Ez 40:9 - Kaqchiquel Bible

⁹ Y toq yatel-pe chupan ri jay ri', ri chiri' k'o jun pilar pa rajxokon y jun pa rijkiq'a'. Y re pilar re' wo'o' q'a'aj kipan.

Ez 40:9 ပူးပေါင်းရင်းမြစ်များ

Ez 40:10

Y ri ox-ox taq jay ri ek'o pan okibel chiri' pa relebel-q'ij chire ri rachoch ri Dios, ronojel junan ketabal; chuqa' junan ketabal ri rupimil ri tz'aq ri ek'o chikikojol ri jay ri'.

Ez 40:8

K'ari' xretaj ri ruchi' ri jay ri k'o richin yatok-apo chupan ri jun chik ruwa-jay. Y ri raqen k'o ka'i' jaj rik'in ka'i' q'a'aj.

Ez 41:1

Toq oj q'axineq chik chupan ri jay ri', xojapon chuchi' ri rachoch ri Dios. Ri ruchi-jay oxi' jaj ruwech y k'o jujun pilar pa taq ruxikin. Ri kiwech ri pilar ri' jun jaj rik'in nik'aj y ri kipimil jun jaj rik'in nik'aj. Y toq xqaq'axaj chik ri ruchi' ri jay ri', ri achin xretaj. Y kablajuj jaj raqen y waqi' jaj ruwech.

Ez 41:21

Chikijujunal ri marco ri chapayon ri ruchi' ri rachoch ri Dios kan e tz'ajtz'eq. Y ri chiri' k'o jun porobel banon rik'in che',

Ez 41:26

Y pa taq ruxikin ri okibel ri' ek'o ventana y ya'on k'arak'ik taq che' chikiwech. Y pa taq ruxikin ri ventana ri' ya'on kiwachibel palma. Ri ventana richin ri jay, ri kan kitunun-ki' rik'in ri rachoch ri Dios, chuqa' ya'on k'arak'ik che' chikiwech.

Ez 44:3

Xa kan xaxe ri q'atoy-tzij ri xtok-apo chiri', richin chi niberutija-pe ri xtisuj chuwe. Y toq xtok-apo pa wachoch, rija' k'o chi nok-apo chupan ri okibel ri'. Y chuqa' toq xtel-pe, k'o chi nel-pe ri chiri', xcha'.

Ez 45:19

Ri sacerdote xtuchop juba' chire ri rukik'el ri wákix ri' richin nusuj richin jun kamelabel richin kuyubel-mak. Ri kik' ri' xtuchop nusu' chikij ri che' ri e chapayon ri ruchi' ri wachoch, pa taq ruxikin richin ri porobel y chikij ri che' ri e chapayon ruchi' ri okibel ri k'o chuwa-jay.