Ez 47:20 - Kaqchiquel Bible

²⁰ Ri ruk'ulba't ri k'o pa qajbel-q'ij nitiker-el pa raqen-ya' richin Egipto y nibe pa xaman chuchi' ri palou y napon k'a pa taq taq'aj chuwech-pe ri tinamit Hamat.

Ez 47:20 ပူးပေါင်းရင်းမြစ်များ

Ez 48:1

Ri ruk'ulba't ri ruwach'ulew nitiker-pe chuchi' ri palou y nibe pa relebel-q'ij y niq'ax-el pan Hetlón y choj nibe pan Hamat. Napon pan Hasar-enán ri k'o chukojol ri ruwach'ulew Damasco y napon k'a pan Hamat. Ri tzobaj richin Dan xtikichinaj ri kulew ri k'o pa xaman. Y pa xokon chire ri Dan xtikichinaj kan ri tzobaj richin Aser. Y pa xokon chire ri Aser xtikichinaj kan ri tzobaj richin Neftalí. Y pa xokon chire ri Neftalí xtikichinaj kan ri tzobaj richin Manasés. Y pa xokon chire ri Manasés xtikichinaj kan ri tzobaj richin Efraín. Y pa xokon chire ri Efraín xtikichinaj kan ri tzobaj richin Rubén. Y pa xokon chire ri Rubén xtikichinaj kan ri tzobaj richin Judá.

Wuj Richin ri Q'axanri'il 34:6

Y ri k'ulba't ri k'o pa qajbel-q'ij chire ri ruwach'ulew ja ri palou.

Wuj Kichin ri To'onela' 3:3

Ja winaqi' re' ri man xech'akatej ta kan: Ri e wo'o' tata'al kichin ri tinamit Filistea y chuqa' konojel ri winaqi' cananeo, ri sidonio y ri heveo ri ek'o kela' chuwi' taq juyu' rubini'an Líbano, nitiker-el pa juyu' rubini'an Baal-hermón y napon k'a pa tinamit Hamat.

2 Crón 7:8

Y ri Salomón xunimaq'ijuj k'a ri nimaq'ij richin ri taq jay banon rik'in ruq'a-che'. Y kan konojel k'a ri winaqi' israelita ek'o-apo chiri'; ri winaqi' ri' e peteneq k'a pa ronojel tinamit, nitiker-pe pa xaman chiri' pa tinamit Hamat y napon-qa pa xokon k'a chuchi' ri raqen-ya' richin ri ruwach'ulew Egipto. Wuqu' k'a q'ij xenimaq'ijun chuwech ri Jehová Dios.

Ez 47:16

Choj nibe rik'in ri tinamit Berotá, ri Sibraim ri k'o pa ruwach'ulew Damasco y napon k'a pa tinamit Hamat. Napon pa tinamit Hasar-haticón y jari' napon rik'in ri ruk'ulba't ri ruwach'ulew Haurán.

Ez 47:21

Jak'a ruwach'ulew re' ri xtitaluj chiwech achi'el rubanik ri kablajuj itzobaj.

Am 6:14

Titz'eta' na pe jebel rix nuwinaq israelita. Ri Jehová ri k'o ronojel uchuq'a' pa ruq'a' nubij chi rija' xtiberutaqa-pe chiwij jun tzobaj aj-labal ri kan xkixkitz'ila', nitiker k'a pe pan Hamat ri k'o pa xaman, k'a kela' pa ch'uti'n raqen-ya' Arabá ri k'o pa xokon.