Ez 40:30 - Kaqchiquel Bible

^30-31 Y wi nel-el pa nima-ruwa-jay richin nok-apo pa ko'ol ruwa-jay, k'o chi nijote-q'anej waqxaqi' grada. K'ari' nok-apo chupan ri jay richin niq'ax-el pa corredor. Y chupan ri corredor ri' ek'o ruwachibel palma achi'el ri ch'aqa' chik corredor. Y toq nok-apo chupan ri ko'ol ruwa-jay, chiri' k'o ka'i' taq jay, jun pa rajxokon y jun chik pa rijkiq'a'. Y ri raqen chikijujunal ri jay ri' wuqu' jaj rik'in nik'aj y ri ruwech jun jaj rik'in nik'aj.

Ez 40:30 ပူးပေါင်းရင်းမြစ်များ

Ez 40:21

Ri okibel ri k'o chiri' junan rik'in ri okibel ri k'o pa relebel-q'ij. K'o oxi' taq jay pa rijkiq'a' y pa rajxokon chire ri corredor. Chuqa' k'o jun chik jay ri k'o pa ruk'isibel chire ri corredor ri nel-el chuwa-jay. Y ronojel re' k'o wolajuj jaj raqen y wuqu' jaj rik'in nik'aj ri ruwech. Y ri ch'aqa' chik retabal xa kan junan rubanik rik'in ri k'o pa relebel-q'ij.

Ez 40:36

Y ri raqen ri jay ri' kajlajuj jaj y ri ruwech wuqu' jaj rik'in nik'aj. Ri jay ri' e junan kik'in ri ch'aqa' chik jay richin okibel y ri ketabal chuqa' e junan kik'in ri ch'aqa' chik.

Ez 40:33

Y ri raqen ri jay ri' wolajuj jaj y ri ruwech wuqu' jaj rik'in nik'aj. Ri jay ri' e junan kik'in ri ch'aqa' chik jay ri ek'o pan okibel y ri ketabal chuqa' e junan kik'in ri ch'aqa' chik.

Ez 40:29

y ri raqen wolajuj jaj y ri ruwech wuqu' jaj rik'in nik'aj. Ri jay ri' junan rik'in ri jay ri akuchi nok-apo pa nima-ruwa-jay y ronojel ri retabal e junan chuqa'.

Ez 40:25

Ri achi'el taq ventana e junan kik'in ri ch'aqa' chik. Y ri retabal wolajuj jaj ri raqen y wuqu' jaj rik'in nik'aj ri ruwech, achi'el ri ch'aqa' chik okibel.

Ez 40:16

Chupan ri tz'aq kichin ri taq jay y chupan ri pilar ri ek'o chupan ri corredor, ek'o achi'el taq kokoj ventana. Keri' chuqa' ek'o ri pilar ri sutin-rij ri jay ri nel-pe chuwa-jay. Y ri achi'el ventana ri' yetzu'un-pe k'a chupan ri jay ri'. Y chuwech ri tz'aq richin ri corredor ek'o toch'on ruwachibel palma.