Ez 48:21 - Kaqchiquel Bible

^21-22 Ri q'atoy-tzij xtrichinaj ri juba' ulew ri k'o kere' pa relebel-q'ij y pa qajbel-q'ij richin ri ulew ri ch'aron chuwe yin. Ri pa xaman chire ri ulew ri' k'o ri rulew ri Judá y ri pa xokon k'o rulew ri Benjamín. Ri nik'aj chire ri rulew ri q'atoy-tzij 7,485 jaj ri raqen y nitiker-el rik'in ri ulew wichin yin y napon k'a pa palou re kere' pa qajbel-q'ij. Y ri nik'aj chik 7,485 jaj ri raqen y nitiker-el rik'in ri ulew wichin yin y napon k'a pa Tzayi-Choy ri k'o kere' pa relebel-q'ij. Ri wachoch xtik'oje' pa runik'ajal ri ulew ri'. Ri kulew ri levita y ri tinamit ek'o-el chuchi'. Y ri rulew ri q'atoy-tzij ek'o pa taq ka'i' ruxikin.

Ez 48:21 ပူးပေါင်းရင်းမြစ်များ

Ez 37:24

Xtipe k'a jun rey achi'el ri q'asen David, ri nusamajel ri xtiq'aton-tzij pa kiwi' y rija' xtichajin kichin achi'el nuben jun yuq'unel. Y rije' kan jebel xtikinimaj ri nupixa'.

Ez 48:10

Nel chi tzij ri pa xaman y pa xokon 7,485 jaj ruwech y ri pa relebel-q'ij y pa qajbel-q'ij k'o 2,973 jaj raqen. Y re ulew re' ch'aron chike ri sacerdote. Y pa runik'ajal ri ulew ri' xtik'oje-wi ri wachoch.

Ez 48:20

Chijun ri ulew ri ch'aron kan, ri retabal 7,485 jaj, chi kaji' ruxikin. Y re ulew re' nich'ar k'a kan juba' chuwe yin y juba' chike ri tinamit.

Ez 48:8

Pa xokon chire ri Judá k'o chi nich'er kan ri ulew richin jun sipanik chuwe yin. Ri ruwach'ulew ri' nitiker-el pa relebel-q'ij y napon k'a pa qajbel-q'ij chire ri ruwach'ulew Israel. Y ri raqen ri ulew ri nich'er kan 7,485 jaj. Y pa runik'ajal ri ulew ri' xtik'oje-wi ri wachoch.

Os 1:11

Xtapon k'a ri q'ij xtikimol-ki' ri aj-Judá y ri aj-Israel xtikikanoj k'a xaxe jun aj-raqen richin nik'oje' pa kiwi' chi ka'i' ajawaren. Konojel k'a ri winaqi' ri e talutajineq xketzolej chik pa Jerusalem. Toq xtiban chik ri molojri'il pa Jezreel kan xtibanatej k'a jun nimalej ch'akonik chupan ri q'ij ri'.