Ez 40:48 - Kaqchiquel Bible

^48-49 Chuqa' ri achin xiruk'uaj-el k'a pan okibel richin ri rachoch, akuchi k'o jun jay ri k'o chi naq'axaj richin yatok pa rachoch ri Dios. Ri retabal re jay re' waqi' jaj ruwech y oxi' jaj rik'in oxi' q'a'aj raqen. Ri ruchi-jay kaji' jaj rik'in jun q'a'aj ruwech y ek'o ka'i' pilar pa taq ruxikin. Y ri ruwech chikijujunal ri pilar ri' jun jaj y ri rupimil k'o jun jaj rik'in jun q'a'aj. Y richin yatok chupan ri jay ri' k'o chi yajote-q'anej pa grada.

Ez 40:48 ပူးပေါင်းရင်းမြစ်များ

2 Crón 3:4

Ri corredor ri k'o pan okibel chire ri rachoch ri Dios k'o k'a wo'o' jaj rik'in nik'aj ri ruwech, junan rik'in ri ruwech ri jay, y ri rujotolen chuqa' k'o wo'o' jaj rik'in nik'aj. Y rija' kan xutz'apej k'a rij rik'in q'anapueq ri jebel ch'ajch'oj ronojel ruwech ri jay ri',

1 Rey 6:3

Ri corredor ri k'o-pe chuwech ri ruchi' ri rachoch ri Dios, k'o k'a wo'o' jaj rik'in ka'i' q'a'aj raqen y ka'i' jaj rik'in nik'aj ri ruwech.

Ez 41:3

Xeri' xojapon chuchi' jun chik jay y xojpa'e-qa chiri'. Y k'o k'a jun ruchi-jay ri k'o jun jaj rik'in nik'aj ruwech. Y k'o jujun pilar pa taq ruxikin y ri pilar ri' k'o wo'o' q'a'aj kiwech. Y ri kipimil jun jaj rik'in nik'aj.

Ez 41:26

Y pa taq ruxikin ri okibel ri' ek'o ventana y ya'on k'arak'ik taq che' chikiwech. Y pa taq ruxikin ri ventana ri' ya'on kiwachibel palma. Ri ventana richin ri jay, ri kan kitunun-ki' rik'in ri rachoch ri Dios, chuqa' ya'on k'arak'ik che' chikiwech.

Ez 41:24

Y chikijujunal k'o ka'i' ruxaq y toq yejaq kan nikibus-ki'.