Ez 46:12 - Kaqchiquel Bible

¹² Toq ri q'atoy-tzij nalex-pe pa ránima richin nuya' jun sipanik chuwe richin niporox jumul o richin niq'alajin chi junan ruwech wik'in, xtijaq k'a ri okibel ri k'o pa relebel-q'ij. Rija' k'o chi nok-apo ri chiri' y xtuya' k'a ri sipanik achi'el rubanik ri niban chire ri nuya' pa taq q'ij richin uxlanen. Y toq rija' nel chik el ri chiri', jari' toq nitz'apex chik kan ri okibel ri'.

Ez 46:12 ပူးပေါင်းရင်းမြစ်များ

Ez 45:17

Y ri q'atoy-tzij ri' ja rija' ri nijachon ri chikopi' richin yeporox y ri k'atzinel ri nuk'uaj ri sipanik richin jalajoj ruwech ixin y ri vino ri nikusex pa nimaq'ij richin k'ak'a' ik', pa taq q'ij richin uxlanen y ri k'atzinel pa taq jalajoj ruwech nimaq'ij ri niban pa ruwach'ulew Israel. K'o chi nujech-apo ri kamelabel richin kuyubel-mak, ri sipanik richin jalajoj ruwech ixin, ri chikop ri niporox jumul y ri sipanik ri niq'alajirisan chi junan iwech wik'in. Y keri' nink'en chik iwech.

Ez 46:8

Y toq ri q'atoy-tzij xtok-apo pa ruwa-jay, k'o chi nok-apo pan okibel ri k'o pa relebel-q'ij y k'o chi chiri' xtel-wi-pe.

Ez 44:3

Xa kan xaxe ri q'atoy-tzij ri xtok-apo chiri', richin chi niberutija-pe ri xtisuj chuwe. Y toq xtok-apo pa wachoch, rija' k'o chi nok-apo chupan ri okibel ri'. Y chuqa' toq xtel-pe, k'o chi nel-pe ri chiri', xcha'.

2 Crón 29:31

K'ari' ri Ezequías xubij: Rix ix ch'ajch'oj chik chuwech ri Jehová; wakami k'a kixanpe richin nisuj kamelabel richin matioxinik chire ri Jehová, pa rachoch, xcha'. Y ri winaqi' kan keri' xkiben, y chuqa' konojel ri k'o kikoten pa taq kánima xekik'en-pe chikopi' richin xeporox chijun.

Wuj Richin ri Chojmirisabelri'il 23:38

Pa ruwi' ronojel ri sipanik ri' k'o chi nisuj ri sipanik richin ri q'ij richin uxlanibel, ri sipanik roma ri ibin chi niben y ri sipanik richin matioxinik ri nalex-pe pan iwánima richin niya' chuwe.

Efesios 5:2

Kan qojajowan k'a achi'el chuqa' xojrajo' ri Cristo; rija' ruyon xusuj-ri' pa kamik qoma roj, achi'el xban toq xesuj ri sipanik y ri kamelabel. Y ri Dios yalan xqa' chuwech chi keri' xuben ri Cristo.

Romanos 12:1

Wach'alal, roma janila nim ri rutzil ri Dios ri rubanon qik'in, achi'el ri k'a juba' tiqanataj-qa, nink'utuj utzil chiwe chi tijacha' ri ik'aslen pa ruq'a' rija', achi'el jun kamelabel ri kan k'es, loq'olej y kan niqa' chuwech ri Dios. Keri' nik'atzin richin niya' ruq'ij.

Wuj Richin ri Esdras 6:17

Y chupan ri nimaq'ij ri' toq xk'achoj ri rachoch ri Dios, xkisuj k'a wok'al nima-alaji' achija' taq wákix, 200 achija' taq karne'l y 400 alaji' achija' taq karne'l. Y richin kuyubel-mak, xkisuj kablajuj achija' taq tzuntzun richin chikijujunal ri tzobaj richin ri tinamit Israel.

Wuj Richin ri Esdras 3:5

Y man xaxe ta k'a keri', xa kan jantape' xkiporoj ri chikop ri richin q'ij-q'ij, ri nimaq'ij richin toq nalex ri ik' y ri ch'aqa' chik nimaq'ij toq nikiya' ruq'ij ri Jehová. Y chirij k'a ronojel re' xkisuj kamelabel rik'in ronojel kánima.

Wuj Richin ri Esdras 1:4

Iwonojel k'a rix ri man yixtzolin ta chik ri xabakuchi ixk'o-wi, kixto'on k'a kik'in ri iwinaq ri yetzolin. Kixto'on-el rik'in saqipueq, q'anapueq y ri achike nik'atzin chike, chuqa' rik'in kawej. Y man xaxe ta k'ari', chuqa' tiya-el rik'in ronojel iwánima sipanik richin ri rachoch ri Dios, ri k'o pa Jerusalem, xcha-el chupan ri wuj.

2 Crón 5:6

Ri rey Salomón y konojel ri ruwinaq ri kimolon-apo-ki' rik'in chuwech-apo ri káxa, xekikamisaj k'a richin kamelabel; kokoj y nima'q taq kawej, y roma kan janila e k'iy man chik tikirel ta chik chi xe'ajlex.

1 Crón 29:21

Ri jun chik q'ij ri winaqi' xekikamisaj 1,000 nima-alaji' achija' wákix, 1,000 achija' karne'l y 1,000 nima-alaji' achija' taq karne'l. Xekisuj ronojel re' richin niqa' chuwech ri Jehová, y chuqa' ri vino.

1 Rey 3:4

Y rija' kan k'a pa Gabaón k'a nibe-wi richin niberusujula' ri kamelabel pa ruwi' ri juyu' ri k'o más rejqalen. Xeruporola' k'a janila chi chikopi' richin xusuj chuwech ri Dios.

Wuj Richin ri Q'axanri'il 29:39

Jare' ri sipanik ri ruk'amon chi niya' chuwe. Chuqa' k'o ri sipanik toq k'o nisuj chuwe richin niben y ri sipanik ri nalex-pe pan iwánima, xcha' ri Jehová.

Wuj Richin ri Chojmirisabelri'il 7:16

Jak'a ri kamelabel ri rusujun chi nuben o jun kamelabel richin ri nalex-pe pa ránima jun wineq, utz nitij ri ti'ij chupan ri q'ij toq nisuj, y wi man nik'is ta, utz nitij ri jun chik q'ij.

Wuj Richin ri Chojmirisabelri'il 1:3

Wi k'o ta jun wineq ri nusuj jun wákix richin niporox chijun, k'o chi jun achij ri kan tz'aqet, y k'o chi xtusuj chiri' chuchi' ri wachoch,

Ez 44:1

Chirij ri' ri achin xiruk'uaj chik el pan okibel ri k'o chirij el ri rachoch ri Dios ri nitzu'un pa relebel-q'ij y ri' tz'apen kan.