Ez 47:8 - Kaqchiquel Bible

⁸ K'ari' ri achin xubij chuwe: Re ya' re' nibiyin-qa pa relebel-q'ij y napon k'a pa raqen-ya' Jordán. K'ari' nok-apo chupan ri Tzayi-Choy. Y toq napon-qa chiri', ri ya' ri k'o chupan ri Tzayi-Choy kan nok k'a ki'.

Ez 47:8 ပူးပေါင်းရင်းမြစ်များ

Ex 15:25

Y jari' toq ri Moisés xuk'utuj to'onik chire ri Jehová y ri Jehová xuk'ut k'a jun che' chuwech, richin chi jari' tuya' chupan ri ya'. Y ri ya' kan chi'anin k'a xutzir. Ri Jehová kan xerutejtobej k'a y chuqa' xuya' jujun chik ruchojmilal chike.

Wuj Richin ri Isaías 35:1

Kan xtikikot k'a ri tz'iran ruwach'ulew, y ri ruwach'ulew ri kan janila chaqi'j kan xtikotz'ijan, y roma ri' janila k'a xtikikot.

Wuj Richin ri Isaías 35:6

ri e jetz' kan xketzopiyaj achi'el nuben ri masat; y ri e memurneq kan xkesik'in rik'in kikoten. Ri pa tz'iran ruwach'ulew kan xtibebulbu'x ri ya', y kan xkebiyin raqen taq ya'.

Wuj Richin ri Isaías 35:7

Pa ruk'exel yepa'e' ta pa ruwi' k'aten sanayi', xa xkepa'e' chupan jun choy. Y pa ruk'exel ri ruwach'ulew nutz'u' ta qa ri ya', kan xkek'oje' alaxibel taq ya'. Ri akuchi wakami ek'o-wi ri utiwa', chiri' xtik'oje-wi pa ruk'iyal ri q'os y aj. Y chuqa' chiri' xtik'oje' pa ruk'iyal ri pop.

Wuj Richin ri Isaías 43:20

Kan jajun ri chikopi' ri ek'o pa k'echelaj xtikiya' nuq'ij, achi'el ri utiwa' y ri túkur. Kan xtinya' raqen taq ya' pa tz'iran ruwach'ulew, y xkenjeq rubey ya' chupan ulew ri akuchi man niwachin ta, richin chi xtinya' kiya' ri nutinamit ri kan nucha'on.

Wuj Richin ri Isaías 49:9

Xtibij chike ri ek'o pa cárcel, chi ke'el-pe, y chike ri ek'o pa q'equ'm, chi tikik'utu-pe-ki'. Y rokik e tzolejineq-pe chupan ri kibey, xtikil ri kiway. Rokik e peteneq chupan ri tz'iran ruwach'ulew, kan k'o ri xtikitej.

Wuj Richin ri Jeremías 31:9

Xkepe rik'in oq'ej y nikik'utuj utzil chuwe. Y yin xkenk'uaj chunaqaj ch'uti'n raqen taq ya', pa jun bey ri kan choj nibe, ri akuchi ri kan man xtikipajk'ij ta kaqen. Roma yin kan in jun tata'aj richin ri tinamit Israel y ri Efraín ri nabey nuk'ajol.

Wuj Richin ri Malaquías 1:11

Ri nuq'ij-nuk'ojlen kan yalan-wi nim chikiwech ri ch'aqa' chik winaqi' richin ri ruwach'ulew, nitiker-pe akuchi nel-wi-pe ri q'ij y napon k'a akuchi niqaqa-wi-qa. Kan konojel k'a nikiporoj pom chinuwech. Y ri sipanik ri nikisuj chuwe kan ronojel ch'ajch'oj.

San Mateo 13:15

Roma re winaqi' re' kan xkikowirisaj ri kánima. Kan tabana' chike richin xketokonir. Chuqa' kan xkemoyir richin man xtikitz'et ta chik. Roma, man ninwajo' ta chi rije' xtikitz'et ri nubanobal, y chuqa' xtikak'axaj ri nuch'abel, y xkinkitzeqelibej ta chik. Y man ninwajo' ta chi xkenk'achojirisaj, nicha' ri Isaías.

San Juan 5:4

[Roma re ya' re' kan k'o k'a q'ij toq nosilox kan roma jun ángel ri nipe rik'in ri Dios. Y jak'a ri yawa' ri niqaqa nabey chupan ri ya' toq silon chik, ja yawa' ri' ri nik'achoj. Y xabachike yabil nok chire ri yawa', nik'achoj-el.]*f6*

Deut 3:17

Ri ruk'ulba't ri ruwach'ulew nitiker-el pa qajbel-q'ij chire ri raqen-ya' Jordán, nel-pe rik'in ri choy richin Quinéret*f2* y napon k'a rik'in ri Tzayi-Choy, ri k'o chuxe-pe ri juyu' Pisgá.

Deut 4:49

y chupan ri ruwach'ulew ri' k'o ri taq'aj Arabá ri napon k'a pa xokon chuchi' ri Tzayi-Choy y napon k'a pa relebel-q'ij chire ri juyu' Pisgá.

Wuj Richin ri Josúe 3:16

ri ya' ri xulan-pe xpa'e' y xumol kan ri', y ri akuchi xumol kan ri' ri ya' ri', kan janila nej chike rije' y chunaqaj ri tinamit rubini'an Adam ri k'o chunaqaj ri jun chik tinamit rubini'an Saretán, ri ya' ri beneq pa xulan xapon k'a chupan ri Tzayi-Choy y ri winaqi' xeq'ax-apo pa chaqi'j pa ruchojmilal ri tinamit Jericó.