Ez 43:7 - Kaqchiquel Bible

⁷ Y xubij k'a chuwe: Rat Ezequiel, jare' ri ruk'ojelibal ri nutz'uyubal y ri akuchi xkipa'e-wi. Kan wawe' k'a xkik'oje-wi q'asen chikikojol ri awinaq israelita. Rije' y ri ki-rey man jun bey chik xtikiqasaj nuq'ij. Kan man jun bey chik xtikiya' kiq'ij ch'aqa' chik dios y man xkekilij ta chik. Chuqa' man xtikiben ta chik q'anej kiwachibel ri ki-rey akuchi yekiya-wi kiq'ij ri wachibel toq xeken yan el.

Ez 43:7 ပူးပေါင်းရင်းမြစ်များ

1 Rey 8:13

Jak'a re wakami, yin xinpaba-q'anej re jun jebelej y nimalej awachoch rat richin yak'oje' chupan richin q'asen, xcha' chire ri Dios.

2 Rey 16:4

Keri' chuqa' xusuj kamelabel, y xuporoj pom chiri' ri akuchi nikiya' kiq'ij ri wachibel pa ruwi' ronojel taq juyu', y chuxe' ronojel taq che' ri janila ruxaq.

1 Crón 28:2

K'ari' ri David xpa'e-q'anej chikiwech ri winaqi' y xubij: Tiwak'axaj, wach'alal y nuwinaq yin. Yin janila xinrayibej richin ja yin ta xipaban-q'anej ri rachoch ri Dios ri akuchi ta xya'ox-wi ri káxa richin ri rujikibel-tzij y xk'oje' ta q'asen chiri' ri akuchi niq'alajin-wi ri ruq'atbal-tzij ri Dios. Roma ri' xinben yan k'iy samajibel richin xinpaba' ta q'anej.

Wuj Richin Bix Chire ri Dios 132:14

Xabij k'a chi wawe' k'a xkak'oje-wi jantape', richin naq'et-tzij tibe-q'ij tibe-seq.

Wuj Richin Bix Chire ri Dios 46:5

Roma chiri' k'o-wi ri Dios, kan man jun xtitikir xtisilon. Ja ri Dios nichajin richin, toq niseqer-pe.

Wuj Richin Bix Chire ri Dios 47:8

Ri Dios kan tz'uyul chupan ri tz'uyubel richin q'atoj-tzij, kan nuq'et k'a tzij pa ruwi' ri ruwach'ulew.

Wuj Richin Bix Chire ri Dios 68:17

Ri carruaje ri e richin ri Dios, kan man e ajlatel ta. Chikikojol k'a ri' xpe-wi ri Dios toq xel-pe pa Sinaí, richin xpe chupan ri rachoch.

Wuj Richin Bix Chire ri Dios 68:18

Toq xjote-q'anej pa rachoch, rija' kan e k'iy e etzelanel richin xeruk'uaj pa ximonri'il. Chuqa' kan k'iy sipanik ri xuk'ul chuwi-kiq'a' ri winaqi' ri xeyakatej chirij, y ri Jehová chiri' xtik'oje-wi richin jantape'.

Wuj Richin Bix Chire ri Dios 99:1

Ri Jehová ja rija' ri rey. Roma ri' kan tik'oje' k'a rukiy rija' chikiwech ri tzobaj winaqi' richin ri ruwach'ulew. Rija' kan tz'uyul k'a chikikojol ri querubín richin nuq'et-tzij. Y roma ri' chijun ri ruwach'ulew kan nisilon.

Wuj Richin Bix Chire ri Dios 99:5

Tinimirisaj ruq'ij ri Jehová ri qa-Dios. Kan tixuku-timeja-iwi' chuwech, roma kan xaxe-wi rija' ri loq'olej.

Ex 25:8

Y xeri' ri awinaq kan tikibana' k'a jun jay ri kan wichin yin, richin chi chiri' yinok'oje-wi-qa ri chi'ikojol.

Ex 29:45

Y keri', yin kan xkik'oje' k'a chi'ikojol y ja yin ri xkinok ri i-Dios.

Wuj Richin ri Isaías 6:1

Chupan k'a ri juna' toq xken ri rey Ozías, jari' toq yin xintz'et chupan jun achi'el achik' chi ri Jehová tz'uyul pa ruwi' ri rutz'uyubal ri k'o el pa jotol y janila nim. Y ri ruchi' ri rutziaq runojisan ri rachoch.

Wuj Richin ri Isaías 66:1

Ri Jehová nubij: Ri nutz'uyubal k'o wawe' chikaj, y ri rupalibal ri waqen, ja ri ruwach'ulew. ¿Akuchi kami nich'ob rix richin nipaba-q'anej jun wachoch? ¿Akuchi kami nich'ob niben-wi jun k'ojelibel richin yinuxlan juba'?

Wuj Richin ri Jeremías 14:21

Man k'a tawetzelaj más ri qatinamit roma ruk'ojlen ri abi', ni man taqasaj ruq'ij ri tinamit akuchi naq'et-wi-tzij. Kan toqaqa k'a chi'ak'u'x ri jikibel-tzij ri xaben qik'in.

Wuj Richin ri Jeremías 16:18

Kan xtinben chike chi xtikitoj ka'i' mul ri itzel taq kibanobal y ri kimak, roma rije' xkitz'ilobisaj ri nuruwach'ulew. Y rije' xekitorij kan ri itzel taq wachibel ri nikiya' kiq'ij achi'el ri kaminaqi' ri man e muqun ta. Xkiben chire chijun ri ruwach'ulew ri xinya' chike richin xkichinaj kan chi man jun rejqalen, roma xkiben itzel taq banobel chuwech ri kan man utz ta nintz'et yin, xcha' chuwe.

Wuj Richin ri Jeremías 17:12

Ri awachoch, rat qa-Dios, ri kan janila nim ri pa rutikeribel y kan k'o ruq'ij.

Wuj Richin ri Jeremías 3:17

Y chupan ri q'ij ri' yin xtinya' ri wajawaren wawe' pa Jerusalem y konojel k'a tzobaj winaqi' richin chijun ri ruwach'ulew xtikimol-ki' wawe' richin xtikiya' nuq'ij. Y man chik xtikiben ta ri rurayibel ri kánima.

Ez 1:26

Y pa ruwi' ri', xintz'et k'a chi k'o jun ri achi'el rubanik jun tz'uyubel, ri niyok'olin achi'el jun jebelej raxroj-abej y pa ruwi' ri' niyakatej-el jun achi'el wineq.

Ez 10:1

Y xeri' yin xintz'et chik jun bey ri tz'uyubel ri k'o-q'anej pa ruwi' ri wokowik, ri k'o-q'anej pa kiwi' ri e kaji' querubín.

Ez 20:39

Jak'a rix israelita ke'isamajij ri i-dios, y pa ruk'isibel chire ronojel, xkiniwak'axaj k'a yin. Y chupan ri q'ij ri' man chaq xtiyoq' ri nubi' rik'in ri isipanik chuwech ri wachibel ri niya' kiq'ij.

Ez 39:7

Yin xtinben chi konojel ri winaqi' israelita xtiketamaj nuwech, roma man ninwajo' ta chi man jun rejqalen xtiban chire ri nubi'. Chuqa' xtiketamaj ri ch'aqa' chik ruwach'ulew chi ja yin in ki-Dios ri israelita ri kan k'o nuq'ij-nuk'ojlen. Ja yin Jehová ri yibin.

Ez 43:9

Wakami k'a, wi xtikimalij kan ri itzel taq banobel ri man niqa' ta chinuwech yin y wi man xtikiben ta chik ri wachibel ri kan nikiya' kiq'ij, k'ari' yin xkik'oje' chikikojol richin q'asen.

Ez 48:35

Y ri raqen ri tinamit 5,352 jaj pa taq kaji' ruxikin. Y ri tinamit xtubini'aj: Ri Jehová kan wawe' k'o-wi, xcha' ri Jehová.

Ez 6:13

Xtiketamaj chi ja yin ri' ri in Jehová, toq xtikitz'et ri kaminaqi' ri e li'an chikiwech ri wachibel y chuchi' ri porobel y toq xkek'oje' kaminaqi' ri akuchi nikiya' kiq'ij ri wachibel y xkisuj-wi ri jubulej taq aq'om ri chiri' pa ruwi' taq juyu', pa taq'aj, chikixe' che' ri e jebel rex-rex.

Ez 6:5

Kan xtink'eq k'a ri kich'akul chikiwech ri wachibel ri e kibanon y ri kibaqil xtintaluj chuwech ri porobel.

Os 14:8

Ri tinamit Israel kan xtubij chik k'a: Wakami xa kan man yek'atzin ta chik chuwe ronojel ri wachibel, xticha'. Yin Jehová kan xkenwak'axaj k'a y xtinchajij chik ri nutinamit. Yin kan xkinok k'a chike rije' achi'el jun che' chej ri kan rex-rex rubanon, ri nutinamit kan jantape' k'a xtikil ri kiway wik'in yin, nicha' ri Jehová.

Joel 3:17

Y xtiwetamaj chi ja yin Jehová ri i-Dios y yin xkik'oje' chiri' pa juyu' Sión. Y ri tinamit Jerusalem kan ch'aron wichin yin. Y man jun bey chik xtich'akatej koma ch'aqa' chik winaqi' ri man e aj chiri' ta.

Wuj Richin ri Chojmirisabelri'il 26:30

Kan xkenwulaj k'a ri akuchi niya-wi kiq'ij ri i-dios pa ruwi' taq juyu', xkenwulaj chuqa' ri porobel ri akuchi niporox-wi pom y kan xkixinkamisaj. Y xtinmontonij k'a ri ich'akul junan kik'in ri i-dios ri chuqa' maneq kik'aslen, y kan xkixinwixowaj.

Wuj Richin ri Zacarías 13:2

Xtinwelesaj ri wachibel ri ek'o chiri', y kan man jun bey chik xkenatex. Chuqa' xkenwelesaj-el ri nikiq'alajirisaj ri kich'abel ri wachibel ri', y keri' chuqa' xkenwelesaj-el ri itzel taq espíritu.

Wuj Richin ri Zacarías 13:3

Y wi k'a k'o ta na jun ri nuben keri', ri rute-rutata' xtikibij chire chi rija' ruk'amon richin niken, roma nubij tz'ukun taq tzij pa nubi' yin. Y toq nich'on, ri rute-rutata' kan xtikichuq'ij pa rupan.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

San Juan 1:14

Ri ch'abel ri' xoqaqa k'a chuwech re ruwach'ulew y kan xok k'a chuqa' jun wineq. Y kan xqatz'et k'a chi ja rija' ri juney ruk'ajol ri Dios, y kan k'o ruq'ij-ruk'ojlen ri Dios rik'in. Chuqa' kan nojineq k'a rik'in ri qitzij y ri utzil.

San Juan 14:23

Roma ri' ri Jesús xubij: Ri kan yirajo', kan nuben ri nubij ri nuch'abel. Ri jun ri xtibanon keri', kan xtajowex-wi roma ri nata' chuqa'. K'ari' ri nata' y yin kan xqojpe rik'in y xtiqaben k'a qachoch ri pa ránima.

2 Corintios 6:16

¿Kan yek'oje' ta kami ri wachibel chupan ri rachoch ri Dios? Roma kan ja roj ri oj rachoch ri k'aslik Dios. Roma ri' rija' kan keri' wi k'a rubin:*f4* Jantape' k'a xkik'oje' chi'ikojol y kan ja yin ri i-Dios y rix kan ix nutinamit, nicha'.

Apocalipsis 22:3

Y ri chiri' man jun ri man ch'ajch'oj ta ri nok-apo. Kan chiri' k'o-wi ri rutz'uyubal ri Dios y ri Karne'l, y konojel ri ek'o chiri' jari' ri xkesamajin richin.