Ez 41:22 - Kaqchiquel Bible

²² wo'o' q'a'aj raqen, wo'o' q'a'aj ruwech y jun jaj ri rujotolen. Ri pa taq ruxikin, ri rutz'uyubal y ri chi kaji' ruwech ri porobel ri' e tz'apen-kij rik'in che'. Y ri achin ri' xubij chuwe chi re mesa re' richin ri Jehová.

Ez 41:22 ပူးပေါင်းရင်းမြစ်များ

1 Rey 6:20

Y ri jay ri' ri akuchi kan man jun wineq nok-apo xuben chire chi kaji' jaj rik'in nik'aj raqen, ri ruwech y ri rujotolen. Xutz'apej rik'in q'anapueq ri jebel ch'ajch'oj, ronojel ri ruwech ri jay ri' y xuben chuqa' ri porobel-pom rik'in tiox-che', y k'ari' xutz'apej-rij rik'in q'anapueq.

1 Rey 6:22

Xuya' k'a q'anapueq chijun ruwech ri rupan ri ka'i' jay, nitiker-el pan ulew k'a pa jotol-q'anej. Chuqa' xuya' k'a q'anapueq chirij ri porobel-pom ri k'o-apo chupan ri jay akuchi k'o-wi ri Jehová.

1 Rey 7:48

Chuqa' ri Salomón xuteq rubanik ch'aqa' chik samajibel ri yek'atzin chupan ri rachoch ri Jehová, y ronojel re' xeban rik'in q'anapueq, y jare': Ri nima-porobel-pom y ri ch'aqa' chik kokoj porobel-pom, Ri mesa ri niya'ox ri kaxlan-wey pa ruwi' ri nisuj chire ri Dios, Ri lajuj candelabro ri nibe aceite chupan ri e banon kotz'i'j chirij, y xeruya' chupan ri nima-jay chupan ri rachoch ri Jehová, wo'o' pa rijkiq'a' ri jay ri' y wo'o' pa rajxokon, Ri ch'aqa' chik lámpara, ri chojmirisabel ri kiq'aq'al y ri chupbel, Ri jalajoj kiwech bojo'y, ri cuchara y Ronojel ri bisagra richin ri nima'q taq ruchi-jay richin ri rachoch ri Jehová.

2 Crón 4:19

Chuqa' ri Salomón xuteq rubanik ch'aqa' chik samajibel ri yek'atzin chupan ri rachoch ri Jehová, y ronojel re' xeban rik'in q'anapueq: Ri nimalej porobel-pom y ri kokoj porobel-pom, ri mesa ri niya'ox ri kaxlan-wey pa ruwi' ri nisuj chire ri Dios, ri candelabro ri nibe aceite chupan junan rik'in ri taq ki-lámpara ri xeruya' chuwech ri akuchi nik'oje-wi ri Jehová, richin nitzij achi'el ri pixa' richin chojmirisabel ri ruya'on kan ri Dios, ri taq ruwachibel kotz'i'j, ri ch'aqa' chik lámpara, ri chapbel-q'aq', ri chupbel kiq'aq'al ri lámpara, ri nima'q taq leq, ri cuchara, ri ruchi' ri akuchi niban-wi oken chupan ri rachoch ri Jehová, ri ruchi' ri akuchi nik'oje-wi ri Jehová y ri jun chik ruchi' ri k'o chupan ri rachoch ri Dios.

Ex 25:23

Chuqa' xtaben chike ri awinaq chi tikibana' jun mesa rik'in ri che' rubini'an acacia. Wo'o' k'a q'a'aj ri raqen, ka'i' q'a'aj ri ruwech y oxi' q'a'aj ri rujotolen xtikiben chire.

Ex 30:8

Chuqa' ronojel tiqaq'ij toq xtiberuchojmirisaj ri rutza'n ri candil, chuqa' xtuporoj pom chiri'. Kan kere' k'a xtiban chinuwech yin, tibe q'ij tibe seq, chi wiq chi tanaj.

Wuj Richin Etamabel-Tzij 9:2

Xukamisaj y xupoch' ri chikop richin ri rukil, xuxol y jebel k'a rubanik xuben chire ri vino, y xuben k'a rutzil ri mesa richin xunaba' richin ri wa'in.

Wuj Richin ri Nimalej Bix 1:12

Rokik rat, nu-rey, at kotz'ol, ri jubulej waq'om nijubulin.

Ez 23:41

Rix kan jebel k'a xiben-apo richin xe'iwoyobej rije'. Chuqa' k'o k'a jun mesa ri jebel ichojmirisan y pa ruwi' ri mesa ri' xya'ox pom y aceite ri xa e ch'aron chik chuwe yin.

Ez 44:16

Xaxe k'a rije' ri xke'ok-apo pa wachoch y xkejel-apo rik'in ri nu-mesa richin yinkisamajij. Jak'a rije' ri xkek'oje' pa ruwi' ri nusamaj.

Wuj Richin ri Chojmirisabelri'il 24:6

Y kan xtiya' k'a pa ruwi' ri mesa banon rik'in q'anapueq, y tibana' ka'i' tunaj chire, waqi' kaxlan-wey ke'iya' pa jujun tunaj.

Wuj Richin ri Malaquías 1:12

Jak'a rix niben chuwe chi man jun wejqalen roma man niqa' ta chiwech ri nuporobal, y chuqa' ri k'o pa ruwi'.

Wuj Richin ri Malaquías 1:7

Roma rix ye'isujula' kaxlan-wey ri xa man ch'ajch'oj ta pa ruwi' ri nuporobal; y man rik'in ri' nik'utuj ri achike k'a itzel ri ibanon chuwe. Jak'a yin ninbij chiwe chi ja ri man iya'on ta rejqalen ri porobel ri k'o pa wachoch.

1 Corintios 10:21

Rix kan niqum k'a ri vino richin ninataj ri rukamik ri Cristo. Y wi keri', man ruk'amon ta chi niqum chuqa' ri xa xsuj yan chike itzel taq espíritu. Rix nitej ri kaxlan-wey richin ninataj ri rukamik ri Jesús. Y wi keri', chuqa' man ruk'amon ta nitej ri xa xsuj yan chike itzel taq espíritu.

Apocalipsis 3:20

Roma yin kan jare' k'a ink'o chik chuchi' ri iwachoch y yinoyon chik apo. Achike k'a ri xtak'axan-pe wichin y nujeq ri ruchi' jay chinuwech, xkinok-apo rik'in, xkiwa' rik'in y rija' xtiwa' wik'in yin.

Apocalipsis 8:3

Y xintz'et k'a chi peteneq jun chik ángel y ruk'amon-pe jun porobel-pom ri banon rik'in q'anapueq, y choj xbepa'e' chuwech-apo ri porobel ri banon chuqa' rik'in q'anapueq ri k'o-apo chuwech ri akuchi tz'uyul-wi ri Dios. Y xbejach k'a pe k'iy pom chire, ri xxol rik'in ri kich'owen ri ralk'ual ri Dios, richin chi xsuj pa ruwi' ri porobel ri'.