Ez 43:4 - Kaqchiquel Bible

⁴ Y ri ruk'ojlemal ri Jehová xok k'a apo pan okibel ri nitzu'un pa relebel-q'ij.

Ez 43:4 ပူးပေါင်းရင်းမြစ်များ

Ex 40:34

Y toq xk'achoj ronojel re', jari' toq ri sutz' xumatzej rij ri rachoch ri Dios y ri ruk'ojlemal ri Dios kan xunojisaj ri rachoch.

Ex 40:35

Ri Moisés kan man nitikir ta k'a nok-apo chupan ri jay, roma ri sutz' ri' kan rumatzen k'a rij y ri ruk'ojlemal ri Jehová kan runojisan ri jay.

Wuj Richin ri Isaías 60:1

Ri Jehová nubij: Kixyakatej k'a rix aj-Sión, y kan xkixkikot roma ri wutzil kan xtiyik'lun pan iwi'. Chuqa' kan xto'alex ri nuk'ojlen yin Jehová pan iwi'.

Ez 1:28

kan achi'el k'a ri kotoq'a' ri niq'alajin chupan ri sutz' pa ruq'ijul job. Keri' toq ri Jehová xuk'ut ri ruk'ojlemal chinuwech y xaxe k'a toq xintz'et ronojel re' kixukuk xiqaqa k'a pan ulew. Y k'ari' xinwak'axaj toq rija' xch'on-pe wik'in.

Ez 11:23

Keri' ri ruk'ojlemal ri Dios xbe-q'anej pa ruwi' ri rachoch rija'. Xeri' xel-el pa tinamit y k'ari' xbek'oje' pa ruwi' ri juyu' ri k'o pa relebel-q'ij.

Ez 3:12

Kan janila nim ruq'ij ri rajawaren ri Jehová ri akuchi k'o-wi. Y chirij ri' ri ru-Espíritu rija' xiruyek k'a q'anej. Y xinwak'axaj k'a jun ch'abel ri peteneq chuwij ri kan nijinin k'a achi'el jun nimalej silonel.

Ez 43:1

Y ri achin xiruk'uaj chik k'a pan okibel richin ri tz'aq ri nitzu'un pa relebel-q'ij.

Ez 43:2

Y jari' toq ri ruk'ojlemal ri Dios kichin ri winaqi' israelita peteneq kere' pa relebel-q'ij. Kan niwajin peteneq achi'el toq niwajin jun nimalej raqen-ya' y ri ruwach'ulew kan xnoj rik'in rusaqil richin ri ruk'ojlemal.

Ez 44:2

Y ri Jehová xubij k'a chuwe: Re jun okibel re' xtitz'ape' kan y man jun xtijaqon richin ni man jun xtok-apo ri chiri', roma chiri' xkinok-wi yin ri in i-Dios. Y roma ri' kan jantape' k'a xtitz'ape'.

Ez 44:4

Chirij k'a ri' ri achin xiruk'uaj-el pan okibel ri k'o pa xaman chuwech-apo ri rachoch ri Dios. Y toq xojok-apo, xintz'et k'a chi ri ruk'ojlemal ri Jehová runojisan chijun ri rachoch rija'. Y yin kixukuk xiqaqa pan ulew chuwech.