Ez 43:26 - Kaqchiquel Bible

²⁶ Kere' xtiben q'ij-q'ij chi wuqu' q'ij y ri sacerdote k'o chi nikich'ajch'ojirisaj ri porobel richin keri' nich'ar chuwe yin y yin kan xtink'awomaj.

Ez 43:26 ပူးပေါင်းရင်းမြစ်များ

Wuj Richin ri Chojmirisabelri'il 8:34

Re' xbanatej richin chi xk'an kiwech roma ri Jehová.

Ex 32:29

Y jari' toq ri Moisés xubij chike ri e rijatzul kan ri Leví: Wakami rix xijech-iwi' pa rusamaj ri Jehová, stape' kan xe'ikamisaj ri iwalk'ual y ri iwach'alal. Y roma re' ri Jehová kan yixrurtisaj-wi, xcha' ri Moisés chike.

Ex 29:24

Ronojel ri ti'ij y ri kaxlan-wey ri' xtaya-el pa ruq'a' ri Aarón y pa kiq'a' ri e ruk'ajol. Y rije' xtikili'ej k'a ri sipanik pa kiq'a' y xtikisiloj chinuwech, roma kere' rubanik toq nisuj jun sipanik kere'.

Ez 43:20

Xeri' xtak'en-el juba' ri rukik'el ri wákix ri' y xtachikaj chikij ri kaji' uk'a' ri pa taq ruxikin ri ti che' ri rusutin ri ruchi' ri porobel y k'ari' xtachikaj chirij ronojel. Y keri' xtich'ajch'ojir ri porobel chire ri mak, richin xtijach chuwe.

Ez 43:22

Y ri ruka'n chik q'ij xtasuj chik jun kamelabel richin kuyubel-mak y xtasuj jun ti alaj achij tzuntzun ri kan tz'aqet. Y ri sacerdote xtikich'ajch'ojirisaj chik ri porobel achi'el xiben rik'in ri wákix pa nabey.

Ez 43:25

Ronojel k'a q'ij chi wuqu' q'ij k'o chi nasuj chinuwech jun achij tzuntzun richin jun kamelabel richin kuyubel-mak. Chuqa' xtasuj jun nima-alaj achij wákix y jun achij karne'l y konojel re' k'o chi e tz'aqet.

Ez 43:27

Keri' xtiben chi wuqu' q'ij y ri ruwaqxaq q'ij, ri sacerdote xtikichop nikisuj ri chikop richin niporox jumul y ri kamelabel richin niq'alajirisan chi junan iwech wik'in. K'ari' xkixink'awomaj chik pe y kan xkixqa' chinuwech. Yin Jehová ri yibin, xcha' chuwe.

Ez 45:18

Yin Jehová ninbij: Chupan ri nabey q'ij chire ri nabey ik' chire ri juna', rix xtisuj k'a jun kamelabel richin xtich'ajch'ojir ri wachoch. Y ri chikop ri nik'en-pe; jun alaj achij wákix ri kan tz'aqet.

Wuj Richin ri Chojmirisabelri'il 8:33

Kan man k'a tikiya' kan ri ruchi' ri rachoch ri Dios, wuqu' k'a q'ij xkek'oje' chiri', kan k'a nitz'aqet na k'a ri q'ij richin ri k'amoj samaj.