Ez 48:35 - Kaqchiquel Bible

³⁵ Y ri raqen ri tinamit 5,352 jaj pa taq kaji' ruxikin. Y ri tinamit xtubini'aj: Ri Jehová kan wawe' k'o-wi, xcha' ri Jehová.

Ez 48:35 ပူးပေါင်းရင်းမြစ်များ

Apocalipsis 21:3

Jari' k'a toq xinwak'axaj chi k'o jun ri kan rik'in uchuq'a' nich'on-pe akuchi k'o-wi ri tz'uyubel ri chila' chikaj y nubij: Wakami ri Dios kan chikikojol ri winaqi' k'o-wi, kan xtik'ase' chikikojol jantape' y rije' xke'ok rutinamit y rija' xtok ki-Dios.

Wuj Richin ri Zacarías 2:10

Ri Jehová nujikiba' rutzij chi kan xtok'oje-el chi'ikojolil. Roma ri' kan kixbixan k'a rik'in kikoten rix ri ix aj-Jerusalem.

Apocalipsis 22:3

Y ri chiri' man jun ri man ch'ajch'oj ta ri nok-apo. Kan chiri' k'o-wi ri rutz'uyubal ri Dios y ri Karne'l, y konojel ri ek'o chiri' jari' ri xkesamajin richin.

Wuj Richin ri Jeremías 33:16

Chupan ri q'ij ri', ri tinamit Judá kan xtijike' y ri winaqi' ri ek'o pa Jerusalem kan xkek'ase' rik'in uxlanibel-k'u'x. Kan ja bi'aj re' ri xtikiya' chire: Ri Jehová jari' Ruchojmilal.

Wuj Richin ri Isaías 12:6

Kan qojsik'in rik'in kikoten. Kan qojbixan qonojel roj winaqi' aj-Sión, roma ri qa-Dios kan nim chiqakojol.

Wuj Richin ri Jeremías 3:17

Y chupan ri q'ij ri' yin xtinya' ri wajawaren wawe' pa Jerusalem y konojel k'a tzobaj winaqi' richin chijun ri ruwach'ulew xtikimol-ki' wawe' richin xtikiya' nuq'ij. Y man chik xtikiben ta ri rurayibel ri kánima.

Wuj Richin ri Isaías 24:23

Ri q'ij y ri ik' man xkesaqirisan ta chik, achi'el xa ta tz'apel ri kipalej roma k'ixbilal. Jak'a ri Jehová k'iytisanel richin ronojel xtik'oje' pa juyu' Sión, y ri chiri' pa Jerusalem xtiq'aton-wi-tzij. Y kan xtiq'alajin ri ruq'ij-ruk'ojlen chikiwech ri aj-raqen ri ek'o chiri'.

Wuj Richin ri Isaías 14:32

Y wi k'o jun taqonel richin ri ruwach'ulew ri' xtapon, man jun itzel xkixtikir xtibij chire. Jak'a ri Jehová xtuyek chik el jun bey ri tinamit Sión, y chiri' k'a xkeruya-wi konojel ri ek'o pa bis richin ri rutinamit.

Ez 35:10

Rix kan xich'ob k'a chi ri ruwach'ulew Israel y ri ruwach'ulew Judá, xke'ok iwichin ri chi e ka'i' ajawaren ri'. Y stape' yin kan ink'o ri chiri', kan man xiya' ta wejqalen.

Wuj Richin ri Jeremías 23:6

Y k'ari' xtik'oje' uxlanenri'il chupan ri ruwach'ulew Judá y chuqa' chupan ri ruwach'ulew Israel. K'ari' ri winaqi' xkejike' jebel. Kere' k'a ri rubi' ri xtikiya' ri ki-rey: Ja ri Dios ri Qach'akonik.

Wuj Richin ri Jeremías 14:9

¿Achike roma naben achi'el jun achin ri sachineq ruk'u'x, achi'el jun aj-labal y xa man nitikir ta nuto' ri'? Jehová rat kan atk'o pa qanik'ajal roj y konojel kan ketaman chi roj oj atinamit. Roma ri' man k'a qojamalij kan, xecha'.

Wuj Richin Bix Chire ri Dios 132:14

Xabij k'a chi wawe' k'a xkak'oje-wi jantape', richin naq'et-tzij tibe-q'ij tibe-seq.

Wuj Richin Bix Chire ri Dios 77:13

Nimalej Dios, ronojel ri ye'aben qik'in roj kan e utz-wi; ¿Achike ta chik k'a jun dios k'o ri más nim chawech rat ri at qa-Dios roj?

Wuj Kichin ri To'onela' 6:24

K'ari' ri Gedeón xupaba-q'anej jun porobel chuwech ri Jehová. Re porobel re' xubini'aj Jehová Richin Uxlanibel-K'u'x, y re porobel re' k'a k'o na chiri' pa tinamit Ofrá, akuchi ek'o-wi ri e rijatzul ri Abiézer.

Ex 17:15

Y ri Moisés xupaba-q'anej jun porobel ri chiri' y xukanoj jun rubi'. Y ri rubi' ja ri Jehová ri Achi'el ri Tzieq Richin K'exewach, ri Uk'uayon Qichin.*f8*

Ex 15:26

Y xubij: Wi kan qitzij xtiwak'axaj ri nuch'abel yin Jehová ri i-Dios, y kan xkixbiyin choj chinuwech, y kan xtiben ronojel ri nubij ri pixa' y kan xtiyek pan iwánima, kan man jun k'a yabil xtinteq-pe pan iwi' achi'el ri xinteq pa kiwi' ri aj-Egipto, roma ja yin Jehová ri in aq'omanel iwichin, xcha' ri Jehová.

Wuj Richin ri Rutikeribel 22:14

Y ri Abraham xuya' k'a kan rubi' ri juyu' ri' y xubini'aj: Ja ri Jehová Niya'on ri Nik'atzin. Y xa roma ri' ri winaqi' nikibij: Pa ruwi' ri juyu' ri rubini'an Jehová Niya'on ri K'atzinel.

Wuj Richin ri Zacarías 14:21

Kan ronojel k'a bojo'y ri ek'o pa Jerusalem y ri ek'o pa Judá kan xkejach k'a chire ri Jehová. Y konojel k'a ri xtikisuj kamelabel, xtikikusaj k'a ri bojo'y ri' richin xtikiroqowisaj ri ti'ij chupan. Y roma ri' kan man xtik'ayix ta chik bojo'y chupan ri rachoch ri Jehová.

Wuj Richin Bix Chire ri Dios 68:18

Toq xjote-q'anej pa rachoch, rija' kan e k'iy e etzelanel richin xeruk'uaj pa ximonri'il. Chuqa' kan k'iy sipanik ri xuk'ul chuwi-kiq'a' ri winaqi' ri xeyakatej chirij, y ri Jehová chiri' xtik'oje-wi richin jantape'.

Wuj Richin Bix Chire ri Dios 48:14

roma kan ja Dios re' ri qa-Dios roj, tibe-q'ij tibe-seq. Ja rija' ri niyuqen qichin richin jantape'.

Wuj Richin Bix Chire ri Dios 48:3

Ri Dios kan k'o k'a chupan ri rachoch, kan xuk'ut k'ari' chi kan ja rija' ri qato'onel.

Wuj Richin Bix Chire ri Dios 46:5

Roma chiri' k'o-wi ri Dios, kan man jun xtitikir xtisilon. Ja ri Dios nichajin richin, toq niseqer-pe.

Apocalipsis 3:12

Ri xkech'akon xtinben chike chi xke'ok achi'el jun pilar richin ri rachoch ri nu-Dios y chiri' xkek'oje-wi jantape'. Y chikij k'a rije' xtintz'ibaj ri rubi' ri nu-Dios y ri rubi' ri rutinamit rija', ri k'ak'a' Jerusalem ri niqaqa-pe chila' chikaj. Y chiri' chuqa' xtintz'ibaj ri k'ak'a' nubi' yin.

Wuj Richin ri Jeremías 8:19

Ri raqoj-chi'ij kichin ri nuwinaq nak'axatej chupan chijun ri ruwach'ulew y nikibij: Ri Jehová maneq chik wawe' pa qatinamit Sión. ¿Man qa-rey ta kami chik rija'?, xkecha'. Jak'a ri Jehová nubij: ¿Achike roma xiya' q'axo'n chuwe toq niya' kiq'ij ri wachibel, toq niya' kiq'ij dios ri xa man jun yek'atzin-wi y man iwetaman ta kiwech?, xcha'.

Wuj Richin ri Q'axanri'il 23:21

Man jun itzel banobel ri tz'eton ta chikij ri e rijatzul kan ri Jacob; man jun ruk'ayewal ri niqaqa ta chikij ri israelita. Roma ri Jehová ri ki-Dios kan k'o-wi kik'in; rije' kan nikibij k'a chi ri Dios kan ja wi ri' ri ki-rey.

1 Crón 23:25

Ri David rubin k'a: Ri Jehová ri qa-Dios roj ri oj aj-Israel xuya' yan uxlanibel-k'u'x chiqe, y rija' kan xtik'oje' chiri' pa Jerusalem richin q'asen.

Wuj Richin Bix Chire ri Dios 46:6

Ri nima'q taq tinamit kixibin-ki' y man nikil ta achike nikiben ri q'atoy taq tzij. Roma toq ri Dios nich'on kan nik'is-qa ri ruwach'ulew.

Wuj Richin Bix Chire ri Dios 87:3

Rutinamit ri Dios, kan janila k'a k'iy jebelej taq ch'abel ri yebix chawij rat.

Ez 37:26

Kan xtinben k'a kik'in rije' jun tununri'il richin uxlanibel-k'u'x richin jantape'. Chuqa' xtinben k'a chi xkejike' richin q'asen y xkewinaqir. Ri wachoch kan xtik'oje' k'a chikikojol rije',

Ez 37:28

Toq ri wachoch xtik'oje' chikikojol richin q'asen, jari' toq ri ch'aqa' chik tzobaj winaqi' richin re ruwach'ulew kan xtiketamaj k'a chi ja yin ri xicha'on ri tinamit Israel richin xke'ok jun ruwach'ulew ch'ajch'oj, xcha'.

Wuj Richin ri Zacarías 8:3

Roma ri' yin xkitzolin chik pa Jerusalem y chiri' xkik'ase-wi. K'ari' ri itinamit xtubini'aj: Nima-Tinamit ri k'o Qitzijri'il Rik'in. Y ri juyu' wichin yin xtubini'aj ri Loq'olej Juyu'.