15

Kan konojel k'a ri winaqi' kichin ch'aqa' chik ruwach'ulew xtiketzelaj y xtikitze'ej. Chuqa' kan xtik'atzin richin k'ixbilal chike ri ch'aqa' chik ruwach'ulew ri ek'o chunaqaj, roma yin xtinq'et-tzij pa ruwi' rik'in oyowalen y rik'in ch'olinik.

Ez 5:17

Kan xtinteq k'a pe nima'q taq wayjal y chuqa' k'uxunela' taq chikopi' chi'ikojol richin yekik'is ri iwalk'ual. Chuqa' xtinteq-pe nima'q taq yabil y labal chi'ikojol richin keri' e k'iy xkeken. Yin Jehová ri yibin ronojel re', xcha'.