Ez 40:5 - Kaqchiquel Bible

⁵ Ri che' richin etabel ri ruk'uan ri achin, k'o jun jaj rik'in nik'aj ri raqen. Toq xintz'et ri rachoch ri Dios k'o jun tz'aq ri rusutin-rij. Xretaj k'a ri tz'aq ri' y k'o jun jaj rik'in nik'aj rupimil y jun jaj rik'in nik'aj ri rujotolen.

Ez 40:5 ပူးပေါင်းရင်းမြစ်များ

Ez 42:20

Keri' k'a xeretaj ri kaji' kaqen ri tz'aq ri rusutin-rij ri rachoch ri Dios y ri kaqen chikijujunal re tz'aq re' 150 jaj. Y ja tz'aq re' ri rukojol ri ch'aron chire ri Dios y ri akuchi yek'oje-wi ri winaqi'.

Wuj Richin ri Isaías 26:1

Chupan ri q'ij ri' xtibixex re bix re' chupan ri ruwach'ulew Judá: Ri qatinamit k'o k'a jun rutobal. Ja ri Jehová ri achi'el tobel ri rubanon chiri'.

Apocalipsis 21:12

Re tinamit re' rusutin-rij chi tz'aq ri nej jotol chikaj. Ruk'uan k'a kablajuj okibel rik'in ri kibi' ri jujun chike ri kablajuj tzobaj ri e rijatzul kan ri Israel y pa ronojel okibel yechajin jujun ángel.

Wuj Richin ri Zacarías 2:5

Y roma ri' ja ri Jehová xtitaqon-pe jun tz'aq ri banon rik'in q'aq' richin xtusutij-rij ri Jerusalem, y ja rija' xtisaqirisan richin, xcha' ri ángel chire.

Wuj Richin ri Isaías 60:18

Chupan ri iruwach'ulew man xtibebanatej ta chik kamik; ni man jun bey chik xtipe wululen. Xa kan xtibij chike ri tz'aq richin ri itinamit, chi rije' e achi'el ri kolonel, y ri chiri' pa taq okibel niya' nuq'ij yin.

Wuj Richin Bix Chire ri Dios 125:2

Achi'el ri tinamit Jerusalem ri sutin-rij rik'in nima'q taq juyu', kan keri' ri Jehová rusutin-kij ri ruwinaq. Kan keri' rubanon re wakami y keri' tibe-q'ij tibe-seq.

Deut 3:11

Kan xaxe chik k'a ri rey Og ri k'o kan chike ri e refaíta. Ri raqen ri ruch'at*f1* ka'i' jaj rik'in ka'i' q'a'aj y ri ruwech jun jaj rik'in jun q'a'aj, y re' kan rik'in ch'ich' banon-wi. Y ri ch'at ri' k'o k'a pa kitinamit ri amonita kela' pa Rabá k'a re wakami.

Ez 41:8

Y xintz'et chi chijun ri rachoch ri Dios ya'on ruxe' ri nej jotol chikaj y pa ruwi' chuqa' ri' e paban-q'anej ch'aqa' chik jay y re kixe' re jay re' jun jaj rik'in nik'aj rujotolen.

Ez 43:13

Jare' ri retabal ri porobel y ri etabel ri nakusaj, ja ri nukusaj ri rey. Y ri porobel ri' k'o jun jul ri xk'oje' kan chuxe' ri rusutin-ri' chirij y ri rupan ri jul ri' ka'i' q'a'aj rik'in nik'aj y ri ruwech chuqa' ka'i' q'a'aj rik'in nik'aj. Y ri jul ri' k'o jun ruchi' ri k'o qa chuwech ri ulew y chuwech-pe ri jul. Y ri rujotolen k'o jun q'a'aj rik'in ka'i' ruwi' q'a'aj. Jare' ri ruxe' ri porobel.

Ez 42:15

Y kan xaxe k'a toq xtane-qa chi retaxik ronojel re', k'ari' xirelesaj-el chiri' pa ruchi-jay ri nitzu'un pa relebel-q'ij y k'ari' xretaj ri tz'aq ri rusutin-rij chijun ri rachoch ri Dios.