Ez 44:1 - Kaqchiquel Bible

¹ Chirij ri' ri achin xiruk'uaj chik el pan okibel ri k'o chirij el ri rachoch ri Dios ri nitzu'un pa relebel-q'ij y ri' tz'apen kan.

Ez 44:1 ပူးပေါင်းရင်းမြစ်များ

Ez 43:1

Y ri achin xiruk'uaj chik k'a pan okibel richin ri tz'aq ri nitzu'un pa relebel-q'ij.

Ez 42:14

Toq ri e sacerdote ye'ok-apo pa rachoch ri Dios richin nibekibana' ri rusamaj rija', man chik ye'el ta pe chuwa-jay roma kikusan kitziaq richin rusamaj ri Dios, roma ri tzieq ri' kan ch'aron. Y richin chi ye'el-el ri akuchi ek'o-wi ri winaqi' kan k'o chi nikikusaj jun chik kitziaq.

Ez 40:17

Chirij ri' ri achin xiruk'uaj-el pa corredor y xojel-el chuwa-jay. Y ri chiri' losa ukusan chire ri rusutin-q'anej ruwech ri tz'aq y ri ruwech, wolajuj jaj y ri' k'o k'a pa xulan. Y yin xintz'et ri chiri' pa ruwi' ri losa ri' banon juwineq lajuj taq jay.

Ez 40:6

Xeri' ri achin ri' xbe-apo ri pan okibel ri k'o pa relebel-q'ij chire ri tz'aq y xbe-q'anej chupan ri jotolbel ri k'o chiri'. Chuwech-apo rija', k'o jun corredor ri nibe choj y k'o kablajuj jaj raqen. Pa rajxokon ri corredor, k'o oxi' taq jay y keri' chuqa' pa rijkiq'a' k'o oxi' taq jay. Y ri jay ri' kichin ri chajinela'. K'ari' rija' xretaj nabey ri e oxi' taq jay ri ek'o pa rijkiq'a'. Y ri raqen y ri ruwech chikijujunal ri jay ri', jun jaj rik'in nik'aj. K'ari' xretaj ri tz'aq ri k'o chukojol ri taq jay y ri rupimil ri tz'aq ri' k'o jun jaj rik'in wo'o' q'a'aj. Ri rupimil ri tz'aq ri k'o chikikojol ri ruchi' ri tz'aq rik'in ri nabey ti jay, k'o jun jaj rik'in nik'aj. Pa ruk'isibel chire ri corredor, ri rupimil ri tz'aq ri k'o chikikojol ri ruk'isibel ti jay rik'in ri okibel ri k'o chiri', k'o jun jaj rik'in nik'aj. Y pa ruk'isibel chire ri corredor k'o chik jun jay; y toq jun wineq nel-el chupan ri jay ri', jumul nel-el pa jun apo ruwa-jay.

Ez 46:1

Yin Jehová ninbij: Ri okibel ri k'o pa relebel-q'ij chire ri ruwa-jay ri k'o chunaqaj ri wachoch, xtitz'ape' ronojel q'ij, jak'a xtijaqe' chupan ri q'ij richin uxlanen. Y chuqa' xtijaq toq ninimaq'ijux ri q'ij richin ri k'ak'a' ik'.

Ez 43:4

Y ri ruk'ojlemal ri Jehová xok k'a apo pan okibel ri nitzu'un pa relebel-q'ij.

2 Crón 33:5

Y xeruben ch'aqa' chik porobel chupan chi ka'i' ruwa-jay richin ri rachoch ri Jehová.

2 Crón 20:5

K'ari' ri Josafat xpa'e' k'a chikiwech ri winaqi' ri' chiri' pa Jerusalem chuwech ri k'ak'a' ruwa-jay richin ri rachoch ri Jehová,

2 Crón 4:9

Chuqa' ri Salomón xuben ri ruwa-jay akuchi yesamej-wi ri e sacerdote, y jun chik ruwa-jay ri más nim. Xeruya' ri kichi' ri ka'i' ruwa-jay, y xutz'apej-kij rik'in q'enq'oj-pueq.

1 Crón 9:18

Y ja rije' ri xechajin ri ruchi' rubini'an Ri Akuchi Nok-apo ri Rey, ri k'o pa relebel-q'ij chire ri rachoch. Chikikojol ri e levita, ja rije' xechajin ri ruchi' ri rachoch ri Dios.

Ez 46:12

Toq ri q'atoy-tzij nalex-pe pa ránima richin nuya' jun sipanik chuwe richin niporox jumul o richin niq'alajin chi junan ruwech wik'in, xtijaq k'a ri okibel ri k'o pa relebel-q'ij. Rija' k'o chi nok-apo ri chiri' y xtuya' k'a ri sipanik achi'el rubanik ri niban chire ri nuya' pa taq q'ij richin uxlanen. Y toq rija' nel chik el ri chiri', jari' toq nitz'apex chik kan ri okibel ri'.