Ez 47:3 - Kaqchiquel Bible

³ Ri achin ri' k'o k'a jun k'an pa ruq'a', y xbiyin-qa pa xulan chuchi' ri raqen-ya'. Y toq xbiyin 299 jaj rik'in ka'i' q'a'aj, xuben chuwe richin xinq'axaj ri raqen-ya'. Y ri ya' ri' chuqul-waqen xapon-wi-q'anej.

Ez 47:3 ပူးပေါင်းရင်းမြစ်များ

Ez 40:3

Y toq xiruk'uaj-el chiri', xintz'et k'a jun achin, ri rubanik achi'el banon rik'in q'enq'oj-pueq, pa'el chuchi' ri tinamit y ruk'uan jun k'an ri banon rik'in betz' lino y ruk'uan chuqa' jun che' richin etabel.

Apocalipsis 21:15

Y ri ángel ri nich'on wik'in, ruk'uan jun aj richin etabel ri banon rik'in q'anapueq, richin nretaj ri Jerusalem, ri kablajuj okibel y ri tz'aq.

Apocalipsis 11:1

Chirij ri' xbejach k'a pe jun aj chuwe, ri achi'el jun che' richin etabel. Y xbix k'a chuwe: Kabiyin y tawetaj rupan ri wachoch yin ri Dios, chuqa' ri porobel, y kebe'awajlaj-pe ri janipe' ri yeya'on nuq'ij.

Hechos 2:33

Xuk'uex chuqa' chila' chikaj roma ri rutata' Dios. Y rija' xuk'ul k'a ri Loq'olej Espíritu ri sujun chire. Toq rija' xuk'ul yan k'a ri Loq'olej Espíritu, xuteq k'a pe qik'in roj, y ja yan k'a rusamaj re' ri xitz'et y xiwak'axaj-el qik'in re wakami.

Hechos 2:4

Xbanatej k'a chi ri Loq'olej Espíritu xunojisaj ri kánima, y jari' toq xech'on pa ch'aqa' chik ch'abel ri man kich'abel ta rije'.

San Lucas 24:49

Yin kan xtinteq k'a pe chiwe ri rusujun ri nata' Dios chi nuya-pe chiwe. Jak'a kan kixk'oje' re wawe' pa Jerusalem k'a ri q'ij toq xtiqaqa-pe ri Loq'olej Espíritu. Jari' toq xtoruya-qa iwuchuq'a', xcha' chike.

Wuj Richin ri Zacarías 2:1

Chirij ri' k'o chik k'a jun ri xk'utumej chinuwech, y xintz'et k'a chi k'o jun achin ri ruk'uan jun k'an richin etanik.

Ez 47:2

Xeri' ri achin xuben chuwe richin xinel-el chiri' chuwa-jay pan okibel ri k'o pa xaman y xuben chuwe richin xinpiskolij-el-wi' chirij ri tz'aq richin yinapon pan okibel ri k'o pa relebel-q'ij. Y ri raqen-ya' ri' nibulbu'x xel-pe chuxe' ri tz'aq pa rijkiq'a' ri okibel.

Ez 47:4

Chirij ri' xbiyin chik qa 299 jaj rik'in ka'i' q'a'aj y xuben chuwe richin xinq'axaj chik ri ya' ri'. Y xapon-q'anej chuwa-nuch'ek. Xbiyin chik qa 299 jaj rik'in ka'i' q'a'aj y xuben chik chuwe richin xinq'axaj chik ri ya'. Y xapon-q'anej xenupan.

Wuj Richin ri Zacarías 2:5

Y roma ri' ja ri Jehová xtitaqon-pe jun tz'aq ri banon rik'in q'aq' richin xtusutij-rij ri Jerusalem, y ja rija' xtisaqirisan richin, xcha' ri ángel chire.