Ez 46:20 - Kaqchiquel Bible

²⁰ Y xubij chuwe chi ri sacerdote k'o chi chiri' nikiroqowisaj-wi ri ti'ij kichin ri chikopi' ri yesuj richin kamelabel richin kuyubel-mak, richin ch'a'oj y ri sipanik richin jalajoj ruwech ixin. K'o chi chiri' nikiroqowisaj-wi ri ti'ij richin man nikelesaj ta el ri chuwa-jay akuchi ek'o-wi ri winaqi', richin man jun xtikik'uluwachij ri winaqi' ri'.

Ez 46:20 ပူးပေါင်းရင်းမြစ်များ

2 Crón 35:13

Chirij re' k'ari' xekisa' ri kich'akul ri taq chikopi' richin ri nimaq'ij ri', achi'el nubij ri pixa'. Y ri ch'aqa' chik ti'ij xechaq'irisex pa bojo'y y chupan ch'aqa' chik k'ojelibel; y kan anineq k'a xtalux chikiwech ri winaqi' richin ri tinamit.

Ez 44:29

Utz nikitej ri jalajoj ruwech ixin ri nisuj chuwe y chuqa' ri chikop richin ri kamelabel richin kuyubel-mak. Y ronojel ri nijech chuwe kan xtok k'a kichin rije'.

Ez 44:19

Y toq ye'el-el chuwa-jay ri k'o chirij el ri akuchi ek'o-wi kan ri winaqi', k'o chi nikelesaj kan ri tzieq ri xkikusaj chupan ri samaj richin ri wachoch y nikikusaj chik el jun kitziaq richin chi man nipe ta jun ruk'ayewal pa kiwi' ri winaqi' ri'.

Ez 46:21

Xeri' xiruk'uaj-el chuwa-jay ri rusutin-rij ri rachoch ri Dios y xintz'et chi pa taq kaji' ruxikin, k'o jujun chik taq ruwa-jay. Y chikijujunal kablajuj jaj raqen y beleje' jaj ruwech.

Wuj Richin ri Zacarías 14:20

Chupan k'a ri ruq'ijul ri', kan k'o k'a ri xtibetz'ibex chikiwech ri taq klun ri nitzeqe' chikiqul ri kiej, y kere' nubij: Kan Ch'aron Chire ri Jehová. Y chuqa' xtitz'ibex chuwech ri bojo'y ri nikusex chupan ri rachoch ri Dios, y chuqa' chikiwech ri nima'q taq leq ri ye'ukusex chuwech ri porobel.

Ex 29:31

Xeri' xtabek'ama' k'a pe ri ruwa-ruk'u'x y ri racheq ri karne'l ri xasiloj chinuwech yin y xtaroqowisaj chiri' chuwa-jay, ri akuchi ch'aron-wi richin niroqowisex ri q'utun, toq k'o jun ri nok kan pa samaj.

Wuj Richin ri Chojmirisabelri'il 2:1

Y chuqa' xubij ri Jehová: Toq k'o jun wineq nusuj chuwe jun sipanik ri banon rik'in jalajoj ruwech ixin, k'o chi nuk'en-pe ri k'ej chayun y xolon rik'in aceite, y xtuya' pom pa ruwi'.

Wuj Richin ri Chojmirisabelri'il 2:3

Y ri nik'oje' kan chire ri sipanik ri man xporox ta, xtok kichin ri e sacerdote. Y re' kan jun sipanik ch'aron roma xelesex-el juba' chire richin xporox chinuwech yin.

Wuj Richin ri Chojmirisabelri'il 2:10

Y ri xtik'oje' kan chire ri sipanik ri man xporox ta, xtok kichin ri e sacerdote, y re' kan jun sipanik ch'aron roma xelesex-el juba' chire richin xporox chinuwech yin.

Ez 46:24

K'ari' ri achin xubij chuwe: Ri samajela' richin ri rachoch ri Dios, ja re wawe' nikiroqowisaj-wi ri ti'ij kichin ri chikopi' ri xtikisuj ri winaqi', xcha' chuwe.