Ez 5:10 - Kaqchiquel Bible

¹⁰ Kan xtinben k'a chi jujun chiwe rix xtitej-qa ri iwalk'ual, y jujun chike ri ch'aqa' chik iwalk'ual xkixkitej-qa rix. Yin kan xtinya' k'a rutojbalil-mak pan iwi' y ri k'a xkek'ase' na kan xkentaluj chuwech re ruwach'ulew.

Ez 5:10 ပူးပေါင်းရင်းမြစ်များ

2 Rey 6:29

Xqachaq'arisaj k'a ri ti wal yin, y xqatej. Y ri jun chik q'ij yin xinbij chire chi tuk'ama-pe ri ti ral richin niqatej. Jak'a rija' xa xrewaj ri ti ral, xcha'.

Wuj Richin ri Nehemías 1:8

Toqaqa k'a chi'ak'u'x ri ach'abel ri abin kan chire ri Moisés, toq xabij: Wi rix man xkininimaj ta, yin kan xkixintaluj-el pa ch'aqa' chik tinamit chuwech ri ruwach'ulew.

Wuj Richin Bix Chire ri Dios 44:11

Xojajech k'a achi'el toq nuk'uex jun karne'l richin nibekamisex. Xa xojataluj k'a el chikikojol winaqi' ri man yatkitzeqelibej ta rat.

Wuj Richin ri Isaías 49:26

Chuqa' chike ri yetz'ilo iwichin, kan xtinben richin xtikitej-qa-ki' rije', y kan xkeq'aber rik'in ri kikik'el rije' ri xtikiqum, achi'el toq yeq'aber rik'in ri vino. Xtibanatej ronojel re' richin chi'iwonojel xtiwetamaj chi ja yin Jehová, ri in kolonel, ri xiloq'on iwichin, ri k'o nimalej uchuq'a' wik'in richin yixinto' rix israelita.

Wuj Richin ri Isaías 9:20

chikijujunal ri winaqi' kiyon rije' nikitej-qa-ki'. Stape' nikitej-qa-ki' xa man xkenoj ta. Y chikijujunal xtikitej-qa ri kalk'ual.

Wuj Richin ri Jeremías 13:14

Chirij re' yin kan xtinben k'a chiwe achi'el toq nikipaxij-ki' ri bojo'y. Y k'ari' xkixwulex iwonojel, nitiker-el kik'in ri rijita'q taq winaqi' y napon k'a kik'in ri taq kokoj alk'ualaxela'. Y yin man xkixinpoqonaj ta rix, jak'a kan xkixink'is y man xtinjoyowaj ta iwech, nicha' ri Jehová.

Wuj Richin ri Jeremías 19:9

Xtinben k'a chi ri e etzelanel iwichin xtikisutij-rij ri itinamit y roma ri wayjal, xtitej-qa ri iwalk'ual y chi'ijujunal xtitej-qa-iwi' chi iwachibil-iwi', xkacha'.

Wuj Richin ri Jeremías 44:12

Xtinben chiwe ri xixpe pan Egipto chi kan xkixink'is. Xkixtzaq chi espada y xkixken roma wayjal. Ri más ko'ol k'a ri más nim, kan xkixinkamisaj y xkixok ya'ol taq k'ix. Iwoma rix ri ch'aqa' chik winaqi' xtikixibij-ki' y chuqa' xtiqaqa itzel pan iwi'.

Wuj Richin ri Jeremías 49:32

Xtikeleq'aj k'a ri i-camello y ronojel ri iwawej. Y pa ruwi' re' yin kan xkixinbentaluj pa ruwi' ronojel ruwach'ulew. Y kan xtinya' tijoj-poqonal pan iwi' xabakuchi. Yin Jehová ri yibin.

Wuj Richin ri Jeremías 49:36

Xabakuchi k'a xkepe-wi ri e etzelanel iwichin y xabakuchi xkixintaluj-wi-el chupan chijun ri ruwach'ulew.

Wuj Richin ri Jeremías 50:17

Rix winaqi' israelita ri italun-iwi' achi'el karne'l ri e sachineq y e tzeqeliben koma koj. Ri nabey koj ja ri rey richin Asiria, ri xixrutej rix. K'ari' xpe ri Nabucodonosor rey richin Babilonia y xupaq'aq'ej ri ibaqil.

Wuj Richin ri Jeremías 9:16

Kan xkentaluj k'a el pa jun ruwach'ulew ri man ketaman ta, ni ri kite-kitata'. Xtinben chi xketzeqelibex rik'in espada y kan man jun k'a chike rije' ri xtik'ase' kan, xcha' chuwe.

Wuj Richin ri K'uxla'anik 2:20

Nimalej Jehová, tabana' utzil tatz'eta' y tach'obo' chi kan man jun chik achoq pa ruwi' aya'on-wi re jun ruk'ayewal re'. ¿Kan xkekitej kami qa ri teja' ri taq kal, ri k'a yetz'uman na? ¿Kan xtaya' ta kami q'ij richin yekamisex ri e sacerdote y ri e q'alajirisey ri ach'abel chupan ri awachoch?

Wuj Richin ri K'uxla'anik 4:10

Ri ojer kan, ri ixoqi' janila joyowanik k'o kik'in, jak'a re wakami xa xekichaq'arisaj-qa ri taq kal. Kan ja ri taq kal ri xk'atzin-qa chike richin xok-qa kiway chupan ri q'ij richin ruk'ayewal kichin ri nuwinaq.

Wuj Richin ri K'uxla'anik 4:16

Ja ri Jehová xetalun-el ri e sacerdote. Kan man xkeruchajij ta k'a chik ri e q'alajirisey ruch'abel. Ri winaqi' kan man chik nikiya' ta kejqalen ri sacerdote, y man xkijoyowaj ta k'a kiwech ri e aj-raqen.

Wuj Richin ri K'uxla'anik 4:3

Ri ixoqi' taq utiwa' kan nikiya' q'ij chi yetz'uman ri taq kal, jak'a ri nuwinaq xa yekimalij kan ri kalk'ual, achi'el nikiben ri avestruz pa tz'iran ruwach'ulew.

Ez 12:14

Y ri aj-labal y ri yechajin richin, kan xkentaluj k'a el chuwech ri ruwach'ulew y xkenkamisaj chi espada.

Ez 12:15

K'a ja toq xkentaluj-el pa taq ruwach'ulew jari' toq xtiketamaj chi ja yin ri' ri in Jehová.

Ez 17:21

Ri más e jebel taq aj-labal xa xkeken pan oyowal y ri k'a xkekolotej na kan xa xkentaluj chuwech re ruwach'ulew. K'ari' xtiketamaj chi ja yin Jehová ri yibin.

Ez 20:23

Chuqa' chiri' pa tz'iran ruwach'ulew xinya' nutzij y xinbij chike chi xkentaluj-el chuwech chijun ruwach'ulew,

Ez 22:15

Kan xkixintaluj k'a el pa taq ruwach'ulew y kan xkixkiratej k'a el chikikojol ri winaqi' richin chijun ruwach'ulew. Y chirij ri' xtinben chi xtik'is ri itzel taq ibanobal.

Ez 36:19

Y richin xinya' rutojbalil-mak pa kiwi', xentaluj chikiwech tzobaj taq winaqi' richin ch'aqa' chik ruwach'ulew. Y keri' xinq'et-tzij pa kiwi' achi'el ri kibanobal.

Ez 5:12

Jun chire ri oxi' tzobaj chiwe rix xkeken roma yabil y roma wayjal. Y ri jun chik tzobaj xkekamisex chi espada y ri jun ruk'isibel tzobaj ri k'a xkek'oje' na kan, kan xkentaluj k'a el chuwech ri ruwach'ulew. Y rik'in ri espada ri eleneq pa ruk'ojelibal xkenwoqotaj-el.

Ez 5:2

Y toq xtak'is ri oyowal chirij ri ruwachibel ri tinamit Jerusalem, jari' toq xtaporoj ri jun nabey chuyaj chire ri rusumal-awi' pa ruwi' ri xan. Ri jun chik chuyaj xtaya' pa ruwi' ri xan y k'ari' xtatzak'ij rik'in espada. Y chire ri rox chuyaj xtak'en kan ka'i-oxi' raqen rusumal-awi' y xtaxim chutza'n-qa ri atziaq. Y ri xtik'oje' kan xtak'eq-el pa kaq'iq'. Y re' nuk'exewachuj chi kan keri' xtinben iwik'in rix y kan xkixintzeqelibej rik'in espada.

Ez 6:8

Jak'a yin xtinben chi man xkeken ta konojel ri winaqi' chi espada, xa k'a xkek'ase' na kan jujun chike rije' y ri xkek'ase' na kan xa xkentaluj-el chuwech re ruwach'ulew.

Dn 9:7

Rat ajaw kan at choj-wi, jak'a roj xa sachineq qak'u'x; keri' ri ek'o pa Jerusalem, y keri' chuqa' ri ch'aqa' chik qawinaq israelita ri ek'o nej naqaj chupan ch'aqa' chik ruwach'ulew, ri akuchi xojataluj-wi rat, roma xqapaba-qi' chawech.

Wuj Richin ri Chojmirisabelri'il 26:29

K'ari' k'a xke'itej-qa ri imi'al-ik'ajol roma wayjal.

Wuj Richin ri Chojmirisabelri'il 26:33

Y yin kan xkixintaluj k'a el ri chikikojol ri winaqi' pa taq kiruwach'ulew, y yin kan xtinya' k'a pe labal pan iwi' richin chi xkixkamisex. Kan xtitole' k'a kan ri iruwach'ulew, y ri itinamit kan xkek'is k'a.

Am 9:9

Yin kan xtinben chiwe rix israelita achi'el xa ta xkixinchayuj kan, achi'el toq nichayux ri trigo. Rix ri yixtzeqeliben wichin kan xkixtalutej k'a el pa taq ruwach'ulew. Jak'a ri man xkinkitzeqelibej ta xa xke'ok achi'el q'ayis ri nichayutej kan.

Wuj Richin ri Zacarías 2:6

Ri Jehová nubij chi kixanimej-pe ri pa ruwach'ulew ri k'o pa xaman, ri akuchi ixintalun-wi-el.

Wuj Richin ri Zacarías 7:14

Roma ri' xixintaluj k'a el achi'el nuben ri surkum toq nuk'uaj-el ronojel. Y keri' xixtalutej-el pa taq ruwach'ulew ri man jun bey iwetaman. Y kan xtole' k'a kan ri iruwach'ulew. Man jun chik xk'oje' kan chiri', y stape' rubanon kan janila jebel ok, jak'a re wakami xa kan xok kan tz'iran, xcha'.

San Lucas 21:24

E janila k'a k'iy winaqi' xkeken pa kiq'a' ri aj-labal. Y ri ch'aqa' chik chike ri winaqi' xke'uk'uex-el pa ch'aqa' chik ruwach'ulew. Y re Jerusalem xtixeq'-xtipalibex koma winaqi' ri xa man e judío ta, k'a ja toq xtapon ri q'ij toq man xtikiq'et ta chik tzij ri winaqi' ri' pa ruwi' ri Jerusalem.

Deut 28:64

Y ri Jehová kan xkixrutaluj-el pa taq tinamit chuwech chijun ruwach'ulew, y yixapon k'a pa taq ruk'isibel chire ri ruwach'ulew; y chiri' rix xa xtiya' kiq'ij ri ch'aqa' chik dios ri e banon rik'in che' y abej ri man jun bey xiwetamaj ta kiwech y ni ta ri qati't-qamama' man xketamaj ta kiwech.

Deut 32:26

Yin xitikir ta xixintaluj-el richin xixtalutej ta chi nej chi naqaj chuwech re ruwach'ulew richin chi man jun chik tinatan iwichin.

Deut 4:27

Ri Jehová yixberutaluj chikikojol ri winaqi' richin ri ch'aqa' chik ruwach'ulew y xa juba' ok chiwe rix ri xkek'ase' kan chikikojol ri tzobaj winaqi' ri'.