Ez 48:11 - Kaqchiquel Bible

¹¹ Re ulew k'a re' kan xtich'ar kan chike ri e sacerdote ri e rijatzul kan ri Sadoc, roma rije' man xekitzeqelibej ta ri ch'aqa' chik levita toq ri israelita xkijech'ej kan ki' rik'in ri nubey.

Ez 48:11 ပူးပေါင်းရင်းမြစ်များ

Ez 14:11

Richin keri' ri awinaq israelita kan man xtikich'er ta kan ki' wik'in y xke'ok e ch'ajch'oj. Y keri' rije' kan xke'ok chik nutinamit y yin xkinok chik ki-Dios, xcha'.

Ez 40:46

Y ri jay ri nitzu'un pa xaman, kichin ri e sacerdote ri yesamej rik'in ri porobel. Konojel rije' e rijatzul kan ri Sadoc y roma ri' xa kan xaxe rije' chikikojol ri e rijatzul kan ri Leví ri ruk'amon yesamej chiri' chuwech ri Jehová.

Ez 43:19

Y ri xkesamej-apo wik'in ja ri e levita e rijatzul kan ri Sadoc. Xtaya' k'a chike jun nima-alaj achij wákix richin chi xtikisuj kamelabel richin kuyubel-mak. Ja yin Jehová ri yibin.

Ez 44:10

Ek'o k'a levita ri xkich'er kan ki' wik'in toq ri iwinaq xkijech'ej kan ki' wik'in y xinkimalij kan richin xkiya' kiq'ij wachibel. Y roma ri' xtikejqalej ri kimak.

Ez 44:12

Keri' xtikiben roma rije' xa xek'oje' chiri' richin xekisamajij ri ch'aqa' chik israelita richin xekiya' kiq'ij ri wachibel y keri' xkiben chike richin xemakun, roma ri' k'o chi xtikejqalej ri kimak.

Ez 45:4

Ri juba' chik chire re ulew re', jari' ri xtok kichin ri sacerdote ri yesamajin ri wachoch, roma rije' kan xkejel-apo wik'in richin yinkisamajij y kan chiri' chuqa' xtik'oje-wi ri kachoch rije'. Y re ulew re' kan xtik'oje' k'a janila rejqalen.

Ez 48:12

Roma ri' ri ulew ri' k'o janila rejqalen y jun sipanik chike ri e sacerdote. Y nik'oje' kan kere' pa xokon chire ri kulew ri levita.

Wuj Richin ri Chojmirisabelri'il 8:35

Kan chuchi' k'a ri rachoch ri Dios richin molojri'il xkek'oje-wi, wuqu' q'ij chi paq'ij chi chi'aq'a'. Y kan tikinimaj k'a ri xubij ri Dios richin chi man yeken ta, roma jare' ri pixa' ri xya'ox pa kiwi' rije', xcha' ri Moisés.

1 Pedro 5:4

Y toq xtok'ulun chik qa ri Cristo, ri nimalej Yuq'unel, xtik'ul k'a jun corona ri man jun bey xtik'is.

Apocalipsis 2:10

Man tixibij-iwi' chuwech ri tijoj-poqonal ri xtipe pan iwi' ri chiwech-apo. Roma ri Itzel-Wineq xtuben chi ek'o jujun chiwe rix xkeruya' pa cárcel richin chi yerutejtobej. Lajuj k'a q'ij ri xkixk'oje' pa tijoj-poqonal. Jak'a kan kow kixk'oje' k'a toq xkixapon na chuwech ri kamik. Y yin xtinya' jun sipanik richin ch'akonik chiwe y ri' ja ri k'aslen ri man k'isel ta.