Ez 44:19 - Kaqchiquel Bible

¹⁹ Y toq ye'el-el chuwa-jay ri k'o chirij el ri akuchi ek'o-wi kan ri winaqi', k'o chi nikelesaj kan ri tzieq ri xkikusaj chupan ri samaj richin ri wachoch y nikikusaj chik el jun kitziaq richin chi man nipe ta jun ruk'ayewal pa kiwi' ri winaqi' ri'.

Ez 44:19 ပူးပေါင်းရင်းမြစ်များ

Ez 46:20

Y xubij chuwe chi ri sacerdote k'o chi chiri' nikiroqowisaj-wi ri ti'ij kichin ri chikopi' ri yesuj richin kamelabel richin kuyubel-mak, richin ch'a'oj y ri sipanik richin jalajoj ruwech ixin. K'o chi chiri' nikiroqowisaj-wi ri ti'ij richin man nikelesaj ta el ri chuwa-jay akuchi ek'o-wi ri winaqi', richin man jun xtikik'uluwachij ri winaqi' ri'.

Wuj Richin ri Chojmirisabelri'il 6:27

Y wi k'o ta jun chik nichapo ri ruch'akul ri chikop, kan k'o k'a ri man utz ta nuk'en-pe chire. Y wi k'o jun nitzopin ri kik' chirij ri rutziaq, k'o chi xtuch'ej ri akuchi cha'on-wi.

Ex 30:29

Rik'in k'a re' xke'ajech pa nusamaj ri samajibel. Y wi re samajibel re' nikitun ta apo ki' rik'in xabachike, kan nikiben chire chi chuqa' nok wichin yin.

Ex 29:37

Chi wuqu' q'ij k'a xtaporoj ri kamelabel ri', richin keri' ri porobel kan xtok k'a wichin yin. Y roma ri' toq re porobel re' nutun ta apo ri' rik'in xabachike, kan nuben chire chi chuqa' nok richin ri Dios.

Wuj Richin ri Chojmirisabelri'il 16:4

Ri nabey, ri k'o k'a chi nuben ri Aarón, ja ri natin, y k'ari' nukusaj ri rutziaq ri kan ch'aron richin pa nusamaj, ri e banon rik'in lino: Ri rupan rutziaq, ri nim raqen rutziaq, ri ximibel-rupan y ri kuchubel-rujolon retal ri rusamaj.

Wuj Richin ri Chojmirisabelri'il 16:23

K'ari' ri Aarón nitzolin chik apo ri pa wachoch, y chiri' nrelesaj-wi kan ri rutziaq ri banon rik'in lino, ri xukusaj richin xok chupan ri akuchi k'o-wi ri káxa y chiri' nuyek-wi kan.

Wuj Richin ri Hageo 2:12

Wi k'o ta jun ri nuk'uaj chupan ri rutziaq, juba' ti'ij ri kan ch'aron chik y ri tzieq ri' chaq k'ate' xik'o-el rik'in jun kaxlan-wey, o jun q'utun chaq'arisan, ri vino, ri aceite, o xabachike na jun chik ri nitij, ronojel re', ¿xke'ok kami ch'aron chuqa'? Y ri sacerdote xkibij chi man keri' ta.

Wuj Richin ri Chojmirisabelri'il 6:3

O rik'in juba' ja rija' xilo ri rusachon jun chik wineq y man rubin ta chi rik'in rija' k'o-wi. Y xabachike k'a ri xtibanon kere', kan nimakun-wi.

Wuj Richin ri Chojmirisabelri'il 6:4

Wi ta k'o jun wineq nuben jun chike re mak re', k'o chi nutzolij ri ruk'amon-qa.