Ez 47:16 - Kaqchiquel Bible

¹⁶ Choj nibe rik'in ri tinamit Berotá, ri Sibraim ri k'o pa ruwach'ulew Damasco y napon k'a pa tinamit Hamat. Napon pa tinamit Hasar-haticón y jari' napon rik'in ri ruk'ulba't ri ruwach'ulew Haurán.

Ez 47:16 ပူးပေါင်းရင်းမြစ်များ

Ez 48:1

Ri ruk'ulba't ri ruwach'ulew nitiker-pe chuchi' ri palou y nibe pa relebel-q'ij y niq'ax-el pan Hetlón y choj nibe pan Hamat. Napon pan Hasar-enán ri k'o chukojol ri ruwach'ulew Damasco y napon k'a pan Hamat. Ri tzobaj richin Dan xtikichinaj ri kulew ri k'o pa xaman. Y pa xokon chire ri Dan xtikichinaj kan ri tzobaj richin Aser. Y pa xokon chire ri Aser xtikichinaj kan ri tzobaj richin Neftalí. Y pa xokon chire ri Neftalí xtikichinaj kan ri tzobaj richin Manasés. Y pa xokon chire ri Manasés xtikichinaj kan ri tzobaj richin Efraín. Y pa xokon chire ri Efraín xtikichinaj kan ri tzobaj richin Rubén. Y pa xokon chire ri Rubén xtikichinaj kan ri tzobaj richin Judá.

2 Sam 8:8

Keri' chuqa' xeruk'uaj-el ri q'enq'oj-pueq ri ek'o chupan ri tinamit Bétah y Berotai ri e richin ri rey Hadad-ézer.

Wuj Richin ri Q'axanri'il 13:21

Y rije' jari' toq xebe-el y xbekinik'oj k'a ri ruwach'ulew. Xkichop k'a el ri chiri' pa tz'iran ruwach'ulew rubini'an Sin ri k'o pa xokon y xe'apon k'a pa tinamit Rehob, chunaqaj ri tinamit Hamat.

Wuj Richin ri Zacarías 9:2

Xkiyakatej chikij ri aj-Hamat, roma ek'o chikinaqaj ri Hadrac y ri Damasco, y chuqa' chikij ri aj-Tiro y aj-Sidón, stape' kan janila na'oj k'o kik'in.

Wuj Richin ri Rutikeribel 14:15

Y toq xokoq'a-qa, ri Abram y ri achi'a' ri e beneq rik'in, chaq k'ate' xekichop chi oyowal ri kaji' rey ri' y ri kiwinaq, y xekitzeqelibej k'a pa tinamit Hobá ri k'o pa xaman chire ri tinamit Damasco.

Hechos 9:2

richin xberuk'utuj-pe wuj chire, richin chi tuya-el q'atbel-tzij pa ruq'a'. Rik'in ri q'atbel-tzij ri k'o chik pa ruq'a' nibe k'a pa tinamit Damasco, richin nibe'ok ri pa taq jay ri akuchi nikimol-wi-ki' ri winaqi' richin nikak'axaj ri ruch'abel ri Dios, richin yeberukanola-pe ri kitzeqeliben ri Jesús, ri Qitzij Bey, y ri rutijonik. Toq yeril-pe, e ximil k'a yeruk'en k'a pe pa Jerusalem, chi achi'a' chi ixoqi'.

Am 6:14

Titz'eta' na pe jebel rix nuwinaq israelita. Ri Jehová ri k'o ronojel uchuq'a' pa ruq'a' nubij chi rija' xtiberutaqa-pe chiwij jun tzobaj aj-labal ri kan xkixkitz'ila', nitiker k'a pe pan Hamat ri k'o pa xaman, k'a kela' pa ch'uti'n raqen-ya' Arabá ri k'o pa xokon.

Ez 47:17

Ja k'a k'ulba't re' ri k'o pa xaman ri nibe chuchi' ri palou y napon k'a pa tinamit Hasar-enán ri k'o pa xaman chire ri ruwach'ulew Damasco y ri Hamat.

1 Crón 18:5

Xe'apon k'a ri aj-Damasco richin Siria richin nibekito' ri Hadad-ézer, ri rey richin Sobá, jak'a ri David xerukamisaj e 22,000 chike rije'.

1 Rey 8:65

Ri Salomón y ri winaqi' xenimaq'ijun k'a wuqu' q'ij, y chirij ri nimaq'ij ri', xenimaq'ijun chik wuqu' q'ij richin ri nimaq'ij richin ri taq jay banon rik'in ruq'a-che'. Y kan konojel k'a ri winaqi' ek'o-apo chiri'; ri winaqi' ri' e peteneq k'a pa ronojel tinamit, nitiker-pe pa xaman chiri' pa tinamit Hamat y napon-qa pa xokon k'a chuchi' ri raqen-ya' richin ri ruwach'ulew Egipto.

Wuj Richin ri Q'axanri'il 34:8

napon k'a chunaqaj ri tinamit Hamat y niq'ax-el pa jun ulew rubini'an Sedad,

Wuj Richin ri Isaías 10:9

Xeqach'ek yan ri tinamit Calnó y ri Carquemis. Ri tinamit Hamat y ri Arpad chuqa' kan xeqach'ek yan, y chuqa' xeqawulaj yan ri tinamit Samaria y ri Damasco.

Ez 27:18

Ri winaqi' richin Damasco chuqa' ye'oloq'on rik'in, roma chiri' kan ronojel k'o pa ruk'iyal. Chuqa' nikik'en-pe vino ri niban pa tinamit Helbón, y nikik'ayij lana ri niban pa tinamit Sahar.

Ez 47:18

Ri k'ulba't ri k'o kere' pa relebel-q'ij choj nibe pa xokon chukojol ri ruwach'ulew Haurán y ri Damasco; k'ari' nibe pa qajbel-q'ij y napon k'a pa raqen-ya' Jordán. K'ari' nixule-qa pa xokon chire ri raqen-ya' ri' ri nuch'er ri ruwach'ulew Galaad rik'in ri ruwach'ulew Israel. Napon k'a chuchi' ri Tzayi-Choy y choj nibe chuchi' ri ya' k'a toq napon rik'in ri tinamit Tamar ri k'o pa xokon chire ri Israel.

Ez 47:20

Ri ruk'ulba't ri k'o pa qajbel-q'ij nitiker-el pa raqen-ya' richin Egipto y nibe pa xaman chuchi' ri palou y napon k'a pa taq taq'aj chuwech-pe ri tinamit Hamat.