Ez 5:11 - Kaqchiquel Bible

¹¹ Rix xitz'ilobisaj ri wachoch rik'in ri kiwachibel ri i-dios y ri itzel taq ibanobal ri kan nuben chuwe chi itzel nintz'et. Roma ri' yin Jehová ri in rajaw ronojel, kan ninya' nutzij y ninbij chi yin kan xkixinwixowaj chuqa'. Man xtinya' ta chik wutzil pan iwi' y man xtinjoyowaj ta chik iwech.

Ez 5:11 ပူးပေါင်းရင်းမြစ်များ

Ez 7:20

Kan inimirisan k'a iwi' rik'in ri jebelej taq ruwi-ixkinaj, retz'aba'l ruwi' q'abaj, ichinaj; y rik'in ri' xe'ibanala-q'anej wachibel ri kan yenwixowaj yin. Y roma ri' yin kan xtinben q'ayis chire ronojel re'.

Ez 11:18

Y toq xkixtzolej-pe, rix kan xtimalij k'a kan ronojel ruwech itzel taq banobel y ri jalajoj kiwech wachibel ri k'o iwik'in.

Ez 7:9

Y kan man xtinjoyowaj ta k'a iwech toq xtinya' rutojbalil-mak pan iwi' roma ronojel re'. K'ari' k'a xtiwetamaj chi ja yin Jehová ri yibanon ronojel re'.

Ez 7:4

Kan man xtinjoyowaj ta chik iwech toq xtinya' rutojbalil-mak pan iwi', roma ri itzel taq ibanobal ri xe'ibanala', kan man niqa' ta k'a chinuwech. K'ari' k'a xtiwetamaj in achike yin.

2 Crón 36:14

Chuqa' konojel ri k'o más kiq'ij ri ek'o pa tinamit Judá, ri e sacerdote y konojel winaqi' kan xkinimirisaj ri kimak; xa kan xekitzeqelibej ri banobel ri man niqa' ta chuwech ri Dios. Xkiben achi'el ri yekiben ri ch'aqa' chik ruwach'ulew, y kan xekibanala' k'a ri itzel taq banobel pa rachoch ri Jehová, ri akuchi ruch'aron rija' richin niya'ox ruq'ij chiri' pa Jerusalem.

Ez 24:14

Ja yin Jehová ri yibin y kan xtinbenbana' ri xinbij. Kan xapon yan ri q'ij richin ninben. Kan man jun k'a xtinjoyowaj ruwech y man xtintzolij ta wi' chuwij roma ri itzel rubanobal. Yin xtinbenya' ri rutojbalil-mak pa ruwi', yin Jehová ri yibin, xcha'.

Ez 11:21

Jak'a ri ch'aqa' chik winaqi' ri xa k'a nikirayij nikiben ri itzel taq banobel ri yenwixowaj yin y nikiya' ruq'ij ri wachibel, kan xtinya' k'a tijoj-poqonal pa kiwi'. Yin Jehová ri yibin, xcha'.

Ez 9:10

Roma ri' kan man xtinjoyowaj ta k'a kiwech, jak'a xa xtiqaqa ri ruk'ayewal pa kiwi' roma ri kibanobal, xcha'.

Ez 9:5

Y chike ri e waqi' achi'a' ri e rachibilan ri tz'ibanel xubij chi kebiyin chupan ri tinamit y kekikamisaj kan ri winaqi', jak'a man tikijoyowaj kiwech.

Ez 8:18

Y roma ri' yin chuqa' kan xkiyakatej k'a chikij rik'in janila woyowal, y kan man xtinjoyowaj ta k'a kiwech. Stape' xkech'on wik'in rik'in raqoj-chi'ij, yin kan man xkenwak'axaj ta k'a, xcha'.

Ez 8:16

Y xiruk'uaj chik el pa ruwa-jay richin ri rachoch. Y ri akuchi niban-wi oken chire ri jay ri' ri chiri' chuwa-jay chunaqaj ri porobel, xentz'et jubama e juwineq wo'o' achi'a' ri kiya'on kan kij chuwech ri rachoch ri Jehová. Y yetzu'un k'a kela' pa relebel-q'ij y kilukuban-qa-ki' k'a pan ulew richin nikiya' ruq'ij ri q'ij.

Wuj Richin ri K'uxla'anik 2:21

Chi ak'uala', chi rijita'q e punupuxineq kan pa taq bey. Ri xtani' y ri alaboni' xekamisex kan chi espada. Roma ri awoyowal, xateq k'a pe ri kamik chiqij. Xe'akamisaj k'a konojel y man xajoyowaj ta kiwech.

Wuj Richin ri Jeremías 16:18

Kan xtinben chike chi xtikitoj ka'i' mul ri itzel taq kibanobal y ri kimak, roma rije' xkitz'ilobisaj ri nuruwach'ulew. Y rije' xekitorij kan ri itzel taq wachibel ri nikiya' kiq'ij achi'el ri kaminaqi' ri man e muqun ta. Xkiben chire chijun ri ruwach'ulew ri xinya' chike richin xkichinaj kan chi man jun rejqalen, roma xkiben itzel taq banobel chuwech ri kan man utz ta nintz'et yin, xcha' chuwe.

Hebreos 6:13

Ri ojer kan, toq ri Dios xubij chire ri Abraham chi xtuya' ri rutzil chire, kan pa rubi-qa rija' xuya-wi rutzij chi qitzij xtuya' ri xusuj chire, roma man jun ri más ta nim chuwech ri rubi' rija' richin ninatex.

Romanos 11:21

Rix iwetaman chi ri Dios man xerukuy ta ri nuwinaq judío. Xa xerelesaj-el, stape' rije' kan e ruq'a' wi ri che' ri'. Wi keri' xuben kik'in rije', chuqa' rix man xkixrukuy ta roma rix xa ix achi'el ri ruq'a-che' ri richin ri k'echelaj.

Romanos 11:12

Ri nuwinaq xemakun chuwech ri Dios, y roma ri' rija' xusuj ronojel ri rutzil chike ri ch'aqa' chik winaqi' chuwech re ruwach'ulew. Jak'a kan más urtisanik ri xtipe toq ri nuwinaq xtitzolin-pe kik'u'x rik'in ri Dios.

Romanos 8:32

¿Kan k'o ta kami ri man utz ta ri nuya-pe chiqe? Man jun; roma rija' man xupoqonaj ta k'a xuya-pe ri kan Ruk'ajol richin chi xken qoma qonojel roj.

Wuj Richin ri Malaquías 3:17

K'ari' ri Jehová ri k'iytisanel richin ronojel xubij: Rix kan ix achi'el jun beyomel ri janila rejqalen. Y toq xkipe richin nonq'ata-tzij, xtinben chiwe achi'el nuben jun tata'aj chire ri ruk'ajol ri nilin richin.

Wuj Richin ri Zacarías 11:6

Roma ri' man xtinjoyowaj ta kiwech ri nuwinaq. Y xkenjech k'a el pa kiq'a' ri kachpochel y pa kiq'a' ri ki-rey. Kan xtikitoloba' kan ri kiruwach'ulew, y kan man xkenkol ta pa kiq'a', xcha' ri Jehová.

Am 8:7

Ri Jehová, ri qa-Dios roj israelita, xuya' rutzij pa rubi' rija', chi man jun bey xtumestaj ri itzel taq ibanobal ri xe'iben.

Ez 44:7

Rix niben chire ri wachoch chi maneq rejqalen. Chuqa' niya' q'ij chike ri man e iwinaq ta richin ye'ok-apo chupan ri wachoch, winaqi' ri maneq ketal richin ri nujikibel-tzij ri nubanon iwik'in y ni ta k'o ketal pa taq kánima richin niq'alajin chi e wichin yin. Xiben chire chi maneq rejqalen ri wachoch, roma xisuj q'en y kik' kichin ri kamelabel chiri'. Chuqa' xixolq'otij ruwi' ri nujikibel-tzij ri nubanon iwik'in, roma xiben itzel taq banobel ri kan man utz ta nintz'et yin.

Ez 29:15

ri ruqasan-ri' chikiwech konojel ri ajawaren. Y kan man jun bey chik xtik'oje' pa kiwi' ri ch'aqa' chik ruwach'ulew.

Ez 23:28

Kere' ninbij yin Jehová: Re wakami xkatinjech k'a pa kiq'a' ri ch'aqa' chik ruwach'ulew ri xe'amalij kan y kan ye'awixowaj.

Wuj Richin ri Jeremías 44:4

Y beneq k'a ruwech xenteq ri nusamajela' ri e q'alajirisey nuch'abel, richin chi nikibij chiwe chi man ye'iben banobel ri kan man niqa' ta chinuwech y ri kan yenwixowaj yin.

Wuj Richin ri Jeremías 32:34

Kan xkiben chire ri wachoch ri kan ch'aron chuwe, chi man ch'ajch'oj ta, y kan man utz ta chik nintz'et, roma xkiya' wachibel chupan, richin nikiya' kiq'ij.

Wuj Richin ri Jeremías 10:24

Toq yojmakun, tabana' utzil qojach'olij pa ruchojmilal, jak'a man rik'in ta awoyowal, roma wi keri', xa xqojak'is.

Wuj Richin Bix Chire ri Dios 107:39

Chirij ri', re winaqi' re' xa yek'is-qa roma ri tijoj-poqonal, roma ri wululen y ri janila chi q'axo'n ri nipe chikij,

Wuj Richin Bix Chire ri Dios 95:11

Roma ri' chupan ri woyowal xinya' nutzij, y xinbij chi rije' man xke'ok ta chupan ri ruwach'ulew ri xtikichinaj.

2 Crón 33:7

Ri Manasés chuqa' xuben jun wachibel y xuya-apo pa rachoch ri Jehová, stape' ri Jehová kan xubij chike ri David y ri Salomón chi ri rachoch ri niban-q'anej pa Jerusalem, kan xucha' chikikojol ri tzobaj richin Israel, richin chi kan xaxe rija' niya'ox ruq'ij chiri'.

2 Crón 33:4

y kan xupaba-q'anej porobel chupan ri rachoch ri Jehová, richin nuya' kiq'ij, stape' ri Jehová rubin chi chiri' pa Jerusalem kan xaxe rija' ri xtiya'ox ruq'ij richin q'asen.

2 Rey 23:12

Y chuqa' xeruwulaj-el ri porobel ri ek'o kan pa ruwi' ri taq'aj-ruwi' rachoch ri Acaz, ri kibanon kan ri ch'aqa' chik rey. Chuqa' xerelesaj-el ri porobel ri rubanon kan ri Manasés ri ek'o chupan ri ka'i' ruwa-jay richin ri rachoch ri Jehová. Xuk'ajij-el y k'ari' xberuk'aqa' pa siwan ri napon-qa pa ch'uti'n raqen-ya' Cedrón.

2 Rey 21:4

Keri' chuqa' ri chiri' pa rachoch ri Jehová, xeruben-q'anej porobel kichin ch'aqa' chik dios y chuqa' kichin ri ek'o chuwech ri kaj. Y re' xeruben chupan ri ka'i' ruwa-jay richin rachoch ri Jehová, stape' kan xaxe ri Jehová ri k'o chi niya'ox ruq'ij ri chiri'.

Deut 29:20

Ri Jehová kan man jun bey xtukuy rumak ri wineq ri nich'obon keri', xa kan xtrelesaj royowal chirij ri wineq ri', y kan xtuya' ri itzel oyonik pa ruwi' achi'el ri tz'ibatajineq kan chupan re jun wuj re', y kan xtuk'is-el jumul ri rijatzul chuwech re ruwach'ulew.

Wuj Richin ri Chojmirisabelri'il 15:31

Keri' xtiben k'a chi ri iwinaq ri man e ch'ajch'oj ta, man xke'ok ta apo chupan ri wachoch ri k'o chi'ikojol. Jak'a wi xke'ok-apo, kan xkeken roma nikitz'ilobisaj ri akuchi ink'o-wi yin, xcha' ri Jehová chire ri Moisés y ri Aarón.

Wuj Richin ri Achin Job 27:22

Ri Dios kan k'iy k'a ri xtuteq chirij y man xtujoyowaj ta ruwech y rik'in ri keri', ri wineq ri' kan jari' xtutej ruq'ij richin nanimej chuwech.

Wuj Richin ri K'uxla'anik 2:17

Ri Jehová kan xuben k'a ri rubin-pe pa qawi'. Kan xutaqej k'a ri ruch'abel ri xubij-pe chiqij ri ojer kan. Xuk'is k'a ronojel y man xujoyowaj ta qawech. Xunimirisaj k'a ri kuchuq'a' ri nich'upun kik'u'x chiqij.

Ez 23:38

Chuqa' xkiben chire ri wachoch chi xok man ch'ajch'oj ta y man xkiya' ta rejqalen ri q'ij richin uxlanen.

Ez 33:11

Jak'a yin Jehová ninbij chi man ninwajo' ta chi niken jun wineq, stape' rujachon-ri' chubanik etzelal. Ri ninwajo' yin chi nujel ta ri ruk'aslen y xtiyaloj xtik'ase'. Roma ri' tabij chike chi tikiya' kan ri itzel k'aslen richin man yeken ta.

Ez 5:7

Roma ri' yin Jehová ri in rajaw ronojel, ninya' k'a re rutzijol re' chike ri awinaq ri ek'o pa Jerusalem, kere' k'a ninbij chike: Rix más ix yakatajineq chuwij, ke chikiwech ri ch'aqa' tzobaj winaqi' richin re ruwach'ulew ri ek'o chi'inaqaj. Chuqa' xa kan man ibanon ta ronojel ri nubij ri pixa' ri nuya'on chiwe, ni man itzeqeliben ta chuqa' ri kipixa' ri ch'aqa' chik ruwach'ulew.

Ez 8:15

Xeri' ri Jehová xubij chik chuwe: Rat Ezequiel, katzu'un kela' y kan xtatz'et chik más itzel taq banobel chuwech re', banobel ri kan man utz ta nintz'et yin, xcha'.

Ez 23:39

Y chupan k'a ri q'ij ri' toq xekisuj ri taq kal richin jun kamelabel richin nikiya' kiq'ij ri wachibel, jak'a chuqa' q'ij ri' xe'apon chupan ri wachoch y xkiben k'a chire chi man jun rejqalen.

Ez 43:8

Rije' xkiben-q'anej kachoch chunaqaj ri ruchi' ri wachoch yin y xaxe jun tz'aq ri xk'oje' chiqakojol. K'ari' rije' xkiqasaj ruq'ij ri loq'olej nubi' rik'in ri itzel taq kibanobal ri kan man utz ta nintz'et yin. Y roma ri' xinoyower kik'in y xek'is.