Ez 48:28 - Kaqchiquel Bible

²⁸ Ri k'ulba't ri k'o pa xokon chire ri ruwach'ulew ri Gad, nitiker-el pa tinamit Tamar y niq'ax-el pa qajbel-q'ij chuchi' ri alaxibel-ya' Meribá-cadés y napon k'a pa ch'uti'n raqen-ya' richin ri Egipto y keri' napon k'a pa palou.

Ez 48:28 ပူးပေါင်းရင်းမြစ်များ

Wuj Richin ri Rutikeribel 14:7

Y xetzolej k'a pe y xepe pa tinamit En-mispat ri chuqa' nibix Cadés-barnea chire. Y xkich'ek kan ri ruwach'ulew ri xtibe'ok kichin ri rijatzul ri Amalec y chuqa' ri ruwach'ulew ri rijatzul ri Hamor ri k'o pan Hasesón-tamar.

Wuj Richin ri Rutikeribel 15:18

Chupan ri q'ij ri', ri Jehová xuben jun jikibel-tzij rik'in ri Abram y xubij chire: Chike ri awijatzul xtinya-wi kan re ruwach'ulew re', nitiker-el rik'in ri raqen-ya' richin Egipto y napon k'a rik'in ri nimalej raqen-ya' rubini'an Éufrates.

2 Crón 20:2

Y xbeya'ox k'a rutzijol chire ri Josafat chi e peteneq janila chi aj-labal aj-Edom ri e eleneq-pe pa relebel-q'ij chire ri Tzayi-Choy, y jari' ek'o chik pe pa tinamit Hasesón-tamar, ri chuqa' nibix En-gadi chire.

Wuj Richin Bix Chire ri Dios 106:32

Ri israelita kan xkiyek k'a royowal ri Jehová chiri' rik'in ri alaxibel-ya' Meribá. Koma rije' xmakun ri Moisés;

Wuj Richin ri Isaías 27:12

Chupan k'a ri q'ij ri' ri Jehová kan k'o k'a ri xtiberubana'. Nitiker-pe chupan ri raqen-ya' Éufrates y napon k'a pa raqen-ya' Egipto, kan xkeruk'is k'a konojel. Xtiban chike achi'el toq nich'ay ri trigo. Jak'a rix aj-Israel xa kan xkixmol chi'ijujunal.

Ez 47:10

Kan k'a pan En-gadi ri k'o pa xaman, k'a pan En-eglaim ri k'o pa xokon chire ri Tzayi-Choy, xkek'oje' ri e chapoy taq ker y chiri' k'a xtikisa-wi ri kiya'l richin nikichop ker. Y ri ker ri ek'o chiri' kan pa ruk'iyal ri xkek'oje', y kan jalajoj k'a ri ker achi'el ri ek'o chupan ri palou.

Ez 47:15

Y jare' k'a ruk'ulba't ri ruwach'ulew ri k'o pa xaman. Nitiker-pe rik'in ri palou y niq'ax-pe kere' pa relebel-q'ij chunaqaj ri tinamit Hetlón y nibe kela' pa tinamit Sedad.

Wuj Richin ri Q'axanri'il 20:1

Y toq xq'ax yan juba' juna', ri winaqi' israelita xe'apon chik jun bey pa tz'iran ruwach'ulew Sin, chupan ri nabey ik' chire ri juna'. Y chiri' pa tinamit Cadés xek'oje-qa. Y xken k'a kan ri María y xmuq kan chiri'.

Wuj Richin ri Q'axanri'il 20:13

Ja ya' re' ri xubini'aj Meribá, roma ja ri chiri' toq ri winaqi' xkich'ojij kiya' chire ri Jehová; y chiri' chuqa' toq rija' kan xuk'ut-ri' chikiwech chi kan k'o-wi ruq'ij-ruk'ojlen.

Wuj Richin ri Q'axanri'il 34:5

Y chiri' nusutij-el-ri' y napon k'a chuchi' ri ch'uti'n raqen-ya' richin Egipto. Napon k'a pa xaman y nibek'is kan ri ruchi' k'a chupan ri palou.

Wuj Richin ri Josúe 13:3

nitiker-el rik'in ri raqen-ya' Sihor ri k'o pa relebel-q'ij chire ri Egipto y napon k'a rik'in ri ruchi' ri tinamit Ecrón ri k'o pa xaman, y ronojel re' nibix ruwach'ulew kichin ri aj-Canaán chire; y chupan ri' ek'o wo'o' tata'al chikikojol ri aj-Filistea. Re' xek'oje' pa tinamit Gaza, Asdod, Ascalón, Gat y Ecrón. Y keri' chuqa' ri kiruwach'ulew ri aveo