Ez 47:5 - Kaqchiquel Bible

⁵ Xbiyin chik qa 299 jaj rik'in ka'i' q'a'aj y ri raqen-ya' xa kan man yitikir ta chik ninq'axaj, roma ri ya' ri' xa kan janila xnimer rupan. Xa kan xaxe k'a yimuxan ri yitikir ninq'axaj.

Ez 47:5 ပူးပေါင်းရင်းမြစ်များ

Wuj Richin ri Isaías 11:9

Kan man jun k'a itzel ri xtik'uluwachitej chiri' pa juyu' Sión, roma chijun ri ruwach'ulew kan xtinoj rik'in etamabel richin ri Jehová, achi'el ri ya' nunojisaj ri palou.

Ez 47:4

Chirij ri' xbiyin chik qa 299 jaj rik'in ka'i' q'a'aj y xuben chuwe richin xinq'axaj chik ri ya' ri'. Y xapon-q'anej chuwa-nuch'ek. Xbiyin chik qa 299 jaj rik'in ka'i' q'a'aj y xuben chik chuwe richin xinq'axaj chik ri ya'. Y xapon-q'anej xenupan.

Wuj Richin ri Habacuc 2:14

Roma ri winaqi' ri ek'o chuwech chijun ri ruwach'ulew, kan xtiketamaj jebel ri ruchuq'a', ri ruq'ij-ruk'ojlen ri Jehová, achi'el nuben ri ya' toq napon chupan ri palou.

Apocalipsis 11:15

Y jari' k'a toq ri ruwuq ángel xuxupuj ri trompeta. Y ri ek'o chila' chikaj rik'in uchuq'a' xech'on-pe, y xkibij: Ri ajawaren richin ri ruwach'ulew wakami richin chik ri Dios ri qajaw, y richin ri Jesús ri Cristo. Kan rija' ri xtiq'aton-tzij pa kiwi' ri winaqi' richin tibe-q'ij tibe-seq, xecha'.

Apocalipsis 7:9

Chirij ri' yin xintz'et k'a chi e janila winaqi' ri kan man e ajlatel ta, richin jalajoj ruwach'ulew, ijatzul, tinamit y ch'abel. Konojel re winaqi' re' e pa'el-apo chuwech ri tz'uyubel richin ri Dios y chuwech apo ri Karne'l. E kikusalon k'a seq ta tzieq y e kik'ualon ruq'a' palma richin nikik'ut ri kikoten.