Ez 42:14 - Kaqchiquel Bible

¹⁴ Toq ri e sacerdote ye'ok-apo pa rachoch ri Dios richin nibekibana' ri rusamaj rija', man chik ye'el ta pe chuwa-jay roma kikusan kitziaq richin rusamaj ri Dios, roma ri tzieq ri' kan ch'aron. Y richin chi ye'el-el ri akuchi ek'o-wi ri winaqi' kan k'o chi nikikusaj jun chik kitziaq.

Ez 42:14 ပူးပေါင်းရင်းမြစ်များ

Ez 44:19

Y toq ye'el-el chuwa-jay ri k'o chirij el ri akuchi ek'o-wi kan ri winaqi', k'o chi nikelesaj kan ri tzieq ri xkikusaj chupan ri samaj richin ri wachoch y nikikusaj chik el jun kitziaq richin chi man nipe ta jun ruk'ayewal pa kiwi' ri winaqi' ri'.

Wuj Richin ri Chojmirisabelri'il 8:7

Y k'ari' ri Moisés xuwiq ri Aarón rik'in ri nim raqen tzieq, xubetz' rupan rik'in ri ximibel, k'ari' xuya' chik jun rutziaq ri más ko'ol juba' raqen y chirij ri' xuya' chik qa ri efod, y re' kan xuxim jebel rik'in ri ruximibal.

Wuj Richin ri Isaías 61:10

¡Kan janila k'a xkikikot rik'in ri Jehová! Ri wánima kan jantape' k'a xtik'ases rik'in ri nu-Dios, roma kan ruya'on ri kolotajik chuwe, y kan xiruwiq k'a rik'in ruchojmilal, achi'el ruwiqon-ri' jun ala' ri nibek'ule' yan pe, y chuqa' ri xten ri xtibe'ok rixjayil rukusan chik jalajoj ruwech wiqobel.

Wuj Richin ri Chojmirisabelri'il 8:13

K'ari' ri Moisés xuben k'a chike ri e ruk'ajol ri Aarón chi kejel-apo, xuya' k'a chikij jujun nim raqen kitziaq, ri ximibel-kipan y ri kuchubel-kijolon ri retal kisamaj. Kan achi'el ri rubin ri Jehová chire chi tubana'.

Gálatas 3:27

Toq rix xqasex ya' pan iwi', xiq'alajirisaj k'a chi xa jun xiben rik'in ri Cristo. Y wakami niq'alajin chik ri Cristo ri pa taq ik'aslen, kan achi'el xa ta xikusaj jun k'ak'a' tzieq.

Romanos 13:14

Nik'atzin k'a chi jun tiqabana' rik'in ri ajaw Jesucristo, y man tiqach'ob niqaya' q'ij chike ri itzel taq rayinik.

Romanos 3:22

Ri Dios kan nuk'ut k'a chiqawech chi xabachike wineq ri nukuquba' ruk'u'x rik'in ri Jesucristo, man jun rumak nik'ulun chuwech ri Dios, man jun rubanon wi oj judío o man oj judío ta.

San Lucas 9:62

Jak'a ri Jesús xubij chire: Man jun wineq ri nuben ta arado y nitzu'un kan chirij, ri utz ta richin nutzijoj ri rajawaren ri Dios, xcha'.

1 Pedro 5:5

Y rix ri k'a ix ak'uala' na, tinimaj k'a kitzij ri e uk'uayon iwichin. Y kan chi'iwonojel tinimala' tzij chiwech. Man tinimirisaj-iwi', roma chupan ri ruch'abel ri Dios ri tz'iban kan, nubij:*f8* Ri Dios man yeqa ta chuwech ri nikinimirisaj-ki'. Jak'a ri nikiqasaj-ki', rija' nuya' ri rutzil pa kiwi', nicha'.

Wuj Richin ri Chojmirisabelri'il 16:23

K'ari' ri Aarón nitzolin chik apo ri pa wachoch, y chiri' nrelesaj-wi kan ri rutziaq ri banon rik'in lino, ri xukusaj richin xok chupan ri akuchi k'o-wi ri káxa y chiri' nuyek-wi kan.

Ez 44:1

Chirij ri' ri achin xiruk'uaj chik el pan okibel ri k'o chirij el ri rachoch ri Dios ri nitzu'un pa relebel-q'ij y ri' tz'apen kan.

Wuj Richin ri Chojmirisabelri'il 16:24

K'ari' natin ri akuchi kan cha'on-wi ri chiri' pa wachoch; y nukusaj-pe ri rutziaq richin ri jun chik rusamaj. Y xeri' nel-pe richin nusuj ri kamelabel ri niporox chijun, ri nusuj rija' chuwe yin. Y rija' nusuj chuqa' ri kamelabel ri xkik'en-pe ri winaqi' chuwe yin, ri niporox chijun. Kere' k'a xtuben chi nink'en chik kiwech rija' y ri winaqi'.