Ez 40:38 - Kaqchiquel Bible

³⁸ K'o jun chik jay ri k'o chunaqaj ri ruwa-jay richin ri okibel. Chiri' yech'aj-wi ri chikopi' richin yeporox jumul.

Ez 40:38 ပူးပေါင်းရင်းမြစ်များ

1 Rey 6:8

Ri ruchi' ri napon chupan chi oxi' wiq jay k'o pa xokon chire ri rachoch ri Jehová. Y richin yajote-el, k'o k'a jotolbel banon ri achi'el caracol rubanik.

1 Crón 28:12

Chuqa' xubij kan achike ri rubanik ri ruch'obon ri niban chire ri ruwa-jay, y ri ruch'obon rija' ri rubanik ri xkebek'oje' pa taq ruxikin y ri jay akuchi yeyak-wi ri beyomel richin ri rachoch ri Dios y ri akuchi yeyak-wi ri ch'aqa' chik sipanik.

2 Crón 4:6

Chuqa' xuben lajuj carretón rik'in kokoj yakbel-ya' rik'in q'enq'oj-pueq, y xeruya' wo'o' pa xaman chire ri jay y ri wo'o' chik pa xokon. Rik'in k'a ri ya' ri nik'oje' chupan ri yakbel-ya' ri', nich'aj-wi ri ti'ij richin ri chikop ri nisuj richin niporox chijun, jak'a ri nimalej yakbel-ya' nik'atzin richin chiri' nikich'ej-wi ki' ri e sacerdote ri yesuju ri kamelabel.

Wuj Richin ri Nehemías 13:5

Y roma ri' xuya' chire jun chike ri jay richin ri rachoch ri Dios richin nik'oje' chiri'. Jak'a ri jay ri' xa richin niyak ri sipanik, ri pom, ri samajibel richin pa rachoch ri Dios, ri jun chire ri lajuj chire ri jalajoj ruwech ixin, ri vino, ri aceite, y ronojel ri bitajineq chi niya'ox chike ri levita, ri bixanela' y ri chajinela'. Chiri' chuqa' niyak-wi ri sipanik ri kichin ri sacerdote.

Wuj Richin ri Nehemías 13:9

Y xinbij chi tich'ajch'ojirisex jebel ri jay ri', y keya'ox jun bey chik pa kik'ojelibal ri samajibel richin ri rachoch ri Dios, y chuqa' ri sipanik y ri pom.

Wuj Richin ri Jeremías 35:4

Y xenk'uaj pa rachoch ri Jehová y xojok-apo pa kachoch ri ralk'ual ri Hanán ruk'ajol ri Igdalías, ri rusamajel ri Dios; ri jay ri' k'o-apo chunaqaj ri jay kichin ri tata'al, ri k'o pa ruwi' ri rachoch ri Maaseías ruk'ajol ri Salum ri nichajin ri ruchi' ri rachoch ri Dios.

Ez 40:12

Y chupan ri okibel kichin ri taq jay, k'o jun ko'ol tz'aq y ri rupimil ri tz'aq ri' k'o ka'i' q'a'aj rik'in nik'aj y ri rujotolen k'o ka'i' q'a'aj rik'in nik'aj chuqa'.

Ez 40:17

Chirij ri' ri achin xiruk'uaj-el pa corredor y xojel-el chuwa-jay. Y ri chiri' losa ukusan chire ri rusutin-q'anej ruwech ri tz'aq y ri ruwech, wolajuj jaj y ri' k'o k'a pa xulan. Y yin xintz'et ri chiri' pa ruwi' ri losa ri' banon juwineq lajuj taq jay.

Ez 40:44

Toq jun nel-el pa corredor richin nok-apo chuwa-jay ri chiri' pa xaman, k'o jun chik jay. Y ri ruchi' nitzu'un pa xokon. Y toq jun nel-el pa corredor richin nok-apo chuwa-jay ri chiri' pa xokon, k'o jun chik jay. Y ri ruchi' nitzu'un pa xaman.

Ez 40:45

Y ri achin ri nich'on wik'in xubij chuwe chi ri jay ri nitzu'un pa xokon, kichin ri e sacerdote ri yesamej pa rachoch ri Dios.

Ez 40:46

Y ri jay ri nitzu'un pa xaman, kichin ri e sacerdote ri yesamej rik'in ri porobel. Konojel rije' e rijatzul kan ri Sadoc y roma ri' xa kan xaxe rije' chikikojol ri e rijatzul kan ri Leví ri ruk'amon yesamej chiri' chuwech ri Jehová.

Ez 42:13

K'ari' ri achin xubij chuwe chi ri jay ri ek'o pa xaman y ri ek'o pa xokon chire ri ruwa-jay ri k'o chuwech ri rachoch ri Dios, re' kan e ch'aron kichin ri sacerdote. Kan chiri' xtikitej-wi ri sipanik ri ch'aron chire ri Jehová, nel chi tzij ri sipanik ri jalajoj ruwech ixin, ri kamelabel richin kuyubel-mak y ri kamelabel richin ch'a'oj, roma re jay re' kan e ch'aron chire rija'.

Wuj Richin ri Chojmirisabelri'il 1:13

Y ri rajaw ri chikop xtuch'ej ri rixkolob y ri taq raqen ri ti chikop, y ri sacerdote xtusuj y xtuporoj ronojel pa ruwi' ri porobel, y re' jare' ri sipanik poron richin nijubulin chinuwech yin.

Wuj Richin ri Chojmirisabelri'il 1:9

Y ri rajaw ri chikop xtuch'ej ri rixkolob y ri taq raqen ri ti chikop, y ja ri sacerdote xtiya'on-qa ronojel re' pa ruwi' ri porobel; y re' jun sipanik poron richin janila nijubulin chinuwech yin Jehová.

Hebreos 10:22

Roma ri' qojjel k'a apo rik'in ri Dios, rik'in ch'ajch'oj qánima y kan kuqul-qak'u'x. Ch'ajch'ojirisan ta ri qánima chire ri etzelal, y ri qak'aslen ch'ajon ta chik rik'in ch'ajch'ojilej ya'.