Ez 41:6 - Kaqchiquel Bible

⁶ Re jay re' kik'uan-ki', ri jun k'o pa ruwi' ri jun chik y keri' nikiben oxi' wiq. Y chikijujunal wiq k'o juwineq lajuj jay. Ri tz'aq richin ri jay kan choj beneq-q'anej niq'alajin ri chuwech. Jak'a chupan ri tz'aq richin ri nabey wiq kan más pim rubanon. Y ri ruka'n wiq más chik juba' xax. Y ri tz'aq richin ri ruk'isibel wiq más ti xax. Keri' xban chire richin chi ri che' ri yeq'e'e', yeli'e-qa pa ruwi' ri wiq tz'aq ri e banon kan.

Ez 41:6 ပူးပေါင်းရင်းမြစ်များ

1 Rey 6:10

Toq xeruben k'a ri cholaj jay ri xkisutij-rij ri rachoch ri Dios, ri kipalen chikijujunal wiq jay jun jaj rik'in jun q'a'aj jotol. Keri' k'a xban chire richin chi ri tiox-che' ri yeq'e'e', yeli'e-qa pa ruwi' ri wiq tz'aq ri e banon kan.

Ez 40:17

Chirij ri' ri achin xiruk'uaj-el pa corredor y xojel-el chuwa-jay. Y ri chiri' losa ukusan chire ri rusutin-q'anej ruwech ri tz'aq y ri ruwech, wolajuj jaj y ri' k'o k'a pa xulan. Y yin xintz'et ri chiri' pa ruwi' ri losa ri' banon juwineq lajuj taq jay.

Ez 41:5

Chirij ri' xretaj ri rupan ri tz'aq richin ri jay y k'o jun jaj rik'in nik'aj. Pa taq ruxikin ri rachoch ri Dios e banon k'iy jay. Y ri ketabal ri jay ri' jun jaj rik'in jun q'a'aj.

Ez 42:6

Re jay re' e banon oxi' wiq chike, jak'a man kik'uan ta pilar achi'el ri taq jay richin ri ruwa-jay. Roma ri' ri k'o-q'anej pa nabey, más ko'ol chuwech ri k'o-qa pa xulan y ri k'o pa nik'aj.

1 Pedro 1:5

Y roma qakuquban qak'u'x rik'in ri Dios, roma ri' rija' kan yojruchajij rik'in ruchuq'a', richin keri' ri kolotajik ri kan qichin chik roj, kan xtiqichinaj-wi chupan ri ruk'isbel taq q'ij.