Ez 44:13 - Kaqchiquel Bible

¹³ Re winaqi' re' kan man e utz ta richin yesamej richin ye'ok sacerdote y chuqa' man e utz ta richin yekichop ri samajibel; k'atala' chik yekichop ri kan ch'aron chuwe yin. Kan k'o chi xtikejqalej ri ruk'ixbilal ri itzel taq kibanobal ri xekibanala'.

Ez 44:13 ပူးပေါင်းရင်းမြစ်များ

Wuj Richin ri Q'axanri'il 18:3

Roma ri' rije' kan k'o k'a chi nikiben ronojel ri nabij rat; kan tikibana' ri samaj chupan ri wachoch; jak'a man kejel-apo chupan ri jay akuchi man jun wineq nok-apo, roma kan ch'aron chuwe yin, y chuqa' man tikichop ri porobel-pom, richin chi man yeken ta rije' ni rix chuqa'.

2 Rey 23:9

Jak'a ri sacerdote ri' man xya'ox ta q'ij chike richin yesamej rik'in ri porobel richin ri Jehová ri k'o chiri' pa Jerusalem. Xaxe k'a ri ch'aron kaxlan-wey ri maneq ch'amilej-q'or rik'in ri xkitej, y junan yewa' kik'in ri ch'aqa' chik sacerdote.

Ez 36:7

Roma ri' yin Jehová ninya' k'a nutzij chi rije' kan xkek'ixbitej k'a.

Ez 32:20

Xa xtibekik'ulu' k'a ki' kik'in ri xekamisex pan oyowal. Ri espada kan banon chik rutzil, richin xkekamisex ri aj-Egipto junan kik'in ch'aqa' chik tzobaj winaqi'.

Ez 16:61

Chupan ri q'ij ri', kan xkenyek chik q'anej ri Sodoma y ri Samaria ri e awach'alal. Jak'a rat man xkatok ta chik achi'el kach'alal. Rat xa kan xkatok achi'el jun te'ej achi'el nubij ri jikibel-tzij. Y roma ri' xtik'oje' ak'ix roma ri itzel ri xe'aben.

Ez 16:63

Y chupan k'a ri q'ij ri' yin kan utz chik xkatintz'et rat Jerusalem. Y kan xtoqaqa chi'ak'u'x ri xaben y xtik'oje' ak'ix. Y kan man jun bey chik xtikijeq pa kichi' chawij. Ja yin Jehová ri yibin, xcha'.

Ez 39:26

Ri ojer kan toq rije' ek'o pa kiruwach'ulew man jun achike ninaqo kichin, rije' xkiben banobel ri man niqa' ta chinuwech y xinkimalij kan. Jak'a chupan ri q'ij ri' man xtikiben ta chik keri'.

Wuj Richin ri Jeremías 3:25

Qaqasaj k'a qi' rik'in k'ixbilal, roma xqaya-qi' pa k'ixbilal, roma kan ja toq k'a oj ak'uala' na y k'a re wakami, roj y ri e qati't-qamama' kan oj makuwineq-pe chuwech ri qajaw Dios y man qaniman ta pe rutzij, xecha' ri winaqi'.