Ez 46:1 - Kaqchiquel Bible

¹ Yin Jehová ninbij: Ri okibel ri k'o pa relebel-q'ij chire ri ruwa-jay ri k'o chunaqaj ri wachoch, xtitz'ape' ronojel q'ij, jak'a xtijaqe' chupan ri q'ij richin uxlanen. Y chuqa' xtijaq toq ninimaq'ijux ri q'ij richin ri k'ak'a' ik'.

Ez 46:1 ပူးပေါင်းရင်းမြစ်များ

Wuj Richin ri Isaías 66:23

Xtibanatej k'a chi ronojel ik' y q'ij richin uxlanen, kan konojel k'a winaqi' richin chijun ruwach'ulew xkepe richin nokiya' nuq'ij. Yin Jehová ri yibin.

Ex 20:9

Waqi' k'a q'ij k'o richin niben ri isamaj y chupan ri q'ij ri' tibana' kan ronojel.

San Lucas 13:14

Jak'a ri aj-raqen chupan ri jay ri richin molojri'il, janila xoyower roma ri Jesús xuk'achojirisaj ri ixoq chupan ri uxlanibel-q'ij. Roma ri' xubij chike ri winaqi' ri kimolon-ki' chiri': K'o waqi' q'ij richin yojsamej y jun k'a chike ri q'ij ri', kixpe richin yixk'achojirisex, jak'a man ja ta re q'ij re', xcha'.

Ez 46:6

Ri q'ij toq ninimaq'ijux toq nalex ri k'ak'a' ik' ri', ri q'atoy-tzij k'o chi nuk'en-pe jun nima-alaj achij wákix, waqi' alaji' karne'l y jun achij karne'l ri kan tz'aqet.

Ez 8:16

Y xiruk'uaj chik el pa ruwa-jay richin ri rachoch. Y ri akuchi niban-wi oken chire ri jay ri' ri chiri' chuwa-jay chunaqaj ri porobel, xentz'et jubama e juwineq wo'o' achi'a' ri kiya'on kan kij chuwech ri rachoch ri Jehová. Y yetzu'un k'a kela' pa relebel-q'ij y kilukuban-qa-ki' k'a pan ulew richin nikiya' ruq'ij ri q'ij.

Wuj Richin ri Rutikeribel 3:19

Xkatz'oqpin na k'a chubanik ri asamaj richin xtach'ek ri achike ri xtik'atzin chawe, k'a toq xkatok chik jun bey ulew ri achoq ik'in xatinben-wi; roma kan at ulew-wi, y kan keri' xkatok chik jun bey, xcha'.

1 Crón 9:18

Y ja rije' ri xechajin ri ruchi' rubini'an Ri Akuchi Nok-apo ri Rey, ri k'o pa relebel-q'ij chire ri rachoch. Chikikojol ri e levita, ja rije' xechajin ri ruchi' ri rachoch ri Dios.

Ez 10:3

Y ri querubín e pa'el k'a pa rijkiq'a' ri rachoch ri Jehová toq ri tz'ibanel xok-apo. Y chuqa' xpe k'a ri sutz' y xnojisaj ri ruwa-jay.

Ez 40:19

Xiqaqa-qa k'a pa grada ri ek'o-pe chuwech ri jay ri k'o pa relebel-q'ij chire ri ruwa-jay. Y k'ari' choj xibiyin richin xinapon pan okibel richin ri ko'ol ruwa-jay. K'ari' xibe-q'anej pa grada ri ek'o chiri'. K'ari' ri achin ri' xretaj ri rukojol ri ka'i' okibel y juwineq lajuj jaj ruk'uan. Chirij k'a ri' xibe pa xaman chire ri nima-ruwa-jay.

Ez 43:1

Y ri achin xiruk'uaj chik k'a pan okibel richin ri tz'aq ri nitzu'un pa relebel-q'ij.

Ez 46:3

Ri pa taq q'ij richin uxlanen y pa taq nimaq'ij richin ri k'ak'a' ik', ri winaqi' k'o chi nikiya' nuq'ij chiri'.

Ez 46:12

Toq ri q'atoy-tzij nalex-pe pa ránima richin nuya' jun sipanik chuwe richin niporox jumul o richin niq'alajin chi junan ruwech wik'in, xtijaq k'a ri okibel ri k'o pa relebel-q'ij. Rija' k'o chi nok-apo ri chiri' y xtuya' k'a ri sipanik achi'el rubanik ri niban chire ri nuya' pa taq q'ij richin uxlanen. Y toq rija' nel chik el ri chiri', jari' toq nitz'apex chik kan ri okibel ri'.