Ez 44:30 - Kaqchiquel Bible

³⁰ Ri sacerdote kan xtikik'ul chuqa' ri nabey jebelej ruwech tiko'n y xtikik'ul chuqa' ronojel sipanik. Ri nabey taq q'or*f13* richin ri ikaxlan-way xtiya' k'a chike rije'. Wi keri' xtiben, kan xtik'ul k'a urtisanik pa taq iwachoch.

Ez 44:30 ပူးပေါင်းရင်းမြစ်များ

2 Crón 31:10

Y ri nimalej sacerdote Azarías, ri rijatzul kan ri Sadoc, xubij chire: Toq ri winaqi' xkichop nikik'en-pe ri kuchuj chupan ri rachoch ri Jehová, kan k'o k'a k'iy ri niqatej y kan k'a pa ruk'iyal na k'a ri nik'oje' kan, roma ri Jehová kan ruya'on urtisanik pa qawi' roj ri oj rutinamit, xcha'.

Deut 18:4

Chuqa' k'o chi nikik'ul ri nabey taq ruwech tiko'n richin ri jalajoj ruwech ixin, ri vino, ri aceite y ri nabey rusumal ri karne'l ri nisokaj-el.

Santiago 1:18

Y rik'in ri rurayibel rija' xuya' jun k'ak'a' qak'aslen toq xqakuquba' qak'u'x rik'in ri qitzij ruch'abel. Xuben keri' richin chi ja roj ri xojok achi'el ri nabey taq kiwech tiko'n ri ye'uk'uex-apo chire rija'.

Ex 23:19

Xtik'en k'a pe chupan ri wachoch yin, ri Jehová ri i-Dios, ri nabey jebelej taq ruwech ri itiko'n. Y ri rutijul jun ti alaj tzuntzun, man jun bey tiroqowisaj chupan ri tz'umaj ri richin ri rute'.*f9*

Ex 22:29

Man tiq'ax ri q'ij richin nik'en-pe chuwe ri nabey taq ruwech ri itiko'n, ri nabey taq vino y chuqa' ri nabey ik'ajol kan xtik'en-pe chuwe yin.

Ex 13:12

jari' toq xkeqaya' chire ri Jehová ri e nabey taq qak'ajol y chuqa' ri e nabey taq kal ri qawej, ri e achija'.

Ex 13:2

Kan ke'ich'ara' k'a chuwe yin konojel ri e nabey taq al alaboni' ri ye'alex chikikojol ri awinaq y kan keri' chuqa' ri nabey taq achija' ri ye'alex chikikojol ri awej, roma re' kan e wichin yin, xcha' ri Jehová.

Romanos 11:16

Xa kan e achi'el k'a ri nabey sipanik ri nel chire ri ke'en ri richin ri kaxlan-wey ri nikiya' chire ri Dios. Roma ri nabey chire ri ke'en ri' kan loq'olej wi, keri' chuqa' ri ch'aqa' chik ke'en. Y wi ta jun wineq nusuj jun ruxe' che' chire ri Dios, xa kan ronojel ri ruq'a' ri che' ri' nok loq'olej richin ri Dios.