Ez 47:2 - Kaqchiquel Bible

² Xeri' ri achin xuben chuwe richin xinel-el chiri' chuwa-jay pan okibel ri k'o pa xaman y xuben chuwe richin xinpiskolij-el-wi' chirij ri tz'aq richin yinapon pan okibel ri k'o pa relebel-q'ij. Y ri raqen-ya' ri' nibulbu'x xel-pe chuxe' ri tz'aq pa rijkiq'a' ri okibel.

Ez 47:2 ပူးပေါင်းရင်းမြစ်များ

Ez 44:4

Chirij k'a ri' ri achin xiruk'uaj-el pan okibel ri k'o pa xaman chuwech-apo ri rachoch ri Dios. Y toq xojok-apo, xintz'et k'a chi ri ruk'ojlemal ri Jehová runojisan chijun ri rachoch rija'. Y yin kixukuk xiqaqa pan ulew chuwech.

Ez 44:2

Y ri Jehová xubij k'a chuwe: Re jun okibel re' xtitz'ape' kan y man jun xtijaqon richin ni man jun xtok-apo ri chiri', roma chiri' xkinok-wi yin ri in i-Dios. Y roma ri' kan jantape' k'a xtitz'ape'.

Ez 40:35

Y xeri' ri achin xiruk'uaj-el pan okibel ri k'o pa xaman chire ri ko'ol ruwa-jay. Chiri' xretaj ri jay y ri retabal e junan kik'in ri ch'aqa' chik jay richin okibel.

Ez 47:1

Ri achin ri xuk'ut ri rachoch ri Dios chinuwech xuben chuwe richin xitzolin chik ri pan okibel ri k'o chunaqaj ri rachoch ri Dios. Jari' toq xintz'et chi ri chuxe-qa ri ruchi-jay nibulbu'x-pe ya' ri nel-pe re kere' pa relebel-q'ij. Ri ya' niqaqa-pe pa rijkiq'a' ri rachoch ri Dios y pa xokon chire ri porobel.

Ez 47:3

Ri achin ri' k'o k'a jun k'an pa ruq'a', y xbiyin-qa pa xulan chuchi' ri raqen-ya'. Y toq xbiyin 299 jaj rik'in ka'i' q'a'aj, xuben chuwe richin xinq'axaj ri raqen-ya'. Y ri ya' ri' chuqul-waqen xapon-wi-q'anej.