Ez 44:3 - Kaqchiquel Bible

³ Xa kan xaxe ri q'atoy-tzij ri xtok-apo chiri', richin chi niberutija-pe ri xtisuj chuwe. Y toq xtok-apo pa wachoch, rija' k'o chi nok-apo chupan ri okibel ri'. Y chuqa' toq xtel-pe, k'o chi nel-pe ri chiri', xcha'.

Ez 44:3 ပူးပေါင်းရင်းမြစ်များ

Wuj Richin ri Rutikeribel 31:54

Ri Jacob xerukamisaj awej chiri' richin xuben kamelabel chiri' pa ruwi' jun juyu' y xeroyoj k'a ri Labán y ri ruwinaq richin xkitej kiway junan, y chiri' xkiq'axaj-wi ri aq'a' ri'.

2 Rey 16:18

Keri' chuqa' xrelesaj-el ri ruwi-jay ri banon rik'in tzieq ri nik'atzin chupan ri q'ij richin uxlanen, ri k'o chuwech-pe ri rachoch ri Dios. Xrelesaj chuqa' ri ruchi-jay ri akuchi nel-nok ri rey. Xuben ronojel re' richin xkikot ri rey richin Asiria rik'in.

2 Crón 23:13

Jari' toq xutz'et-apo chi ri rey pa'el rik'in ri pilar ri k'o-pe chuwech ri jay, y pa kinik'ajal ri e tata'al y ri yeq'ojoman. Y ri winaqi' janila yekikot y nikixupuj trompeta, y ri q'ojomanela' nikiq'ojomaj jalajoj ruwech q'ojom richin yebixan konojel. Jari' toq ri Atalía xuretz ri rutziaq y xsik'in y xubij: ¡Xinkiq'ol! ¡Xinkiq'ol!, xcha'.

2 Crón 34:31

K'ari' ri rey xbepa'e' rik'in ri pilar ri akuchi nipa'e-wi jantape' richin xujikiba' rutzij chuwech ri Jehová. Xujikiba' k'a chi kan choj xtibebiyin chuwech y kan rik'in ronojel ránima y ronojel ruk'u'x xtutaqej ronojel ri rupixa' ri ruya'on chire ri tinamit, y kan xtuben k'a achi'el ri tz'ibatajineq kan chupan ri wuj ri'.

Wuj Richin ri Isaías 23:18

Jak'a ronojel ri xtikich'ek chirij ri kik'ayij, xtikijech-apo chire ri Jehová. Man xtikiyek ta qa chupan ri kiyakonabal. Xa kan xtitalux k'a chike konojel ri yesamajin richin ri Jehová, richin xtikiloq' pa ruk'iyal ri kiway y jebelej taq tzieq.

Wuj Richin ri Isaías 62:9

Jak'a kan ja ri xketikon-qa ri trigo, jari' ri xketijo, y kan xtikiya' ruq'ij ri Jehová. Chuqa' ja ri xketikon-qa ri uva, ja rije' ri xkequmun ri vino chiri' chuwa-jay chire ri rachoch ri Dios.

Ez 34:24

Yin Jehová xkinok i-Dios y ri rijatzul kan ri David ri' xtok aj-raqen pan iwi'. Yin Jehová ri yibin ronojel re'.

Ez 37:25

Xkek'ase' k'a chupan chijun ri ruwach'ulew ri xinya' chire ri ánima Jacob, ri nusamajel y ri akuchi chuqa' xek'ase-wi ri iwati't-imama'. Kan chiri' k'a xkek'ase-wi richin jantape' ri winaqi' ri xtinmol kichi', ri kalk'ual y ri kijatzul. Keri' xtikiben toq ri rey ri achi'el ri David ri nusamajel xtok aj-raqen pa kiwi' richin jantape'.

Ez 40:9

Y toq yatel-pe chupan ri jay ri', ri chiri' k'o jun pilar pa rajxokon y jun pa rijkiq'a'. Y re pilar re' wo'o' q'a'aj kipan.

Ez 46:12

Toq ri q'atoy-tzij nalex-pe pa ránima richin nuya' jun sipanik chuwe richin niporox jumul o richin niq'alajin chi junan ruwech wik'in, xtijaq k'a ri okibel ri k'o pa relebel-q'ij. Rija' k'o chi nok-apo ri chiri' y xtuya' k'a ri sipanik achi'el rubanik ri niban chire ri nuya' pa taq q'ij richin uxlanen. Y toq rija' nel chik el ri chiri', jari' toq nitz'apex chik kan ri okibel ri'.

Ez 46:2

Chupan ri q'ij ri', ri q'atoy-tzij k'o chi nok-apo chupan ri okibel ri' y xtipa'e-el rik'in ri jun che' ri chapayon ri okibel. Rokik ri' ri sacerdote xtikiporoj ri chikop ri xtiporox jumul y chuqa' ri kamelabel richin niq'alajin chi junan ruwech wik'in. Ri q'atoy-tzij k'o chi nuya' nuq'ij chiri' pan okibel y xeri' nel-el chiri'. Jak'a man xtitz'ape' ta chijun ri q'ij ri'.

Deut 12:7

Kan xkixwa' k'a chiri' chuwech ri Jehová ri qa-Dios; kan xkixkikot k'a chi achijlonel, ixjayilonel y alk'ualaxel, roma ronojel ri samaj ri xiben, ri achoq pa ruwi' xuya-wi urtisanik rija'.

Apocalipsis 3:20

Roma yin kan jare' k'a ink'o chik chuchi' ri iwachoch y yinoyon chik apo. Achike k'a ri xtak'axan-pe wichin y nujeq ri ruchi' jay chinuwech, xkinok-apo rik'in, xkiwa' rik'in y rija' xtiwa' wik'in yin.