Ez 40:3 - Kaqchiquel Bible

³ Y toq xiruk'uaj-el chiri', xintz'et k'a jun achin, ri rubanik achi'el banon rik'in q'enq'oj-pueq, pa'el chuchi' ri tinamit y ruk'uan jun k'an ri banon rik'in betz' lino y ruk'uan chuqa' jun che' richin etabel.

Ez 40:3 ပူးပေါင်းရင်းမြစ်များ

Wuj Richin ri Isaías 28:17

Ri ibanobal rix kan xtibe'etex rik'in ri pixa', achi'el niban rik'in jun etabel k'an. Ri ibanobal xtitz'et wi choj achi'el niban rik'in ri plomo. Ri itobal ri ikanon rix rik'in ri tz'ukun taq tzij kan xtuwulaj ri saqboch, y ri ya' xtunojisaj ri akuchi iwewan-iwi'.

Wuj Richin ri Isaías 8:20

Pa ruk'exel ri', rix k'o chi nik'ut ta ri rupixa' ri Dios richin niwetamaj wi niban ta tijonik achi'el nubij ri pixa'. Y wi man keri' ta, ri Dios man ruya'on ta ri saqil kik'in ri winaqi' ri'.

Ez 1:27

Y kere' ri rubanik: Nitiker-el xerupan k'a pa jotol kan nirepelun achi'el xa ta jun ch'ich' ri nibiron pa q'aq'. Y ri xerupan pa xulan xintz'et chi achi'el xa ta q'aq' y kan rusaqirisan chijun rij,

Ez 1:7

Ri pakaqen kan achi'el kixk'eq wákix y ri kaqen kan e choj e choj. Kan yerepelun k'a achi'el nirepelun ri q'enq'oj-pueq toq jebel josq'in.

Ez 41:1

Toq oj q'axineq chik chupan ri jay ri', xojapon chuchi' ri rachoch ri Dios. Ri ruchi-jay oxi' jaj ruwech y k'o jujun pilar pa taq ruxikin. Ri kiwech ri pilar ri' jun jaj rik'in nik'aj y ri kipimil jun jaj rik'in nik'aj. Y toq xqaq'axaj chik ri ruchi' ri jay ri', ri achin xretaj. Y kablajuj jaj raqen y waqi' jaj ruwech.

Ez 42:16

Y ri raqen ri tz'aq ri k'o kere' pa relebel-q'ij xuya' 150 jaj.

Ez 43:6

Rokik k'o wik'in ri achin, jari' toq xinwak'axaj chi ri Jehová kan k'a pa rachoch nich'on-pe wik'in.

Ez 47:3

Ri achin ri' k'o k'a jun k'an pa ruq'a', y xbiyin-qa pa xulan chuchi' ri raqen-ya'. Y toq xbiyin 299 jaj rik'in ka'i' q'a'aj, xuben chuwe richin xinq'axaj ri raqen-ya'. Y ri ya' ri' chuqul-waqen xapon-wi-q'anej.

Ez 8:2

Y xintz'et k'a jun achi'el wineq. Y kere' k'a ri rubanik: Ri xerupan ri pa jotol-q'anej kan achi'el jun saqil ri kan nirepelun achi'el nirepelun ri q'enq'oj-pueq. Y ri pa xulan-qa kan achi'el q'aq'.

Apocalipsis 1:15

Ri raqen nirepelun achi'el ri q'enq'oj-pueq toq niya'erisex pan horno. Y ri ruch'abel kan janila niwajin, achi'el yewajin ri raqen taq ya'.

Apocalipsis 11:1

Chirij ri' xbejach k'a pe jun aj chuwe, ri achi'el jun che' richin etabel. Y xbix k'a chuwe: Kabiyin y tawetaj rupan ri wachoch yin ri Dios, chuqa' ri porobel, y kebe'awajlaj-pe ri janipe' ri yeya'on nuq'ij.

Apocalipsis 21:15

Y ri ángel ri nich'on wik'in, ruk'uan jun aj richin etabel ri banon rik'in q'anapueq, richin nretaj ri Jerusalem, ri kablajuj okibel y ri tz'aq.