Ez 43:19 - Kaqchiquel Bible

¹⁹ Y ri xkesamej-apo wik'in ja ri e levita e rijatzul kan ri Sadoc. Xtaya' k'a chike jun nima-alaj achij wákix richin chi xtikisuj kamelabel richin kuyubel-mak. Ja yin Jehová ri yibin.

Ez 43:19 ပူးပေါင်းရင်းမြစ်များ

Ez 44:15

Jak'a ek'o levita ri e rijatzul kan ri Sadoc ri kan xkiben ronojel pa ruchojmilal toq ri ch'aqa' chik israelita xkijech'ej kan ki' chire ri nubey. Re sacerdote re' utz k'a xkejel-apo chinuwech richin nikisuj ri q'en y ri kik' richin ri kamelabel pa ruwi' ri porobel.

Ez 40:46

Y ri jay ri nitzu'un pa xaman, kichin ri e sacerdote ri yesamej rik'in ri porobel. Konojel rije' e rijatzul kan ri Sadoc y roma ri' xa kan xaxe rije' chikikojol ri e rijatzul kan ri Leví ri ruk'amon yesamej chiri' chuwech ri Jehová.

Wuj Richin ri Q'axanri'il 16:40

Richin keri' xok kan jun natabel chikiwech ri winaqi' israelita, chi xaxe ri e rijatzul ri Aarón ri utz nikisuj pom chuwech ri Jehová. Y wi k'o jun xabachike wineq ri nibanon keri', kan xtuk'uluwachij k'a achi'el ri xuk'uluwachij ri Coré y ri e tzeqelibey richin. Kan kere' k'a ri xubij ri Jehová chire re tinamit roma ri Moisés.

Hebreos 7:27

Rija' man achi'el ta k'a ri nimalej taq sacerdote ri e riy-rumam kan ri Leví. Roma rije' ronojel q'ij k'o chi yekisuj chikopi' chire ri Dios roma ri kimak y roma chuqa' ri kimak ri kiwinaq. Jak'a ri Jesús man nik'atzin ta chi k'iy bey k'o ta ri nusuj chire ri Dios. Rija' xa jun bey ri k'o chi xken chuwech ri cruz.

1 Rey 2:35

K'ari' ri rey Salomón xuben chi ri Benaías, ruk'ajol ri Joiadá, xok aj-raqen pa kiwi' ri aj-labal ri e richin kan ri Joab; y chuqa' xuben chi ri sacerdote Sadoc xok kan pa ruk'exel ri Abiatar.

Wuj Richin ri Q'axanri'il 16:5

Y k'ari' xubij chire ri Coré y chike konojel ri e tzeqelibeyon richin: Ri chua'q nimaq'a' yan ri Jehová xtuq'alajirisaj ri achike ri kan qitzij ruch'aron richin nok sacerdote. Rija' kan xtroyoj k'a apo chunaqaj ri rachoch. Y ri xtucha' y xtroyoj ri Jehová, kan xtuben k'a chire chi xtijel-apo rik'in, xcha'.

1 Pedro 2:9

Jak'a rix kan ix jun tinamit ri kan ix cha'on roma rija', roma ja rija' ri xelesan-pe iwichin chupan ri q'equ'm y xixruya' chupan ri saqil. Xuben chi xixok ru-sacerdote, jun loq'olej rutinamit y xixok ruwinaq richin chi nitzijoj ri meyel taq rubanobal.

1 Pedro 2:5

Y roma ixk'o rik'in ri Jesucristo, rix chuqa' ix achi'el abej ri k'o ik'aslen, ri yixukusex richin nipabex-q'anej ri rachoch ri Dios. Y kan ix loq'olej sacerdote, richin nisuj sipanik ri kan niqa' chuwech, pa rubi' ri Jesucristo.

2 Corintios 5:21

Ri Cristo kan man jun bey k'a xmakun, jak'a kan xban chire roma ri Dios chi achi'el xa ta jun aj-mak, richin chi qonojel roj yojk'ulun ta chuwech ri Dios chi man jun qamak.

Ez 48:11

Re ulew k'a re' kan xtich'ar kan chike ri e sacerdote ri e rijatzul kan ri Sadoc, roma rije' man xekitzeqelibej ta ri ch'aqa' chik levita toq ri israelita xkijech'ej kan ki' rik'in ri nubey.

Wuj Richin ri Isaías 66:22

Kan xkek'oje' richin q'asen ri iwijatzul y ri ibi', achi'el ri k'ak'a' kaj y ri k'ak'a' ruwach'ulew ri xtinben yin, ri kan beneq ruwech e k'ak'a' chinuwech yin. Yin Jehová ri yibin.

Wuj Richin ri Isaías 61:6

Ri aj-Sión kan xtikibini'aj k'a samajel y sacerdote richin ri Jehová. Kan xkewa' k'a rik'in ri jebelej taq wey kichin ri ch'aqa' chik ruwach'ulew, y rik'in k'a ri kibeyomel rije' xtikilij-wi-ki'.

1 Rey 2:27

Keri' k'a xuben ri rey Salomón richin xrelesaj-el ri sacerdote Abiatar. Y keri' xbanatej k'a ri rubin ri Jehová pa Siló chi k'o chi yek'is ri rijatzul kan ri sacerdote Elí.

Wuj Richin ri Q'axanri'il 18:5

Jak'a rix ri k'o chi yixpa'e' chuwech ri samaj richin ri wachoch yin y chuqa' ri samaj rik'in ri porobel, richin chi man niyakatej ta chik woyowal pa kiwi' ri iwinaq israelita.

Ez 43:23

Toq xkak'achoj chire re', kan k'o chi xtasuj jun nima-alaj wákix y jun achij karne'l y re chikopi' re' kan k'o chi e tz'aqet.

Ez 45:4

Ri juba' chik chire re ulew re', jari' ri xtok kichin ri sacerdote ri yesamajin ri wachoch, roma rije' kan xkejel-apo wik'in richin yinkisamajij y kan chiri' chuqa' xtik'oje-wi ri kachoch rije'. Y re ulew re' kan xtik'oje' k'a janila rejqalen.