Ez 40:2 - Kaqchiquel Bible2 Y chupan ri achi'el achik' ri' ri Jehová k'o k'a xuk'ut chinuwech. Xiruya' chiri' pa ruwi' jun nimalej juyu' y xintz'et chi kela' pa xokon k'o ka'i-oxi' jay y achi'el jun tinamit niq'alajin. အခန်းကိုကြည့်ပါ။ |
Xk'uluwachitej k'a chi chupan ri juna' juwineq lajuj*f1* chupan ri ro' q'ij chire ri rukaj ik' chupan ri ro' juna', toq xk'amer-pe ri rey Joaquín pa ximonri'il; yin Ezequiel ri in sacerdote ruk'ajol kan ri Buzí. Ink'o k'a chunaqaj ri raqen-ya' Quebar chiri' pa ruwach'ulew Babilonia chikikojol ri nuwinaq ri e k'amon-pe pa ximonri'il. Jari' toq ri Jehová xch'on wik'in y kan jari' xoqaqa ri ruchuq'a' pa nuwi' y k'o k'a xuk'ut chinuwech.
Roma yin Jehová ri ink'o pa ruwi' ronojel ninjikiba' nutzij chi chiri' pa ruwi' ri juyu' ri nucha'on yin, chiri' rix ri aj pa rachoch kan ri Israel xkinisamajij y chiri' xtiya-wi nuq'ij y yin rik'in ronojel wánima xtink'ul ri isipanik, ri nabey ruwech taq itiko'n. Y ronojel ri xtisuj chuwe xtink'ul rik'in kikoten.
Toq oj q'axineq chik chupan ri jay ri', xojapon chuchi' ri rachoch ri Dios. Ri ruchi-jay oxi' jaj ruwech y k'o jujun pilar pa taq ruxikin. Ri kiwech ri pilar ri' jun jaj rik'in nik'aj y ri kipimil jun jaj rik'in nik'aj. Y toq xqaq'axaj chik ri ruchi' ri jay ri', ri achin xretaj. Y kablajuj jaj raqen y waqi' jaj ruwech.
Y ri wineq ri' xuya' k'a pe ri ruq'a' chuwe y xirujik'-el chirusumal-nuwi' y rik'in uchuq'a' xirutzeqej-el chikaj. Y pa jun achi'el achik' xiruk'uaj k'a pa rachoch ri Jehová ri k'o k'a pa Jerusalem, ri akuchi k'o-wi ri okibel ri k'o pa xaman chire ri ruwa-jay ri k'o-apo. Y chiri' k'o jun ruwachibel jun dios ri kibanon ri winaqi', ri niyako royowal ri Jehová.
Toq k'a k'es na ri Belsasar, rey richin Babilonia, chupan k'a ri nabey juna' richin ri ruq'atbal-tzij, yin Daniel xinben k'a jun achi'el achik' rokik in kotz'ol pa nuch'at y kan k'o k'a ri xek'utumej chinuwech. Toq xuna' nuwech kan jari' xintz'ibaj ri wachik' y xinchol k'a ronojel ri xk'utumej chinuwech.
Y ri rukaj chikop ri xintz'et, kan namey y kan nak'en rukiy ri rubanik. Kan k'o janila ruchuq'a' y ri rey kan e nima'q y e achi'el q'eqapueq. Ronojel k'a ri nril nutej y nuwulaj jumul y ri man nuk'is ta, kan nubech kan chi'aqen. Re chikop re' kan man junan ta k'a kik'in ri ch'aqa' chik chikopi' ri e nutz'eton-pe, y kan k'o k'a chuqa' lajuj ruk'a'.
chupan ri rutz'iban kan rija', ri Dios nubij:*f5* Chupan ri ruk'isibel taq q'ij, xtinya-pe ri Loq'olej Espíritu pan iwi' chi'iwonojel rix. Y chi xtani' chi alaboni' xtikiq'alajirisaj ri ninbij chike. Y ri k'a e k'ajola', pa jun achi'el achik' xtikitz'et ri ninq'alajirisaj chike. Y ri achi'a' e rijita'q chik, pa kachik' k'a ri k'o xkenq'alajirisaj chike.