Ez 45:9 - Kaqchiquel Bible

⁹ Yin Jehová ninbij: Rix ri ix q'atoy taq tzij richin ri Israel, man chik ke'iben ch'a'oj ni man chik tiben chike richin nikitej poqon ri nuwinaq. Xa kan tibana' ronojel pa ruchojmilal y rik'in ruch'ajch'ojil. Man chik timej kulew ri nutinamit.

Ez 45:9 ပူးပေါင်းရင်းမြစ်များ

Wuj Richin ri Achin Job 20:19

Roma rija' kan xuben chike ri winaqi' ri man jun k'o kik'in chi nikitej poqon. Xa xerumajla' jay, pa ruk'exel chi xerubanala' ta q'anej richin rija'.

Wuj Richin ri Achin Job 22:9

Y toq ri ixoqi' malkani' xbekik'utuj to'onik chawe, kan man jun xaya' pe chike, kan xaben chike ri meba'i' ak'uala' chi xkitej poqon.

Wuj Richin ri Isaías 1:17

Tiwetamaj niben ri utz. Kan titija' iq'ij richin nikanoj ri ruchojmilal. Kan ke'ito' ri yetz'ilox. Kan tibana' pa ruchojmilal kik'in ri meba'i'. Y kan ke'ito' ri malkani' toq ek'o chuwech ri q'atbel-tzij.

Wuj Richin ri Jeremías 22:3

Kere' nubij ri Jehová: Tiq'ata-tzij pa ruchojmilal y tikolo' ri nitz'ilox roma jun chik wineq y man ke'iq'ol. Man kixeleq' kik'in ri man e iwinaq ta, ni kik'in ri meba'i', ni kik'in ri malkani'. Chuqa' man ke'ikamisaj ri winaqi' ri xa maneq kimak.

Wuj Richin ri Jeremías 6:7

Chiri' kan nibulbu'x ri etzelal achi'el ri ya' toq nibebulbu'x-pe chupan jun alaxibel-ya'. Ri chiri' xa kan xaxe chik kamik ri nibanatej y ri e sokotajineq kan chiri' e punupuxineq-wi. Chuqa' man jun bey yeban ri ruchojmilal, xa kan xaxe chik eleq' ri yeban.

Ez 44:6

Taya' re rutzijol re' chike ri awinaq israelita roma rije' e yakatajineq chuwij. Y jare' k'a ri rutzijol: Kixtane' chubanik ri itzel taq ibanobal rix winaqi' israelita.

Ez 7:11

Ri kamik kan k'iy k'a ruk'ayewal ruk'amon-pe, achi'el jun che' ri nuya' k'iy ruwech y roma ri' kan jujik chi re wululen re' kan xtipe. Xa kan man jun k'a ri xtik'oje', ni ta ri beyomel, ni ta ri k'o rejqalen.

Ez 7:23

Ke'inaba' k'a cadena richin yixxime', roma chupan ronojel ri ruwach'ulew y ri pa tinamit janila kamik ri yebanatej.

Ez 8:17

K'ari' ri Jehová xubij chuwe: Rat Ezequiel, tatz'eta' k'a la nikiben ri awinaq. Rije' kan man nikibij ta chi ri nikiben jun mak. Chuqa' rije' kan e jaqatajineq chupan ri ruwach'ulew richin nikiben etzelal y kan kiyakon k'a janila woyowal.

Am 5:15

Rix ri ix rijatzul kan ri José, tiwixowaj ri itzel y tiwajo' ri utz. Kan tik'oje' ruchojmilal chikiwech ri to'onela'. Wi keri' xtiben, rik'in juba' xtinjoyowaj iwech yin Jehová ri Dios ri k'o ronojel uchuq'a' wik'in ri yibin.

Am 5:24

Yin ninwajo' chi man kixtane' chubanik ri ruchojmilal, achi'el jun raqen-ya' ri chaq palik nibiyin, y man jun bey nipa'e-qa. Kan ta palik utz niben achi'el ri raqen-ya' ri man jun bey nichaqi'j-qa.

Wuj Richin ri Miqueas 2:9

Rix kan ye'iwelesaj-el ri ixoqi' chupan ri kachoch ri akuchi janila yekikot-wi; y ri ruk'amon ta richin nikichinaj kan ri taq kal, rix niweleq'aj kan chike.

Wuj Richin ri Miqueas 6:10

Rix ri ix banoy etzelal k'o janila chi beyomel iwik'in, y man ich'akon ta rik'in ruchojmilal. Rix nikusaj jun k'ojelibel ri man tz'aqet ta richin yixk'ayin. Y re' kan man utz ta nintz'et yin.

Wuj Richin ri Zacarías 7:9

Yin Jehová k'iytisanel richin ronojel ri yibin. Toq xtiq'et-tzij, kan tibana' k'a pa ruchojmilal. Kan xkixajowan k'a y tik'oje' k'a joyowanik chi'ikojol.

Wuj Richin ri Zacarías 8:16

Jare' ri rubanik ri k'o chi niben: Kixch'on qitzij kik'in ri iwachpochel. Tiq'ata-tzij pa ruchojmilal, richin keri' xtik'oje' ta uxlanenri'il pa taq q'atoj-tzij.

San Lucas 3:14

Chuqa' ek'o ka'i-oxi' aj-labal, xkik'utuj-apo chire: Roj, ¿achike ruk'amon chi niqaben?, xecha'. Ri Juan xubij chike: Man jun tiwelesaj chuwi kiq'a' ri winaqi', xaxe roma k'o q'atbel-tzij pan iq'a'. Ni man jun achike ke'iq'abala' chikij winaqi'; xa kan kixkikot rik'in ri nich'ek, xcha' chike.

1 Pedro 4:3

Xa man chik k'a tiben banobel ri xe'iben ojer kan, toq xa kan man xixk'ix ta xe'ibanala' ronojel ruwech etzelal. Kan xiben k'a ronojel ri xirayij, xixq'aber, xe'ibanala' nima'q taq wa'in richin xitej ya' y xiyala' kiq'ij ch'aqa' chik dios ri xa e banon.