Ez 40:46 - Kaqchiquel Bible

⁴⁶ Y ri jay ri nitzu'un pa xaman, kichin ri e sacerdote ri yesamej rik'in ri porobel. Konojel rije' e rijatzul kan ri Sadoc y roma ri' xa kan xaxe rije' chikikojol ri e rijatzul kan ri Leví ri ruk'amon yesamej chiri' chuwech ri Jehová.

Ez 40:46 ပူးပေါင်းရင်းမြစ်များ

Ez 44:15

Jak'a ek'o levita ri e rijatzul kan ri Sadoc ri kan xkiben ronojel pa ruchojmilal toq ri ch'aqa' chik israelita xkijech'ej kan ki' chire ri nubey. Re sacerdote re' utz k'a xkejel-apo chinuwech richin nikisuj ri q'en y ri kik' richin ri kamelabel pa ruwi' ri porobel.

Ez 43:19

Y ri xkesamej-apo wik'in ja ri e levita e rijatzul kan ri Sadoc. Xtaya' k'a chike jun nima-alaj achij wákix richin chi xtikisuj kamelabel richin kuyubel-mak. Ja yin Jehová ri yibin.

1 Rey 2:35

K'ari' ri rey Salomón xuben chi ri Benaías, ruk'ajol ri Joiadá, xok aj-raqen pa kiwi' ri aj-labal ri e richin kan ri Joab; y chuqa' xuben chi ri sacerdote Sadoc xok kan pa ruk'exel ri Abiatar.

Ez 48:11

Re ulew k'a re' kan xtich'ar kan chike ri e sacerdote ri e rijatzul kan ri Sadoc, roma rije' man xekitzeqelibej ta ri ch'aqa' chik levita toq ri israelita xkijech'ej kan ki' rik'in ri nubey.

Wuj Richin ri Q'axanri'il 18:5

Jak'a rix ri k'o chi yixpa'e' chuwech ri samaj richin ri wachoch yin y chuqa' ri samaj rik'in ri porobel, richin chi man niyakatej ta chik woyowal pa kiwi' ri iwinaq israelita.

Wuj Richin ri Q'axanri'il 16:5

Y k'ari' xubij chire ri Coré y chike konojel ri e tzeqelibeyon richin: Ri chua'q nimaq'a' yan ri Jehová xtuq'alajirisaj ri achike ri kan qitzij ruch'aron richin nok sacerdote. Rija' kan xtroyoj k'a apo chunaqaj ri rachoch. Y ri xtucha' y xtroyoj ri Jehová, kan xtuben k'a chire chi xtijel-apo rik'in, xcha'.

Ez 45:4

Ri juba' chik chire re ulew re', jari' ri xtok kichin ri sacerdote ri yesamajin ri wachoch, roma rije' kan xkejel-apo wik'in richin yinkisamajij y kan chiri' chuqa' xtik'oje-wi ri kachoch rije'. Y re ulew re' kan xtik'oje' k'a janila rejqalen.

Ez 42:13

K'ari' ri achin xubij chuwe chi ri jay ri ek'o pa xaman y ri ek'o pa xokon chire ri ruwa-jay ri k'o chuwech ri rachoch ri Dios, re' kan e ch'aron kichin ri sacerdote. Kan chiri' xtikitej-wi ri sipanik ri ch'aron chire ri Jehová, nel chi tzij ri sipanik ri jalajoj ruwech ixin, ri kamelabel richin kuyubel-mak y ri kamelabel richin ch'a'oj, roma re jay re' kan e ch'aron chire rija'.

Wuj Richin ri Q'axanri'il 16:40

Richin keri' xok kan jun natabel chikiwech ri winaqi' israelita, chi xaxe ri e rijatzul ri Aarón ri utz nikisuj pom chuwech ri Jehová. Y wi k'o jun xabachike wineq ri nibanon keri', kan xtuk'uluwachij k'a achi'el ri xuk'uluwachij ri Coré y ri e tzeqelibey richin. Kan kere' k'a ri xubij ri Jehová chire re tinamit roma ri Moisés.

Wuj Richin ri Chojmirisabelri'il 10:3

Xeri' ri Moisés xubij chire ri Aarón: Ri Jehová kan ch'owineq chik k'a kan chirij achi'el re xbanatej re wakami, kan rubin chik k'a: Ri kan yejel k'a pe wik'in richin yinkisamajij, kan qitzij wi chi niq'alajin ri nuq'ij-nuk'ojlen chupan ri kik'aslen, y xtitz'et koma konojel winaqi' chi kan man jun chik ri achi'el ta yin; keri' rubin ri Dios, xcha' ri Moisés. Y ri Aarón kan man jun k'a ch'abel ri xubij.

Efesios 2:13

Ri ojer kan rix nej ixk'o-wi chire. Jak'a re wakami rix ri ikuquban ik'u'x rik'in ri Cristo Jesús, xixya'ox naqaj rik'in. Y re' xbanatej roma xken iwoma rix.

Ez 40:17

Chirij ri' ri achin xiruk'uaj-el pa corredor y xojel-el chuwa-jay. Y ri chiri' losa ukusan chire ri rusutin-q'anej ruwech ri tz'aq y ri ruwech, wolajuj jaj y ri' k'o k'a pa xulan. Y yin xintz'et ri chiri' pa ruwi' ri losa ri' banon juwineq lajuj taq jay.

Ez 40:38

K'o jun chik jay ri k'o chunaqaj ri ruwa-jay richin ri okibel. Chiri' yech'aj-wi ri chikopi' richin yeporox jumul.

Wuj Richin ri Chojmirisabelri'il 6:2

Wi k'o ta jun wineq ri kan nujikiba' rutzij chikiwech ri winaqi' y chinuwech yin, chi man rubanon ta jun q'oloj y xa kan rubanon, re wineq re' kan aj-mak-wi. Roma rik'in juba' xa man rutzolin ta ri uxqanen kan pa ruq'a', o rik'in juba' neleq' rik'in ri ruwinaq; o rik'in juba' xa rubanon-qa richin chire, ri xa man richin ta.