Ez 45:22 - Kaqchiquel Bible

²² Chupan k'a ri q'ij ri' ri q'atoy-tzij xtuk'en-pe jun nima-alaj achij wákix richin jun kamelabel richin kuyubel-mak richin rija' y konojel ri winaqi' israelita.

Ez 45:22 ပူးပေါင်းရင်းမြစ်များ

Ez 46:4

Ri kajlabal ri chikopi' ri k'o chi nuk'en-pe ri q'atoy-tzij chupan ri q'ij richin uxlanen richin yeporox jumul, ja ri waqi' karne'l ri k'o jun kijuna' y jun achij karne'l ri kan tz'aqet.

Wuj Richin ri Chojmirisabelri'il 16:5

Y ri awinaq israelita k'o chi nikik'en-pe ka'i' achija' tzuntzun y nikijech chire ri Aarón, richin kamelabel richin nikuyutej kimak, y jun achij karne'l richin niporox chijun.

Wuj Richin ri Chojmirisabelri'il 4:13

Jak'a wi konojel ri winaqi' israelita xkiq'ej ruwi' ri nupixa' y man xkinabej ta chi man utz ta ri xkiben, re' kan xemakun k'a chinuwech.

Wuj Richin ri Chojmirisabelri'il 4:14

Jak'a toq xtikinabej chi e makuwineq, k'o chi nikisuj jun nima-alaj achij wákix richin kuyubel-mak, y nikik'uaj pa wachoch.

Wuj Richin ri Chojmirisabelri'il 4:21

Y ri nik'oje' kan chire ri wákix nrelesaj-el chirij ri akuchi ek'o-wi-qa, y chiri' xtikiporoj achi'el ri kiporon nabey. Rik'in ri' xtikuyutej ri kimak ri tinamit.

San Mateo 20:28

Yin, ri xiqaqa-pe achi'el wineq chi'ikojol, man ninpoqonaj ta yisamej koma ri ch'aqa' chik, roma xa kan richin ri' toq xipe. Jak'a yin ri yiya'on ri nuk'aslen richin keri' e k'iy ri yekolotej, xcha' ri Jesús.

2 Corintios 5:21

Ri Cristo kan man jun bey k'a xmakun, jak'a kan xban chire roma ri Dios chi achi'el xa ta jun aj-mak, richin chi qonojel roj yojk'ulun ta chuwech ri Dios chi man jun qamak.