Ez 47:10 - Kaqchiquel Bible

¹⁰ Kan k'a pan En-gadi ri k'o pa xaman, k'a pan En-eglaim ri k'o pa xokon chire ri Tzayi-Choy, xkek'oje' ri e chapoy taq ker y chiri' k'a xtikisa-wi ri kiya'l richin nikichop ker. Y ri ker ri ek'o chiri' kan pa ruk'iyal ri xkek'oje', y kan jalajoj k'a ri ker achi'el ri ek'o chupan ri palou.

Ez 47:10 ပူးပေါင်းရင်းမြစ်များ

Wuj Richin ri Rutikeribel 14:7

Y xetzolej k'a pe y xepe pa tinamit En-mispat ri chuqa' nibix Cadés-barnea chire. Y xkich'ek kan ri ruwach'ulew ri xtibe'ok kichin ri rijatzul ri Amalec y chuqa' ri ruwach'ulew ri rijatzul ri Hamor ri k'o pan Hasesón-tamar.

2 Crón 20:2

Y xbeya'ox k'a rutzijol chire ri Josafat chi e peteneq janila chi aj-labal aj-Edom ri e eleneq-pe pa relebel-q'ij chire ri Tzayi-Choy, y jari' ek'o chik pe pa tinamit Hasesón-tamar, ri chuqa' nibix En-gadi chire.

Wuj Richin Bix Chire ri Dios 104:25

Niqatz'et k'a ri palou ri kan janila nim, ri akuchi yesilon-wi janila chi chikopi', ri kan man e ajlatel ta. Chiri' kan ek'o k'a jalajoj kiwech chikopi', chi ch'uti'q chi nima'q.

Wuj Richin ri Isaías 19:8

Ri yekarun kan janila xkebison; kan xkek'oje' k'a pa bis konojel ri yekarun ri chiri' pa raqen-ya'.

Wuj Richin ri Isaías 49:12

Konojel k'a rije' xkepe nej. Jujun chike rije' xkepe pa xaman, y ch'aqa' chik xkepe pa xokon. Chuqa' ch'aqa' chik xkepe k'a pa qajbel-q'ij, y ch'aqa' chik xkepe pa ruwach'ulew Sinim.

Wuj Richin ri Isaías 49:20

K'o k'a jun q'ij ri iwalk'ual ri achi'el e sachinaqi' chiwech rix, xtikibij chiwe chi ri ruwach'ulew ri' janila ko'ol ok chike, y chi tikanoj ch'aqa' chik ulew richin yek'ase' chupan.

Ez 26:14

Kan xtinben k'a chi ri itinamit xtok achi'el jun abej liq'-liq'. Chuqa' xtinben chire chi xaxe xtik'atzin akuchi nirik'-wi ya'l richin yechaqirisex. Y kan man jun bey chik xtok jun nima-tinamit achi'el re wakami.

Ez 26:5

Ri tinamit ri' xa xtok k'a jun achi'el rik'ibel ya'l kichin ri karunela' ri pa runik'ajal ri palou. Yin Jehová ri yibin y ninjikiba' ronojel re'. Y ri tinamit Tiro kan xteleq'ex k'a ronojel ri k'o rik'in koma ri ch'aqa' chik ruwach'ulew.

Ez 47:15

Y jare' k'a ruk'ulba't ri ruwach'ulew ri k'o pa xaman. Nitiker-pe rik'in ri palou y niq'ax-pe kere' pa relebel-q'ij chunaqaj ri tinamit Hetlón y nibe kela' pa tinamit Sedad.

Ez 47:19

Ri k'ulba't ri k'o pa xokon nitiker-el rik'in ri tinamit Tamar y choj nibe pa qajbel-q'ij. Niq'ax-el rik'in ri alaxibel-ya' Meribá-cadés y napon k'a pa ti ch'uti'n raqen-ya' richin Egipto y napon k'a pa palou.

Ez 48:28

Ri k'ulba't ri k'o pa xokon chire ri ruwach'ulew ri Gad, nitiker-el pa tinamit Tamar y niq'ax-el pa qajbel-q'ij chuchi' ri alaxibel-ya' Meribá-cadés y napon k'a pa ch'uti'n raqen-ya' richin ri Egipto y keri' napon k'a pa palou.

Wuj Richin ri Q'axanri'il 34:6

Y ri k'ulba't ri k'o pa qajbel-q'ij chire ri ruwach'ulew ja ri palou.

San Mateo 4:19

Jari' toq ri Jesús xch'on k'a kik'in y xubij chike: Kiniwojqaj yin y xtinben chiwe richin yixok chapoy taq winaqi' richin yinkitzeqelibej, xcha'.

Marcos 1:17

Jari' toq ri Jesús xch'on kik'in y xubij chike: Kiniwojqaj yin y xtinben chiwe richin yixok chapoy taq winaqi' richin yinkitzeqelibej, xcha'.

Wuj Richin ri Josúe 15:62

Nibsán, y ri jun chik tinamit ri nibix Atz'an chire, y ri En-gadi; ronojel re' e waqi' tinamit rik'in ri kokoj kitinamit.

Wuj Richin ri Josúe 23:4

Yin kan xinch'er yan k'a chiwech ri ruwach'ulew rik'in sakinik richin xiwichinaj. Y chuqa' xinjech yan chiwech ri kiruwach'ulew ri winaqi' ri xech'akatej yan y ri man jani kech'akatej. Re ruwach'ulew re' nitiker-pe rik'in ri raqen-ya' Jordán y napon k'a rik'in ri palou ri k'o pa qajbel-q'ij.

1 Sam 23:29

K'ari' ri David xel k'a el chiri' y xberewaj-ri' chiri' pa tinamit En-gadi.

1 Sam 24:1

Y toq ri Saúl xtzolej-pe chikikamisaxik ri aj-Filistea, jari' toq xkiya-apo rutzijol chire, chi ri David k'o chik chupan ri tz'iran ruwach'ulew richin En-gadi.