Ez 40:6 - Kaqchiquel Bible

^6-7 Xeri' ri achin ri' xbe-apo ri pan okibel ri k'o pa relebel-q'ij chire ri tz'aq y xbe-q'anej chupan ri jotolbel ri k'o chiri'. Chuwech-apo rija', k'o jun corredor ri nibe choj y k'o kablajuj jaj raqen. Pa rajxokon ri corredor, k'o oxi' taq jay y keri' chuqa' pa rijkiq'a' k'o oxi' taq jay. Y ri jay ri' kichin ri chajinela'. K'ari' rija' xretaj nabey ri e oxi' taq jay ri ek'o pa rijkiq'a'. Y ri raqen y ri ruwech chikijujunal ri jay ri', jun jaj rik'in nik'aj. K'ari' xretaj ri tz'aq ri k'o chukojol ri taq jay y ri rupimil ri tz'aq ri' k'o jun jaj rik'in wo'o' q'a'aj. Ri rupimil ri tz'aq ri k'o chikikojol ri ruchi' ri tz'aq rik'in ri nabey ti jay, k'o jun jaj rik'in nik'aj. Pa ruk'isibel chire ri corredor, ri rupimil ri tz'aq ri k'o chikikojol ri ruk'isibel ti jay rik'in ri okibel ri k'o chiri', k'o jun jaj rik'in nik'aj. Y pa ruk'isibel chire ri corredor k'o chik jun jay; y toq jun wineq nel-el chupan ri jay ri', jumul nel-el pa jun apo ruwa-jay.

Ez 40:6 ပူးပေါင်းရင်းမြစ်များ

Ez 43:1

Y ri achin xiruk'uaj chik k'a pan okibel richin ri tz'aq ri nitzu'un pa relebel-q'ij.

Ez 8:16

Y xiruk'uaj chik el pa ruwa-jay richin ri rachoch. Y ri akuchi niban-wi oken chire ri jay ri' ri chiri' chuwa-jay chunaqaj ri porobel, xentz'et jubama e juwineq wo'o' achi'a' ri kiya'on kan kij chuwech ri rachoch ri Jehová. Y yetzu'un k'a kela' pa relebel-q'ij y kilukuban-qa-ki' k'a pan ulew richin nikiya' ruq'ij ri q'ij.

Ez 40:20

Chuqa' k'o jun ruchi-jay ri k'o pa xaman chire ri tz'aq, ri nibe pa nima-ruwa-jay. Y ri achin xretaj k'a ri raqen y ri ruwech ri jay ri'.

Ez 11:1

Y chiri' ri Jehová xiruyek-el y xiruq'axaj pan okibel ri k'o pa relebel-q'ij chire ri rachoch rija'. Y chiri' ek'o e juwineq wo'o' achi'a' aj-raqen richin ri tinamit. Chikikojol k'a rije' k'o ri Jaazanías ruk'ajol ri Azur y ri Pelatías ruk'ajol ri Benaías.

Ez 10:18

Ri ruk'ojlemal ri Jehová ri k'o chuchi' ri rachoch xyakatej-el y xbek'oje' pa kiwi' ri e kaji' querubín.

Wuj Richin ri Jeremías 19:2

k'ari' kixel-el chiri' akuchi yetorix-wi ri paxineq taq bojo'y, chupan ri taq'aj Ben-hinom y xtach'abalij re ch'abel re':

Wuj Richin Bix Chire ri Dios 84:10

Kan más k'a rejqalen ri jun q'ij ri yik'oje' chupan ri awachoch, ke chuwech yik'oje' 1,000 q'ij juk'an chik. Más utz chi stape' xa chuchi-ok ri awachoch yipa'e-wi, ke chuwech yik'ase' pa rachoch jun wineq ri banoy etzelal.

Wuj Richin ri Nehemías 3:29

Chikij rije', ri Sadoc ruk'ajol ri Imer xuchojmirisaj-q'anej ri tz'aq chuwech ri rachoch. Y chirij rija' ri Semaías ruk'ajol kan ri Secanías xuchojmirisaj juba' chik chire ri tz'aq. Rija' chajinel richin ri ruchi' ri tinamit ri k'o pa relebel-q'ij.

1 Crón 9:24

Rije' nikichajij chi kaji' ruchi' ri rachoch ri Dios: Pa relebel-q'ij, pa qajbel-q'ij, pa xaman y pa xokon.

1 Crón 9:18

Y ja rije' ri xechajin ri ruchi' rubini'an Ri Akuchi Nok-apo ri Rey, ri k'o pa relebel-q'ij chire ri rachoch. Chikikojol ri e levita, ja rije' xechajin ri ruchi' ri rachoch ri Dios.

1 Rey 6:8

Ri ruchi' ri napon chupan chi oxi' wiq jay k'o pa xokon chire ri rachoch ri Jehová. Y richin yajote-el, k'o k'a jotolbel banon ri achi'el caracol rubanik.

Ez 47:1

Ri achin ri xuk'ut ri rachoch ri Dios chinuwech xuben chuwe richin xitzolin chik ri pan okibel ri k'o chunaqaj ri rachoch ri Dios. Jari' toq xintz'et chi ri chuxe-qa ri ruchi-jay nibulbu'x-pe ya' ri nel-pe re kere' pa relebel-q'ij. Ri ya' niqaqa-pe pa rijkiq'a' ri rachoch ri Dios y pa xokon chire ri porobel.

Ez 46:12

Toq ri q'atoy-tzij nalex-pe pa ránima richin nuya' jun sipanik chuwe richin niporox jumul o richin niq'alajin chi junan ruwech wik'in, xtijaq k'a ri okibel ri k'o pa relebel-q'ij. Rija' k'o chi nok-apo ri chiri' y xtuya' k'a ri sipanik achi'el rubanik ri niban chire ri nuya' pa taq q'ij richin uxlanen. Y toq rija' nel chik el ri chiri', jari' toq nitz'apex chik kan ri okibel ri'.

Ez 44:1

Chirij ri' ri achin xiruk'uaj chik el pan okibel ri k'o chirij el ri rachoch ri Dios ri nitzu'un pa relebel-q'ij y ri' tz'apen kan.

Ez 43:8

Rije' xkiben-q'anej kachoch chunaqaj ri ruchi' ri wachoch yin y xaxe jun tz'aq ri xk'oje' chiqakojol. K'ari' rije' xkiqasaj ruq'ij ri loq'olej nubi' rik'in ri itzel taq kibanobal ri kan man utz ta nintz'et yin. Y roma ri' xinoyower kik'in y xek'is.

Ez 40:26

Ri kiwachibel palma e junan kik'in ri ch'aqa' chik wachibel. Y toq jun nok-apo pa corredor k'o chi nibe-q'anej wuqu' grada y wi nibe chupan chijun ri corredor, nok-apo chupan ri jay ri nel-el pa nima-ruwa-jay.

Ez 40:5

Ri che' richin etabel ri ruk'uan ri achin, k'o jun jaj rik'in nik'aj ri raqen. Toq xintz'et ri rachoch ri Dios k'o jun tz'aq ri rusutin-rij. Xretaj k'a ri tz'aq ri' y k'o jun jaj rik'in nik'aj rupimil y jun jaj rik'in nik'aj ri rujotolen.

Ez 40:22

Ri ruwa-jay, ri ventana y ri kiwachibel palma e junan kik'in ri ek'o pan okibel ri k'o pa relebel-q'ij. Richin yatapon-q'anej chiri' pa corredor k'o chi yajote' wuqu' grada y wi nibe chupan chijun ri corredor, nok-apo chupan ri jay ri nel-el pa nima-ruwa-jay.

Ez 40:24

Xeri' ri achin kan xiruk'uaj k'a el pa xokon chire ri tz'aq, ri akuchi k'o-wi ri jun okibel, achi'el ri ch'aqa' chik okibel. Y chijun ri retabal e junan kik'in ri ch'aqa' chik okibel.

Ez 41:16

e tz'apen kiwech rik'in che'. Chuqa' ri ventana ya'on k'arak'ik taq che' chikiwech. Ronojel ri marco richin ri ruchi-jay tz'apen-kij rik'in che'. Chuqa' ri tz'aq ri k'o chupan ri jay ri' e tz'apen-kij rik'in che', nitiker-pe k'a chuxe-qa y napon-q'anej k'a rik'in ri ventana. Y chuqa' pa ruwi-q'anej ri ruchi' tz'apen rik'in che'. Re' xya'ox chupan ri oxi' jay ri richin ri rachoch ri Dios.

Ez 42:15

Y kan xaxe k'a toq xtane-qa chi retaxik ronojel re', k'ari' xirelesaj-el chiri' pa ruchi-jay ri nitzu'un pa relebel-q'ij y k'ari' xretaj ri tz'aq ri rusutin-rij chijun ri rachoch ri Dios.