Ez 46:16 - Kaqchiquel Bible

¹⁶ Yin Jehová ninbij: Wi ta ri q'atoy-tzij nusipaj juba' ulew chire jun ralk'ual, re ulew re' kan xtok k'a richin ri alk'ualaxel ri' y kan xtok chuqa' kichin ri e rijatzul.

Ez 46:16 ပူးပေါင်းရင်းမြစ်များ

2 Crón 21:3

Ri Josafat kan k'iy k'a sipanik ruya'on kan chike ri ralk'ual: Ri q'anapueq, ri saqipueq y ch'aqa' chik ri kan k'o rejqalen; chuqa' ruya'on kan chike tinamit ri kan jebel tz'apen-kij chi tz'aq ri ek'o chiri' pa Judá, jak'a ri q'atbel-tzij kan chire ri Joram ruya'on-wi kan roma ja rija' ri nabey ruk'ajol.

Gálatas 4:7

Rik'in k'a ri' niq'alajin chi kan oj ralk'ual wi ri Dios, y man ojk'o ta chik chuxe' ri pixa'. Y roma oj ralk'ual chik ri Dios, niqichinaj ri nuya' rija'.

San Lucas 10:42

Jak'a xaxe jun ri más nik'atzin y más utz, y jari' ri xucha' ri María. Y ri xucha' rija', man jun xtelesan chire, xcha'.

San Mateo 25:34

Y jari' k'a toq yin ri in rey xtinbij chike ri ek'o pa wijkiq'a': Kixanpe k'a rix, ri ik'ulun chik ri rutzil ri nata' Dios; kixk'oje' k'a pan ajawaren ri kan iwichin wi rix toq rubanon pa rutikeribel richin re ruwach'ulew.

Wuj Richin Bix Chire ri Dios 37:18

Ri Jehová kan e ruchajin k'a ri choj kik'aslen. Ri kichinan rije' kan man k'isel ta, xa richin q'asen.

Ez 45:7

Chuqa' xtich'er kan juba' ulew kichin ri e tata'al y re ulew re' xtusutij-rij ri ulew ri wichin yin Jehová, y ri ulew ri richin ri tinamit. Nuchop-pe ri pa ruxikin, ri k'o pa qajbel-q'ij, niq'ax chuchi' ri ulew ri richin ri tinamit, k'ari' niq'ax pa ruxikin ri ulew ri k'o pa relebel-q'ij; kan chi oxi' k'a ruxikin xtiq'ax-wi.