Ez 43:12 - Kaqchiquel Bible

¹² Jak'a pixa' re' ri k'o janila rejqalen. Chijun ri ulew ri akuchi k'o-wi ri wachoch, re pa ruwi' re juyu' re', kan xtich'ar chuwe yin.

Ez 43:12 ပူးပေါင်းရင်းမြစ်များ

Wuj Richin Bix Chire ri Dios 93:5

Nimalej Jehová, ri apixa' rat kan jari' k'a ri choj. Ri ruch'ajch'ojil kan jari' ri ruk'amon chire ri awachoch. Kan keri' k'a nimalej Jehová, tibe-q'ij tibe-seq.

Ez 20:40

Roma yin Jehová ri ink'o pa ruwi' ronojel ninjikiba' nutzij chi chiri' pa ruwi' ri juyu' ri nucha'on yin, chiri' rix ri aj pa rachoch kan ri Israel xkinisamajij y chiri' xtiya-wi nuq'ij y yin rik'in ronojel wánima xtink'ul ri isipanik, ri nabey ruwech taq itiko'n. Y ronojel ri xtisuj chuwe xtink'ul rik'in kikoten.

Ez 40:2

Y chupan ri achi'el achik' ri' ri Jehová k'o k'a xuk'ut chinuwech. Xiruya' chiri' pa ruwi' jun nimalej juyu' y xintz'et chi kela' pa xokon k'o ka'i-oxi' jay y achi'el jun tinamit niq'alajin.

Ez 42:20

Keri' k'a xeretaj ri kaji' kaqen ri tz'aq ri rusutin-rij ri rachoch ri Dios y ri kaqen chikijujunal re tz'aq re' 150 jaj. Y ja tz'aq re' ri rukojol ri ch'aron chire ri Dios y ri akuchi yek'oje-wi ri winaqi'.

Joel 3:17

Y xtiwetamaj chi ja yin Jehová ri i-Dios y yin xkik'oje' chiri' pa juyu' Sión. Y ri tinamit Jerusalem kan ch'aron wichin yin. Y man jun bey chik xtich'akatej koma ch'aqa' chik winaqi' ri man e aj chiri' ta.

Wuj Richin ri Miqueas 4:1

Xtibek'uluwachitej chupan ri ruk'isibel taq q'ij, chi ri juyu' ri akuchi k'o-wi ri rachoch ri Jehová kan xtiya'ox chik k'a ruq'ij jun bey. Ri juyu' ri' más nim rujotolen chikiwech ri ch'aqa' chik juyu', y konojel k'a winaqi' richin ri ch'aqa' chik ruwach'ulew, xke'apon-el chiri'.

Apocalipsis 21:27

Jak'a ronojel ri xa tz'il, kan man jun bey xtok-apo chupan. Ni man jun chuqa' wineq ri xa nuya' ruq'ij jun chik dios, ni chuqa' ri e tz'ukuy taq tzij, ri xke'ok-apo ri chiri', xaxe ri tz'ibatel kibi' chupan ri wuj richin k'aslen, ri ruwuj ri Karne'l.