Ez 40:1 - Kaqchiquel Bible

¹ Toq xtz'aqet juwineq wo'o' juna' chi qojk'amer-pe pa Babilonia, chuqa' jari' toq xtz'aqet kajlajuj juna' tich'akatej ri qatinamit Jerusalem. Y chupan ri q'ij lajuj chire ri nabey ik' chire ri juna' ri', xpe ri ruchuq'a' ri Jehová pa nuwi' y chupan jun achi'el achik' xiruk'uaj-el pan Israel.

Ez 40:1 ပူးပေါင်းရင်းမြစ်များ

Ex 12:3

Chuqa' tabij re jun ruchojmilal re' chike konojel ri iwinaq israelita: Chupan ri q'ij lajuj chire re ik' re', chikijujunal chike ri achi'a' tikicha' chikikojol ri kawej jun ti alaj achij karne'l richin junan nikitej kik'in ri aj pa kachoch.

Ex 12:41

Y kan chupan k'a ri ruk'isibel q'ij richin ri 430 juna' ri', jari' toq ri tzobaj richin ri tinamit Israel, xe'el-el ri chiri'.

Ex 40:2

Chupan ri nabey q'ij chire ri nabey ik' chire ri juna', jari' toq xtapaba-q'anej ri wachoch richin molojri'il.

Ez 11:24

Xeri' chupan ri wachik', ri ru-Espíritu ri Jehová xiruk'uaj chik el pa Babilonia akuchi ek'o-wi ri ch'aqa' chik nuwinaq.

Ez 29:17

Toq xtz'aqet yan juwineq wuqu' juna' chi xojk'amer-pe pa Babilonia, chupan ri nabey q'ij chire ri nabey ik', ri Jehová xch'on chik wik'in y xubij chuwe:

Ez 3:14

Y toq ri ru-Espíritu ri Jehová xiruyek-q'anej, jari' toq xiruk'uaj-el ri chiri'. Y yin kan k'ayirineq pa nuchi' y xyakatej janila woyowal, roma ri ruq'a' ri Jehová kan qajineq k'a ri ralal chuwij yin.

Ez 3:22

Y chirij re' ri ruchuq'a' ri Jehová xpe chik jun bey wik'in y xubij chuwe chi kibiyin pa taq'aj y chiri' xtich'on wik'in.

Ez 32:1

Toq xtz'aqet yan kablajuj juna' chi xojk'amer-pe pa Babilonia, chupan ri nabey q'ij chire ri ik' kablajuj, ri Jehová xch'on chik wik'in y xubij chuwe:

Ez 32:17

Toq xtz'aqet wolajuj q'ij, ri Jehová xch'on chik wik'in y xubij chuwe:

Ez 33:21

K'o k'a jun q'ij jun achin xanimej-pe ri chiri' pa Jerusalem y xapon wik'in, toq xtz'aqet kablajuj juna' chi xojk'amer-pe pa Babilonia, chupan ri ro' q'ij chire ri ik' kablajuj. Y rija' xutzijoj chuwe chi ri tinamit Jerusalem xch'akatej pa kiq'a' ri e etzelanel qichin.

Ez 37:1

Ri Jehová xuya' ri ruq'a' pa nuwi' richin xiruk'uaj-el pa jun achi'el achik' pa jun taq'aj kojol juyu' ri akuchi nojineq rik'in baq kichin winaqi'.

Ez 8:1

Xk'uluwachitej k'a chi chupan ri ro' q'ij chire ri ruwaq ik' richin ri ruwaq juna' toq oj eleneq-pe pa qaruwach'ulew. Yin Ezequiel in tz'uyul k'a pa wachoch y ri achi'a' ri k'o kiq'ij richin ri Judá e tz'uyul-apo chinuwech. Jari' toq ri ruchuq'a' ri Jehová xoqaqa pa nuwi'.

Apocalipsis 1:10

Y chupan jun chike ri q'ij toq niqaya' ruq'ij ri Dios, ri Loq'olej Espíritu xirunojisaj rik'in uchuq'a'. Y xinwak'axaj k'a chi k'o jun ri nich'on-pe chuwij ri ruch'abel kan achi'el niq'ajan jun trompeta.