Ez 40:44 - Kaqchiquel Bible

⁴⁴ Toq jun nel-el pa corredor richin nok-apo chuwa-jay ri chiri' pa xaman, k'o jun chik jay. Y ri ruchi' nitzu'un pa xokon. Y toq jun nel-el pa corredor richin nok-apo chuwa-jay ri chiri' pa xokon, k'o jun chik jay. Y ri ruchi' nitzu'un pa xaman.

Ez 40:44 ပူးပေါင်းရင်းမြစ်များ

Ez 40:10

Y ri ox-ox taq jay ri ek'o pan okibel chiri' pa relebel-q'ij chire ri rachoch ri Dios, ronojel junan ketabal; chuqa' junan ketabal ri rupimil ri tz'aq ri ek'o chikikojol ri jay ri'.

Ez 40:17

Chirij ri' ri achin xiruk'uaj-el pa corredor y xojel-el chuwa-jay. Y ri chiri' losa ukusan chire ri rusutin-q'anej ruwech ri tz'aq y ri ruwech, wolajuj jaj y ri' k'o k'a pa xulan. Y yin xintz'et ri chiri' pa ruwi' ri losa ri' banon juwineq lajuj taq jay.

Ez 40:23

Y ri rukojol ri jay ri' rik'in ri okibel ri k'o pa xaman chire ri ko'ol ruwa-jay k'o juwineq lajuj jaj.

Ez 40:27

Ri rukojol ri jay ri' rik'in ri okibel ri k'o pa xokon chire ri ko'ol ruwa-jay juwineq lajuj jaj, achi'el ri ch'aqa' chik okibel.

Ez 40:29

y ri raqen wolajuj jaj y ri ruwech wuqu' jaj rik'in nik'aj. Ri jay ri' junan rik'in ri jay ri akuchi nok-apo pa nima-ruwa-jay y ronojel ri retabal e junan chuqa'.

Ez 40:38

K'o jun chik jay ri k'o chunaqaj ri ruwa-jay richin ri okibel. Chiri' yech'aj-wi ri chikopi' richin yeporox jumul.

Efesios 5:19

Tipixabala-iwi' rik'in ri ch'abel ri kik'uan ri jalajoj kiwech bix. Y kan kixbixan k'a richin tiya' ruq'ij ri Dios.

Colosenses 3:16

Kan nik'atzin k'a chuqa' chi ri qánima nojineq ta rik'in ri ruch'abel ri Cristo. Kan rik'in ronojel etamabel tiqatijola-qi' chiqachibil-qi'. Y tiqabixaj rubi' ri ajaw roma ri matioxinik ri k'o pa taq qánima.