Ez 44:5 - Kaqchiquel Bible

⁵ K'ari' ri Jehová xubij chuwe: Rat Ezequiel, kan tajaqa' jebel ri runaq' taq awech y tawak'axaj jebel ronojel ri xtinbij chawe chirij ri ruchojmilal richin ri wachoch. Kan tatz'eta' k'a jebel ri achike ruk'amon ri ye'el-ye'ok chupan ri wachoch.

Ez 44:5 ပူးပေါင်းရင်းမြစ်များ

Ez 40:4

Y ri achin ri' xubij chuwe: Rat Ezequiel, kan tatz'eta' y tawak'axaj jebel ronojel ri nink'ut chawech. Taya' k'a axikin y kan taya' awech chire, roma xa kan richin ri' ri at k'amon-pe re wawe'. Y xeri' xtabebij ronojel chike ri awinaq israelita.

Deut 32:46

xubij k'a chike konojel: Kan tiya' k'a rejqalen ronojel re xinbij chiwe re wakami, richin yixtikir nibij chike ri iwalk'ual chi tikitaqej ronojel ri nubij re pixa' re'.

Deut 12:32

Kan tibana' k'a ronojel ri xinbij chiwe y man tiya' ruwi', ni man jun tiwelesaj kan chire.

Hechos 8:36

Jak'a toq xe'apon ri akuchi k'o ya', ri achin ri' xubij k'a chire ri Felipe: Wawe' k'o ya'. ¿K'o ta kami ri nibanon chuwe chi yin man ta utz chi niqasex-ya' pa nuwi'?, xcha'.*f21*

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

Dn 10:12

K'ari' xubij chuwe: Daniel, man taxibij-awi', roma kan chupan k'a ri q'ij toq rat xpe pan awánima chi naqasaj-awi' chuwech ri Dios, y yach'on rik'in richin nawetamaj, kan ja k'a q'ij ri' toq xak'axex ri ach'owen, y jari' toq yin xipe awik'in.

Wuj Richin Etamabel-Tzij 24:32

Y toq yin xintzu' re', ri wánima kan janila k'a xuch'ob rij, xintzu' k'a ri rubanon ri ulew y kan k'o k'a ri xuk'ut chinuwech.

Wuj Richin Bix Chire ri Dios 119:4

Jehová, rat kan aya'on k'a ri apixa', kan xachilabej k'a chi kan titaqex rubanik achi'el ri nubij.

2 Crón 11:16

Toq ri e sacerdote y ri e levita xe'el-pe pa ruwach'ulew Israel, chuqa' konojel ri winaqi' israelita ri kan rik'in ronojel kánima nikikanoj ri Jehová, xepe pa Jerusalem junan kik'in rije', richin nikisuj kamelabel chuwech ri Jehová, ri ki-Dios y ri Dios kichin ri kite-kitata'.

1 Crón 22:19

Roma ri' kan rik'in k'a ronojel iwánima y rik'in kikoten, tikanoj ri Jehová ri qa-Dios. Xtipaba' k'a q'anej ri rachoch ri Dios richin xtibeq'axex-pe ri káxa richin ri rujikibel-tzij chiri', y chuqa' ronojel ruwech samajibel ri e ch'aron richin ri jay ri', xcha'.

Ex 9:21

Jak'a ri aj-raqen, ri aj-Egipto, ri man xeniman ta chire ri ruch'abel ri Jehová, xa xekiya' kan ri kawej y ri kisamajela' ri pa taq juyu'.

Ez 42:9

Y ri akuchi niban-wi oken chire ri jay ri', pa ruwa-jay ri kere' pa relebel-q'ij.

Ez 46:19

Xeri' ri achin ri xuk'ut ri rachoch ri Dios chinuwech, xiruk'uaj-el pa xokon chire ri ruwa-jay ri k'o chunaqaj ri jay ri'. Y xuk'ut k'a chinuwech ka'i' chik jay ri ek'o pa ruxikin chike ri kachoch ri sacerdote.

Ez 47:6

K'ari' xubij chuwe chi kan tintz'eta' jebel. Y chirij ri' xuben chuwe richin xitzolej chik chuchi' ri raqen-ya' ri'.

Wuj Richin Bix Chire ri Dios 24:3

¿Achike ta k'a xtitikir xtijote' pa ruwi' ri juyu' richin ri Jehová? ¿Achike kami xtitikir xtapon ri k'a akuchi k'o-wi rija'?